سږ کال تر ۱۰ زرو زیات پناه غوښتونکي هسپانیې ته د تلو پر مهال مړه شوي دي

اذربایجاني الوتکه د چهارشنبې په ورځ د قزاقستان د اکتاو ښار ته نږدې د ډزو په پایله کې د سویلي روسیې له یوې سیمې څخه د وتلو وروسته ولویده چیرې چې مسکو په مکرر ډول د اوکراین د بې پیلوټه الوتکو پر وړاندې د هوایی دفاع سیسټم کارولی دی.

یوې اذربایجانې سرچینې رویټرز ته وویل، چې لومړنۍ پایلې ښیې چې الوتکه د روسیې د Pantsir-S هوایی دفاعي سیسټم له خوا ویشتل شوې.

سرچینې وویل: "هېڅوک دا ادعا نه کوي چې دا په قصدي ډول ترسره شوي. مګر، د ثابتو شواهدو په پام کې نیولو سره، باکو تمه لري چې روسیه د اذربایجان د الوتکې د ویشتلو په اړه اعتراف وکړي."

د قزاقستان د ټرانسپورټ وزیر مارات کارابایوف د یادې پېښې په اړه تېره ورځ رسنیو ته وویل، "په الوتکه کې ۶۷ کسان سپاره وو، چې ۶۲ مسافر او پنځه د عملې غړي وو، چې ۳۸ کسان په کې مړه شوي او ۲۹ نور ژوندي پاتې دي.
په دغه الوتکه کې د ازربایجان، قرغزستان، روسیې او قزاقستان اوسېدونکو سفر کاوه.

د رویټرز د راپور له مخې، من موهن سنګ د روغتیا له خرابېدو وروسته له تېرو څو ورځو راهیسي د نوي ډیلي په یوه روغتون کې بستر وو.

د هند د سيکانو لومړی وزير من موهن سنګ په ۱۹۳۲ کال کې د چکوال ولسوالۍ چې اوس د پاکستان برخه ده په يوه کلي کې زېږېدلی او تر څلورم ټولګي پورې يې په دغه ولسوالۍ کې زده کړې کړي.

د پاکستان له جوړېدو وروسته یې کورنۍ هند ته ولاړه او هلته یې لوړې زده کړې وکړې. هغه د بریتانیا د اکسفورډ او کیمبرج پوهنتون څخه په اقتصاد کې تر دوکتورا خپلې زده کړې ورسولې.

نوموړی له ۲۰۰۴ تر ۲۰۱۴ کال پورې د هند لومړی وزیر و، د نوموړي اقتصادي تګلارې د هند د اقتصادي ودې لامل ګڼل کېږي.

بل خوا،حوثي وسله والو پورې تړلې المسیره ټلویزیون ویلي، چې په هوایي ډګر بریدونو کې دوه کسان وژل شوي، یو کس د بندر په بریدونو کې وژل شوی او ۱۱ نور ټپیان شوي دي.

د یمن د حدیده، سلف او راس کناتیب په بندرونو کې پر پوځي بنسټونو د برید سربیره، اسراییلي پوځ وویل، چې د دغه هېواد د حزاز او راس کناتیب د برېښنا سټیشنونه یې هم په نښه کړي دي.

د اسراییل لومړي وزیر بنیامین نتنېاهو د بریدونو نه وروسته وویل: « اسراییل به خپل ماموریت ته تر هغه وخته پورې دوام ورکړي تر څو دا ترهګریز ځواک مات کړو.»

د روسيې د بهرنیو چارو وزير سرګي لاوروف د پنجشنبې په ورځ وویل، چې لنډ مهاله اوربند دوی ته شک پيدا کوي، چې دغه هېواد به د اوربند پر مهال د لويدیز له خوا بیا په وسلو سمبال شي.

لاوروف وویل: «موږ نهایتا قانوني تړونونو ته اړتیا لرو، چې د روسیې او زموږ د ګاونډیو د روا امنیتي ګټو د تضمین لپاره ټول شرایط برابر کړي.»

نوموړي ويلي، چې مسکو غواړي داسي قانوني تړون برابر کړي، چې «هيڅ لوری له دغه تړون نه بیا سرغړونه ونه کړي.»

رويټرز تېره میاشت په خپل يوه راپور کې ويلي و، چې ولسمشر ولاديمير پوتین له ډونالډ ټرمپ سره د اوکراین د اوربند د موافقې په اړه خبرو ته چمتو دی.

د پوتين شرط دادی، چې ځمکني امتیازات نه ورکوي او کیېف به له ناټو سره نه يو ځای کېږي.

پوتین تیره اونۍ وویل، چې د امریکا له ولسمشر ډونالډ ټرمپ سره د جګړې د پای ته رسولو په اړه په احتمالي خبرو کې د اوکراین په اړه جوړجاړي ته چمتو دی او له اوکرایني چارواکو سره د خبرو د پیل لپاره هیڅ شرط نه لري.

ټرمپ د یکشنبې په ورځ وویل، چې پوتین غواړي له هغه سره وويني، خو روسیه وايي د ټرمپ له راتلونکې ادارې سره یې هیڅ ډول تماس نه دی نیولی.

د ټرمپ د اوکراین استازی متقاعد ډګر جنرال کیت کیلوګ به د جنورۍ په لومړیو کې کیېف او یو شمیر نورو اروپایی پلازمینو ته سفر وکړي.

د امریکا راتلونکې اداره هڅه کوي د روسیې او اوکراین جګړه ژر پای ته ورسوي.

د اوکراین ولسمشر ولادیمير زیلينسکي د یکشنبې په ورځ ويلي، چې په ناټو کې غړيتوب «د لاسته راوړلو وړ» دی خو په دې برخه کې د متحدينو د قانع کولو لپاره به مبارزه کوي.

مسکو بیا وايي، په ناټو کې د اوکراین د یوځای کېدو احتمال د دغو بریدونو اصلي لامل دی او په ناټو کې د اوکراین غړیتوب به د سولې هر ډول تړون ناشونی کړي.

په غزه کې ډاکټرانو وویل چې د غزې ښار په زیتون سیمه کې پر یوه کور د اسراییل په هوايي برید کې اته کسان وژل شوي او ۲۰ نور ټپیان دي.

چارواکي وايي، د غزې ښار په صبرا سیمه کې هم اسراییلي الوتکو یو کور په نښه کړی، چې اته کسان پکې وژل شوي او په دې توګه د پنجشنبې ورځې د وژل شویو کسانو شمېر ۲۱ ته رسیږي.

د فلسطین د خبریالانو اتحادیې وویل چې د اسراییل یوه برید د "القدس ټوډې" ټلویزیوني چینل پنځه خبریالان وژلي چې په یوه خپرندویه موټر کې د "العوده" روغتون مخې ته په النصیرات کډوالو کمپ کې موجود وو.

د رویټرز د رپوټ له مخې، له سیمې په خپره شوې ویډیو کې د یوه سپین موټر سوځېدلې تنه ښودل کیږي چې پر شا یې د پرېس کلمه په سره رنګ لیکل شوې ده.

د اتحادیې په وینا، د ۲۰۲۳ کال د اکتوبر له جګړې راهیسې، د اسراییلي بریدونو له امله تر اوسه له۱۹۰ زیات فلسطیني خبریالان وژل شوي دي.

د غزې مېشت ټلویزیوني چینل دغه برید "عام وژنه" وبلله او په ټیلیګرام کې یې وویل چې دغه پنځه کسان د خپلو خبري او انساني دندو د ترسره کولو پر مهال وژل شوي دي.

د اسراییل پوځ وویل: « موږ په نصیرات سیمه کې د اسلامي جهاد ترهګرې ډلې پر موټر دقیق برید کړی دی».