د افغانستان د کرېکټ ملي لوبډلې پیاوړي پیلیز توپوهونکي رحمن الله ګربز په پښه کې د ټپ له امله خپلو مینه والو ته ډاډ ورکړی چې ډېر ژر به لوبو ته راوګرځي. نوموړی د ورانه عضلې د اوښتو او برېښ له امله د زمبابوې پر وړاندې د یو ورځنیو سیالیو له لوبلړۍ بهر شوی وو.
رحمن الله ګربز پر فیسبوک پاڼه د خپلې ناروغۍ په اړه لیکلي:« ګرانو او خوږو مینوالو زما ټپ زیات د تشویش وړ ندی دا یو څه وخت کیده چې د پښې د عضلې له امله مې درد محصوص کولو چې د ډاکټر په هدایت یې درې هفتې استراحت راکړی دی امید دی چې ستاسو د خوښ ساتلو لپاره بیاځلې زر لوبو ته راوګرځم ،ستاسو د دوعاګانو په هیله».
تر دې وړاندې د کرکټ بورډ ادارې په خپله فیسبوک پاڼه لیکلي وو، چې رحمن الله ګربز په پښه کې د ټپ له امله له زبمابوې سره په یو ورځينیو سیالیو کې برخه نشي اخیستی او نوموړي ته د لوبډلې د ډاکټر او فېزیوتراپیست له لوري تر بشپړې درملنې پورې د استراحت سپارښتنه شوې ده.
په دغه سیالیو کې د ګربز پر ځای د لوبډلې بل ویکټ ساتونکی او توپوهونکی محمد اسحاق د ۱۸ کسیز نوملړ برخه دی.
همدا راز ورو توپ اچونکي مجیب الرحمن ته هم د روغتیایي پروسې او معایناتو وروسته د اړوند ډاکټر له لوري سپارښتنه شوې، ترڅو د هغه تر بشپړې روغتیا او ډاډ پورې د یو ورځنیو لوبو پر مهال استراحت وکړي.
سرچینو افغانستان انټرنشنل – پښتو ته د طالبانو د ترانسپورت وزارت هغه دوه مکتبونه لېږلي، چې د ميرویس نیکه او مهمند بابا په نوم ترانسپورتي شرکتونو فعالیت یې تر دویم امر پورې بند کړی.
د طالبانو ترانسپورت وزارت په دې مکتوب کې لیکل شوي: «دغه شرکتونه د ترانسپورتي تخلف له امله تر امر ثاني پورې فعالیت نه شي تر سره کولی.»
د طالبانو د کورنيو چارو وزارت ویاند عبدالمتين قانع وايي، چې په دې پېښه کې ۵۲ کسان مړه او ۶۵ نور ټپيان شوي دي.
سرچينو افغانستان انټرنشنل ـ پښتو ته وویل، چې په دې ټکر کې تر ۲۰ زيات د طالبانو امنيتي او ملکي کسان هم مړه شوي، چې غوښتل يې د رسمي کارونو لپاره کابل ته ولاړ شي.
سرچينې په پېښه کې د مړو شویو طالبانو سندونه هم رالېږلي او زياتوي، چې دغو طالبانو د سويلي حوزې په ځانګړي ډول د هلمند په بېلابيلو امنيتي او ملکي ادارو کې دندې درلودې.
پېښه د دوو ټکرونو له کبله د غزني په شهباز او ناني سيمو کې شوې.
د طالبانو د کورنيو چارو وزارت ویاند عبدالمتین قانع وايي، چې یو شمېر ټپیان يې د کابل ايمرجنسي، جمهوریت او د وزیر اکبر خان روغتونونو ته انتقال کړي دي.
د قانع په وینا، د کورنیو چارو وزیر سراج الدین حقاني په امر په غزني کې یوه کمیسیون هم کار پيل کړی. هغه وایی، « د سراج الدین حقاني په سپارښتنه په غزني کې يو کمیسیون کار پیل کړ، تر څو شهیدان تکفین او کورنیو ته یې تسلیم کړي».
د طالبانو کورنيو چارو وزارت له ترانسپورتي شرکتونو غوښتي، چې پر لویو لارو د تګ راتګ پر مهال له احتیاطه کار واخلي او خبرداری یې ورکړی چې له سرغړوونکو سره به جدي قانوني چلند وکړي.
