بې پولې خبریالان وايي، طالبانو په ۲۰۲۴ کال کې لږ تر لږه ۱۲ دولتي او خصوصي رسنۍ تړلې دي. دغه سازمان د رسنیو تړل د نه منلو وړ بولي او د طالبانو له زندانونو څخه د خبریالانو د ژر تر ژره خوشې کېدو غوښتنه کوي.
د بې پولې خبريالانو سازمان د پنجشنبې په ورځ (د لېندۍ ۲۹ مه) په يوې خبرپاڼې کې ليکلي، چې طالبان د رسنيو د غلي کولو لپاره په وروستي ځل ارزو ټلوېزيون ته ورغلي او يو شمېر کارکوونکي يې نيولي دي.
بې پولې خبریالانو د رسنیو پر وړاندې د طالبانو «ظالمانه» کړنې غندلې او د دې ډلې له زندانونو یې د خبریالانو د خلاصون غوښتنه کړې ده.
د بې پولې خبریالانو د سویلي اسیا د څانګې مشره سیلیا مرسيه وايي، په وروستیو میاشتو کې په افغانستان کې له رسنیو سره د طالبانو «ایډیالوژیکي او ظالمانه» چلند زیات شوی دی.
مرسيه ټینګار کوي، چې له دې کړنو وروسته یو په بل پسې رسنۍ تړل شوې دي.
د بې پولې خبريالانو د جنوبي اسيا د څانګې مشرې وويل: «په کابل کې د ارزو پر ټلوېزيون د طالبانو وحشیانه ورتګ وښوده چې په پلازمېنه کې مېشتې رسنۍ له ظالمانه اقداماتو خوندي نه دي.»
د بې پولې خبریالانو ټولنې ویلي، چې د امربالمعروف قانون له تصویب وروسته په افغانستان کې پر رسنیو محدودیتونه زیات شوي دي.
دغه سازمان زیاته کړې، چې د امربالمعروف د قانون له مخې د ساکښو د انځورونو پر خپراوي له بندیز وروسته په بېلابېلو ولایتونو کې د ۷ تلویزیونونو خپرونې بندې شوي، چې په دې سره د تړل شویو تلویزیونونو شمېر ۱۲ ته ورسېد.
دغه نړیوال سازمان چې د خبریالانو او رسنیو ملاتړ کوي لیکلي دي، چې طالبانو یو شمېر سيمه یيزو رسينو ته وروسته له هغه د بیا فعالیت اجازه ورکړې، چې له دوی څخه یې د سا کښو د انځورنو او موسيقي نه خپرولو ژمنې واخيستې.
بې پولې خبريالانو د طالبانو دغه کړنې د بيان له ازادۍ سرغړونه بللې ده.
د بې پولې خبریالانو سازمان د طالبانو له زندانونو څخه د ټولو خبریالانو له قید او شرط پرته خوشي کېدو باندې ټینګار کړی او خلکو ته یې بې پرې معلومات ورکول د افغانستان د کورنیو رسنیو حق بللی دی.
دغه سازمان له طالبانو غوښتي چې رسنیو ته اجازه ورکړي، څو د منل شویو معیارونو له مخې خلکو ته معلومات ورکړي.
سرچینو افغانستان انټرنشنل – پښتو ته د طالبانو د ترانسپورت وزارت هغه دوه مکتبونه لېږلي، چې د ميرویس نیکه او مهمند بابا په نوم ترانسپورتي شرکتونو فعالیت یې تر دویم امر پورې بند کړی.
د طالبانو ترانسپورت وزارت په دې مکتوب کې لیکل شوي: «دغه شرکتونه د ترانسپورتي تخلف له امله تر امر ثاني پورې فعالیت نه شي تر سره کولی.»
د طالبانو د کورنيو چارو وزارت ویاند عبدالمتين قانع وايي، چې په دې پېښه کې ۵۲ کسان مړه او ۶۵ نور ټپيان شوي دي.
سرچينو افغانستان انټرنشنل ـ پښتو ته وویل، چې په دې ټکر کې تر ۲۰ زيات د طالبانو امنيتي او ملکي کسان هم مړه شوي، چې غوښتل يې د رسمي کارونو لپاره کابل ته ولاړ شي.
سرچينې په پېښه کې د مړو شویو طالبانو سندونه هم رالېږلي او زياتوي، چې دغو طالبانو د سويلي حوزې په ځانګړي ډول د هلمند په بېلابيلو امنيتي او ملکي ادارو کې دندې درلودې.
پېښه د دوو ټکرونو له کبله د غزني په شهباز او ناني سيمو کې شوې.
د طالبانو د کورنيو چارو وزارت ویاند عبدالمتین قانع وايي، چې یو شمېر ټپیان يې د کابل ايمرجنسي، جمهوریت او د وزیر اکبر خان روغتونونو ته انتقال کړي دي.
د قانع په وینا، د کورنیو چارو وزیر سراج الدین حقاني په امر په غزني کې یوه کمیسیون هم کار پيل کړی. هغه وایی، « د سراج الدین حقاني په سپارښتنه په غزني کې يو کمیسیون کار پیل کړ، تر څو شهیدان تکفین او کورنیو ته یې تسلیم کړي».
د طالبانو کورنيو چارو وزارت له ترانسپورتي شرکتونو غوښتي، چې پر لویو لارو د تګ راتګ پر مهال له احتیاطه کار واخلي او خبرداری یې ورکړی چې له سرغړوونکو سره به جدي قانوني چلند وکړي.
د سوریې موضوع ته په راګرځېدو سره پوتین وویل چې د دغه هېواد د پخواني ولسمشر بشارالاسد نسکورېدل د روسیې د ماتې په معنا نه دی. هغه وويل: « موږ لس کاله وړاندې سوريې ته د دې لپاره تللي وو چې د ترهګرو د پټنځايونو د جوړولو مخه ونيسو، هغه څه چې په ځينو نورو هېوادونو کې د بېلګې په توګه په افغانستان کې ليدل کېږي. په ټوله کې، موږ خپلې موخې ترلاسه کړې»
په سوریه کې د مسکو هوايي او سمندري تاسیسات له اوږدې مودې راهیسې په منځني ختیز کې د روسیې د نفوذ ساتلو مهم مرکز بلل کېږي او پوتین مخکې په خپل خبري کنفرانس کې ویلي و چې کرملین د سوریې له نویو مشرانو سره د خپلو اډو د خوندیتابه په اړه خبرې کوي.
هغه وویل، «موږ واردمخه په روسیه کې دننه او ګاونډیو هېوادونو کې خپلو شریکانو ته وړاندیز وکړ چې سوریې ته د بشردوستانه مرستو د رسولو لپاره حمیمیم هوايي اډه وکاروي».
د اې پي د رپوټ له مخې، پوتین ددې ناستې پیل په دې ټکو وکړ چې د روسیې اقتصاد سږکال د نږدې څلور سلنې ودې په مسیر کې دی. هغه ومنله چې د مصرفي توکو بیې لوړې دي او په دغه هېواد کې انفلاسیون ۹.۳ سلنه دی، خو ټینګار یې وکړ چې اقتصادي وضعیت لا هم «ثابت» دی.
پوتین، چې نږدې یو پر څلورمه پېړۍ یې واکمني کړې، وویل چې پوځ په اوکراین کې د خپلو اهدافو د ترلاسه کولو په لور پرمختګ کوي؛ چیرې چې ځواکونو یې ورو خو ثابت پرمختګ کړی دی.
هغه وویل، چې « وضعیت په بنسټیزه توګه بدلېږي، موږ د ټولې کرښې په اوږدو کې پرمختګ کوو».
کله چې له پوتین نه پوښتنه وشوه چې روسي ځواکونه به کله اوکرایني ځواکونه له کورسک نه وشړي، هغه په ځواب کې وویل، «موږ به هغوی یقیني شړو» خو دا یې ونه ویل چې څومره وخت به ونیسي.
پوتین د هغو لویدیزو شنونکو ادعاګانې چې د روسیې نوی هایپرسونیک بالسټیک توغندی د ناټو د هوایي دفاع سیسټمونه رانیولای شي، مسخره وبللې. هغه په طنز سره د لویدیز متحدانو ته د "لوړې ټکنالوژۍ مبارزې" چلینج ورکړ او وړاندیز یې وکړ چې مسکو به پر کیېف د برید واردمخه خبرداری ورکړي او وبه ګوري چې لویدیز یې څنګه دفاع کوي. هغه په موسکا وویل، « راځئ چې وګورو څه کېږي».
پوتین وویل چې مسکو د شخړې د سولهییز حل لپاره خبرو اترو ته چمتو دی، خو ټینګار یې وکړ چې اوکراین باید له ناټو سره د یوځای کېدو غوښتنه پرېږدي او د روسیې لاسته راوړنې ومني.
هغه د سوریې د پخواني ولسمشر بشارالاسد په اړه هم خپل لومړي څرګندونې وکړې.
پوتین وویل چې ده لا تر اوسه له اسد سره نه دي لیدلي، خو پلان لري چې ورسره وویني او د امریکایي ژورنالېست اوسټین ټایس په اړه یې هم وپوښتي، چې په سوریه کې ۱۲ کاله مخکې لادرکه شوی و.
