د افغانستان ملي لوبډله به سبا له زمبابوې سره خپله وروستۍ لوبه ترسره کړي
د افغانستان د کرېکټ ملي لوبډله به سبا د زمبابوې له ملي لوبډلې سره د یو ورځنیو سیالیو درېیمه او وروستۍ سیالي ترسره کړي.
د افغانستان د کرېکټ ملي لوبډله به سبا د زمبابوې له ملي لوبډلې سره د یو ورځنیو سیالیو درېیمه او وروستۍ سیالي ترسره کړي.
دغه لوبه به د افغانستان پر وخت د غرمې په ۱۲:۰۰ بجو پېل شي.
د افغانستان کرېکټ ملي لوبډلې د درې نړۍوالو یو ورځنیو سیالیو د لوبلړۍ په دویمه لوبه کې کوربه زمبابوې لوبدلې ته د ۲۳۲ منډو په ستر توپیر ماته ورکړه.
د زمبابوې پر وړاندې د افغان لوبډلې د ۲۳۲ منډو په توپیر بریا په یو ورځنیو نړۍوالو سیالیو کې د منډو له اړخه، تر ټولو ستره بریا ګڼل کېږي.
صدیق اتل ددغه سیالۍ غوره لوبغاړی وټاکل شو، چې ۱۰۴ منډې یې جوړې کړې وې او په ډګر ساتنه کې یې درې کېچونه نیولي و.
د افغانستان او زمبابوې ترمنځ لومړۍ یو ورځینۍ نړۍواله لوبه په هرارې کې د دوامداره ورښت له امله بې پایلې پای ته رسیدلې وه.
له دې وړاندې افغان لوبډلې د روان کال په سپتمبر میاشت کې سوېلي افریقا ته د ۱۷۷ منډو په توپیر ماتې ورکړې وه، چې هغه مهال د لوبډلې تر ټولو ستره بریا وه.
