اسراییلي پوځ د غزې تړانګې په شمال کې وروستي پاتې روغتون او شاه او خوا ودانیو باندې برید کړی، چې پایله کې یې پنځوس کسان وژل شوي دي. د راپورونو له مخې، د کمال عدوان روغتون اسراییلي پوځ په خپله ولکه کې اخیستی.
د غزې روغتیا وزارت وايي، اسراییلي ځواکونو د کمال عدوان روغتون ودانۍ سوځولې او د برېښنا ټول جنراتورونه یې ویجاړ کړي دي.
یاد وزارت وایي: له روغتون سره یې اړیکه پرې شوي او د روغتون په څو څانګو کې یې د اور لمبو خبرونه ترلاسه کړي دي.
دا په داسې حال کې ده چې روغتون ته څېرمه پر یوې ودانۍ د اسراییل په هوايي برید کې د پنځو طبي کارکوونکو په ګډون لږ تر لږه ۵۰ کسان وژل شوي دي.
د غزې په تړانګه کې د اسراييل په جګړه کې د ۲۰۲۳ کال د اکتوبر له اوومې راهيسې لږ تر لږه ۴۵ زره او ۴۳۶ فلسطينيان وژل شوي او ۱۰۸ زره او ۳۸ نور ټپيان شوي دي.
بل خوا، د حماس تر مشرۍ لاندې د په همدې موده کې د دوی په بريدونو کې لږ تر لږه ۱۱۳۹ کسان په اسراييل کې وژل شوي او تر ۲۰۰ ډېر يرغمل شوي دي.
