بنګله دېش حکومت: د شېخ حسینې پر ضد د ۸۰ زره کروړه روپیو د فساد د تورونو ارزونه کوو
د بنګله دېش د فساد ضد کمېسیون پرېکړه کړې، چې د پخوانۍ لومړۍ وزیرې شېخ حسینې واجد او د هغې د کورنۍ پر ضد د ۸۰ زره کروړه ډالرو فساد تورونه وڅېړي.
د بنګله دېش د فساد ضد کمېسیون پرېکړه کړې، چې د پخوانۍ لومړۍ وزیرې شېخ حسینې واجد او د هغې د کورنۍ پر ضد د ۸۰ زره کروړه ډالرو فساد تورونه وڅېړي.
د راپورونو له مخې، په دغو تورونو کې د روپ پور اټومي برېښنا پروژې څخه د ۵ ملیارده ډالرو د فساد تورونه شامل دي، په داسې حال کې چې د دې پروژې په ګډون په نورو پروژو کې د ۸۰ زره کروړه روپیو فساد اټکل شوی دی.
د رسنیو د راپور له مخې، په تورنو کسانو کې پخوانۍ لومړۍ وزیره شېخ حسینه، د هغې خور شېخ ریحانه، زوی سجیب واجد جوی او وراره یې ټیولپ صدیق او د کورنۍ نور غړي شامل دي.
د پخوانۍ لومړۍ وزیرې کورنۍ د فساد د تورونو ترڅنګ د روپ پور او اشریان په څېر پروژو کې په بې غورۍ هم تورنه ده.
د روپ پور اټومي برېښنا پروژه کې د شېخ حسینې د کورنۍ د فساد په اړه راپورونه د اګست په ۱۹ په یو شمیر ورځپاڼو کې خپاره شول.
په دغو راپورونو کې د ګلوبل ډیفنس کارپورېشن معلومات ښیي، چې شېخ حسینه، سجیب واجد جوی او ټیولپ صدیق د یوه بهرني بانک له لارې پنځه ملیارده ډالر اختلاس کړی.
د روپ پور اټومي برېښنا پروژه په بنګله دیش کې ترټولو ستره پروژه ده، چې لګښت یې د ۱۲،۶۵ ملیارده ډالرو اټکل شوی.
د يادونې وړ ده، چې د بنګله دېش پخوانۍ لومړۍ وزيرې شېخ حسينه څو مياشتې وړاندې د پراخو لاريونونو په پايله کې له خپلې دندې استعفا وکړه او هند ته وتښتېده.
د اوکراین ولسمشر ولادیمیر زېلېنسکي ویلي، چې د پولنډ له لومړي وزیر ډونالډ تسک سره یې کتلي دي.
په دغه کتنه کې دواړو هېوادونو د اړیکو په ثبات خوښي څرګنده کړې ده.
زېلېنسکي ویلي؛ خوښ دی چې اړېکې یې په داسې ستونزمنو حالاتو کې ثبات لري.
زېلېنسکي وویل: «په راتلونکي کال کې به پولنډ د اروپايي ټولنې د شورا مشري په غاړه ولري. دا مشري کولی، شي موږ ته د اروپايي اتحادیې د غړیتوب په لور د پام وړ پرمختګ راولي.»
په دې کتنه کې د اوکراین ولسمشر د پولنډ څخه مننه کړې چې په ناټو کې د بشپړ غړیتوب لپاره یې د دوی ملاټړ وکړ.
زېلېنسکي وویل: « زه د پولنډ څخه مننه کوم چې د ناټو د بشپړ غړیتوب لپاره یې له موږ څخه ملاټړ وکړ او ژر تر ژره یې په اتحاد کې د شاملېدو بلنه ترلاسه کړه. پولنډ پوهېږي چې دا زموږ د اروپایي برخې لپاره څومره مهم دی چې ریښتیني امنیت تضمین کړي.»
همدا راز، ښاغلي ډونالډ ټسک وویل: «اوس د دې وخت دی چې ټول لوېدیځ په خپل ځواک، امکاناتو او خپل توان باور ولري، چې د دې سترې لوبې ټولو لوبغاړو ته قناعت ورکړي، چې اوکراین او ټوله نړۍ یوازې د سولې او ځمکنۍ بشپړتیا او سرحدونو د درناوي مستحق دي.»
زېلېنسکي وویل، چې په دې کتنه کې یې د جګړې په ډګر او ډیپلوماسۍ ډواړو مفصلې خبرې وکړې. هغه زیاته کړه، چې موږ د اوکراین په اړه ګډ لید لوری لرو: «اوکراین عادلانه سولې ته اړتیا لري، باید قوي وي او نور ځواکمنتیا ته اړتیا لري.»
بل خوا، دا چې پولنډ د روسیې پر وړاندې د لوېدیځ متحدینو په لومړۍ کرښه کې ولاړ دی او د اوکراین جګړو کې د روسیې د پراختیایي سیاستونو مخنیوي لپاره مهم رول لوبوي، نو روسیه د پولنډ پر وړاندې یو سخت دریځ لري.
