سرچینې: د روسیې هوايي دفاعي سیستم د اذربایجان الوتکه نسکوره کړې ده
څلورو باخبره سرچینو رویټرز خبري اژانس ته وویل، کومه اذربایجاني الوتکه چې په قزاقستان کې نسکوره شوې وه او له امله یې ۳۸ کسان ووژل شول، د روسیې دفاعي ځواک نسکوره کړې ده.
څلورو باخبره سرچینو رویټرز خبري اژانس ته وویل، کومه اذربایجاني الوتکه چې په قزاقستان کې نسکوره شوې وه او له امله یې ۳۸ کسان ووژل شول، د روسیې دفاعي ځواک نسکوره کړې ده.
اذربایجاني الوتکه د چهارشنبې په ورځ د قزاقستان د اکتاو ښار ته نږدې د ډزو په پایله کې د سویلي روسیې له یوې سیمې څخه د وتلو وروسته ولویده چیرې چې مسکو په مکرر ډول د اوکراین د بې پیلوټه الوتکو پر وړاندې د هوایی دفاع سیسټم کارولی دی.
یوې اذربایجانې سرچینې رویټرز ته وویل، چې لومړنۍ پایلې ښیې چې الوتکه د روسیې د Pantsir-S هوایی دفاعي سیسټم له خوا ویشتل شوې.
سرچینې وویل: "هېڅوک دا ادعا نه کوي چې دا په قصدي ډول ترسره شوي. مګر، د ثابتو شواهدو په پام کې نیولو سره، باکو تمه لري چې روسیه د اذربایجان د الوتکې د ویشتلو په اړه اعتراف وکړي."
د قزاقستان د ټرانسپورټ وزیر مارات کارابایوف د یادې پېښې په اړه تېره ورځ رسنیو ته وویل، "په الوتکه کې ۶۷ کسان سپاره وو، چې ۶۲ مسافر او پنځه د عملې غړي وو، چې ۳۸ کسان په کې مړه شوي او ۲۹ نور ژوندي پاتې دي.
په دغه الوتکه کې د ازربایجان، قرغزستان، روسیې او قزاقستان اوسېدونکو سفر کاوه.
