په موزمبیق کې له جنجالي ټاکنو وروسته د تاوتریخوالي په پېښو کې ۲۱ کسان وژل شوي دي
په موزمبیق کې له تاوتریخوالي ډک لاریونونه وروسته له هغې پیل شول، چې یوې محکمې د واکمن ګوند مشر د دغه هېواد د اکتوبر میاشتې د جنجالي ټاکنو ګټونکی اعلان کړ.
په موزمبیق کې له تاوتریخوالي ډک لاریونونه وروسته له هغې پیل شول، چې یوې محکمې د واکمن ګوند مشر د دغه هېواد د اکتوبر میاشتې د جنجالي ټاکنو ګټونکی اعلان کړ.
د سوېلي افریقا په موزمبیق کې له جنجالي ټاکنو وروسته د تاوتریخوالي په پېښو کې لږ تر لږه ۲۱ کسان وژل شوي دي.
د موزمبیق سترې محکمې اعلان کړی، چې د واکمن ګوند مشر د ۲۰۲۴ کال د اکتوبر د جنجالي ټاکنو ګټونکی دی.
د محکمې دغې پرېکړې په ټول دغه هېواد کې له تاوتریخوالي ډک لاریونونه راوپارول.
د موزمبيق د كورنيو چارو وزير وايي، چې په تېرو ۲۴ ساعتونو كې د تاوتريخوالي په پېښو كې د ۲ پوليسو په ګډون ۲۱ تنه وژل شوي او د تاوتريخوالي په پېښو كې ښكېل ۷۰ كسان نيول شوي دي.
د راپورونو له مخې، لاریون کوونکو هټیو، بانکونو او دولتي ودانیو ته اور اچولی او لوټ کړي یې دي.
د کورنیو چارو وزیر وايي، لاریونوالو د پولیسو پر مرکزونو او توقیف ځایونو هم بریدونه کړي دي.
له بلې خوا د اپوزیسیون جلاوطنه مشر وینانسیو مونډلن وايي، چې په ټاکنو کې په پراخه کچه درغلۍ شوې دي.
