طالبان: د منفي تبلیغاتو د مخنیوي لپاره باید د ولس د فکر جوړولو هڅې وشي
د طالبانو د اطلاعاتو او کلتور وزارت سرپرست ملا خیرالله خیرخواه وایي: «د منفي تبلیغاتو د مخنیوي لپاره باید د ولس د فکر جوړولو هڅې وشي.»
د طالبانو د اطلاعاتو او کلتور وزارت سرپرست ملا خیرالله خیرخواه وایي: «د منفي تبلیغاتو د مخنیوي لپاره باید د ولس د فکر جوړولو هڅې وشي.»
نوموړي په یوې غونډه کې د وینا پرمهال دغه راز د ځوان نسل د ښې روزنې، فکري ودې او دوی ته په کور دننه د کار او ګټې د زمينې پر برابرولو ټينګار کړی دی.
د دغه طالب چارواکي په خبره: «د ولس د فکر جوړولو لپاره لا ډېرو هڅو ته اړتیا ده، څو د دښمنانو د منفي تبلیغاتو ښکار نه شي.»ښاغلي خیرخواه په خپلو خبرو کې د دوښمن په توګه د کوم مشخص کس، ډلې یا هېواد نوم نه دی اخیستی.د طالبانو د اطلاعاتو او کلتور وزارت سرپرست د هېواد له ولایتي ریاستونو غوښتي، چې په وړ بستونو کې باید استعداد لرونکي کسان وګومارل شي.یاد طالب چارواکی په داسې حال کې د دې وزارت په ولایتي ریاستونو کې د سمو ګومارنې خبرې کوي، چې پر افغانستان د طالبانو له واکمنۍ وروسته دغې ډلې هڅه کړې د تېر حکومت کارکوونکي له دندې لرې او پر ځای خپل جنګیالي او ملایان وګوماري.اخوا، طالبان هغو کسانو ته د دوښمن په سترګه ګوري، چې د دوی پر نظام نیوکې کوي او د اصلاحاتو د راوستو غوښتنه کوي.له دې سره، طالبانو له تېرو درېیو کلونو راهیسې د نړۍ په کچه رسنیو سره دوښمني پیل کړې ده او هغه افغانې رسنۍ چې له هېواده بهر فعالیتونه کوي، په هېواد دننه کې یې پر نشراتو بندیزونه لګولي او وایي، چې دغه رسنۍ په دوی پسې منفي تبلیغات کوي.یاده ډله د دې لپاره چې خپل طالبي فکر په ټولو افغانانو بیا په ځانګړې توګه په ځوانانو ومني، وخت ناوخته د خپلو مشرانو خبرې چاپ او پر خلکو وېشي.که څه هم ډېری افغانان وایي، چې دوی ته د جمهوریت او امارت واکمني مهمه نه ده، یوازې دا مهمه ده چې د هېواد اقتصادي، سیاسي، امنیتي او ټولنیز وضعیت ښه شي، دا هغه څه دي، چې طالبان په کې پاتې راغلي او د خلکو له نیوکو سره مخ شوي دي.
