حیات الله حیات: که سره یوموټی نه شو، تر دې به بد حالت تجربه کړو

اوکرایني چارواکو د ویلادمیر زېلېنسکي پر ټاټوبي دغه برید غندلی دی.

د ښار د نظامي ادارې مشر اولیکسندر ویلکول په ټېلګرام لیکلي: «راکشسانو په یوه څلور پوړیز استوګنځي چې ۳۲ اپارتمانونه یې لرل، په مستقیم ډول برید کړی.»

د سیمې والي سیرهي لیزاک ویلي، چې د یوه سړي مړی د خاورو له لاندې را اېستل شوی دی.

هغه زیاته کړه، چې یوه ښځه هم وروسته له دې چې څلور ساعته د خاورو لاندې وه ژغورل شوې او روغتون ته لېږدول شوې ده.

د اوکراین د بشري حقونو څارونکي ډېمېترو لوبینیتس په ټېلګرام لیکلي: « په داسې حال کې چې د نړۍ نور هېوادونه کرسمس لمانځي، اوکراینیان د روسیې له نه ختمیدونکو بریدونو سره مخامخ دي.»

کریوي ریح یو فولاد جوړونکی ښار دی، چې د جګړې دمخه نفوس یې له۶۰۰ زرو څخه ډېر وو.

په امریکا کې د پاکستان پخوانۍ سفیرې ملیحه لودي له "اري" چینل سره په مرکه کې وویل، چې امریکا ته د پاکستان ارزښت له افغانستان سره نږدې اړیکه لري.
امریکا په دې وروستیو کې د پاکستان توغندیز پروګرام تحریم کړ او هغه یې خپل کورني امنیت ته ګواښ وباله.

هغې وویل، چې د اوږد واټن بالسټیک توغندیو تولید د دې هېواد لپاره د توجیه وړ نه دی.
امریکا په افغانستان کې د خپل حضور پر مهال له پاکستان سره ډېرې ښې اړیکې درلودې او په افغانستان کې یې د خپلو دوو لسیزو حضور پر مهال له دغه هېواد سره تر ۲۰ میلیارده ډالرو زیاته مرسته وکړه.
لودي وويل، چې امريکا اوس بېلابېلې ګټې او لومړيتوبونه لري.
همدا راز لودي د پاکستان د تحریک انصاف ګوند په اړه وویل، چې د ټرمپ له واک ته رسېدو مخکې باید د دغه ګوند اړوند اندېښنې حل شي.
هغې په ​​پاکستان کې د پوځي محکمو په اړه د لوېديځو هېوادونو په تېره بيا د اروپايي ټولنې خبردارى مهم وباله او ويې ويل، چې د پوځي محکمو څخه د دوامداره استفادې له امله هېواد له خطر سره مخ دى.
نوموړې زیاته کړه، چې پاکستان باید د بهرنیو فشارونو په وړاندې محتاط وي او د کورنیو مسایلو په اړه دې خبرو ته پام وکړي.
د پاکستان پوځ د عمران خان په ملاتړ لاریون کوونکي په پوځي محکمو کې محاکمه کړي دي.

دوی تورن دي چې پر پوځي تاسیساتو یې بریدونه کړي دي.

حنیف اتمر وایي، د خواشینۍ ځای دی چې د طالبانو رژیم د دې بریدونو د مخنیوي لپاره نه هوایي‌ ځواک او نه هم دفاعي ځواکونه لري.

اتمر په خپل اېکس کې دغه راز زیاته کړې: «د خواشینۍ ځای دی چې د طالبانو رژیم د دې وحشیانه بریدونو د مخنیوي لپاره هېڅ امکانات نه لري. نه هوايي ځواک او نه هم هوايي دفاعي ځواکونه!»

اتمر وایي: «په تېرو شاوخوا درېیو لسیزو کې د هېواد امنیتي او دفاعي ځواکونو د هوايي ځواک او هوايي دفاع په ګډون چې په سترو قربانیو سره جوړ شوي وو، دوه ځلې له منځه تللي دي. په داسې حال کې چې دواړه ځلي څرګنده شوه، چې دا تل د پاکستان هیله وه او بېلابېل سیاسي بهانې یې ورته جوړې شوې او دا غمیزه په خپله د افغانانو له خوا ترسره شوه.»

اتمر وویل: «که طالبان د هېواد د ټولو وګړو حقونه، ملي پخلاینه او په هېواد کې د مشروع نظام د رامنځته کېدو سره موافقه ونه کړي، ملي وحدت او یووالي ته به ونه رسېږي او له وطن څخه د مشروع دفاع ځواک به ترلاسه نه کړي.

دا په داسې حال کې ده، چې پاکستاني ځواکونو نن ماښام د پکتیکا ولایت د برمل ولسوالۍ په شاوخوا سیمو بریدونه کړي، چې د لومړنیو راپورو له مخې ویل کېږي، چې په دې پېښه کې د ښځو او ماشومانو په ګډون ډېر شمېر ملکي کسانو ته مرګژوبله اوښتې، خو کره شمېر یې لا روښانه نه دی.

پاکستاني ځواکونو د ۲۰۲۴ کال په مارچ کې د خیبر پښتونخوا ایالت په ټانک ولسوالۍ کې پر پاکستاني پوځیانو د ټي ټي پي له برید وروسته په یوه غچ اخستونکي برید کې په پکتیکا او خوست ولایتونو کې پر ځینو اهدافو هوايي بریدونه وکړل چې اتو ملکي کسانو ته یې مرګ ژوبله واړوله.

په دغو بریدونو کې د پکتیکا د برمل ولسوالۍ لمن او د خوست په سپیره ولسوالۍ کې افغان دوبۍ سیمې په نښه شوې.

پاکستان ادعا کوله چې د عبدالله شاه په نامه یې د پاکستان د طالبانو غورځنګ د قوماندان پټنځای په نښه کړی، خو افغان طالبانو او ټي ټي دا رپوټونه رد کړل او نوموړي په یوه ویډیو کې وویل چې دوی په وزیرستان کې فعالیت کوي.

طالبانو هغه مهال هم د یوې اعلامیې په ترڅ کې برید وغنده او ویې ویل چې دا ډول بریدونه بدې پایلې درلودای شي چې پاکستان ته به یې مدیریت ستونزمن وي.

خو له دغو بریدونو اته میاشتې وروسته یوځل بیا پاکستان په پکتیکا کې د پاکستاني طالبانو د پټنځایونو په نامه پر دریو سیمو بمبارۍ کړې، چې ویل کیږي ملکي وزیرستاني بې ځایه شویو ته پکې مرګ ژوبله اوښتې ده.

د طالبانو دفاع وزارت یوځل بیا دغه برید غندلی او وايي، چې ځواب به ور کړي.

پر پکتیکا د پاکستان تازه برید داسې مهال کیږي، چې له اسلام اباد سره په دې وروستیو کې ددې ډلې اړیکې ښې شوې او د پاکستان ځانګړی استازی په کابل کې د طالبانو د حکومت له چارواکو سره په خبرو اترو بوخت دی.

د شنونکو په باور، داسې ښکاري چې ښايي طالبانو ته ددغه برید په اړه پاکستان واردمخه خبر ورکړی وي، ځکه ویل کیږي د برید پرمهال په سیمه کې جنګیالي نه وو.

د طالبانو د حکومت او پاکستان ترمنځ اړیکې د پاکستاني طالبانو پر سر خړې پړې دي.

د پاکستان دفاع وزیر خواجه محمد اصف څو ورځې وړاندې وویل چې د طالبانو له حکومت سره ددوی یوازینۍ ستونزه د پاکستاني طالبانو پر سر ده.

طالبان تر اوسه په دې نه دي توانیدلي، چې پاکستاني طالبان په پاکستان کې له بریدونو را وګرځوي.

پاکستان له هغسې حالت سره مخ دی، چې له ۲۰۰۳ کال نه تر ۲۰۲۱ کال پورې د افغانستان جمهوري حکومت ورسره مخامخ و. هغه مهال پاکستان په افغانستان کې د ناامنیو لپاره د اوسنیو واکمنو طالبانو مالي، لوژستیکي او پوځي ملاتړ کاوه.

له دغو بریدونو وروسته داسې نه ښکاري چې د کابل او اسلام اباد اړیکې دې بېرته زر ورغیږي.

تر دې مخکې، په سعودي عربستان کې په ۲۰۲۳ کال کې ۱۷۲ او په ۲۰۲۲ کال کې ۱۹۶ مجرمانو ته د اعدام سزا ورکړل شوې وه.

سږ کال تر ۱۵۰ ډېر کسان د نا وژونکو جرمونو په تور اعدام شوي، چې ډېری یې د نشه يي توکو په قاچاق محکوم شوي وو.

د رویټرز د راپور له مخې، په دغو مجرمینو کې چې اعدام شوي تر سلو څخه ډېر بهرنیان چې د منځني ختیځ، افریقا او اسیا هېوادونو وو، هم شامل دي.