پاکستان: له افغانستان سره پر پوله د اغزن تار کار بشپړ شوی او ایران سره هم ۹۱ ٪ ته رسېدلی
د پاکستان دولتي راډیو راپور ورکړی، چې د دغه هېواد پولو کې له افغانستان سره د ازغن تار کار بشپړ شوی او له ایران سره ۹۱ سلنې ته رسېدلی دی.
د پاکستان دولتي راډیو راپور ورکړی، چې د دغه هېواد پولو کې له افغانستان سره د ازغن تار کار بشپړ شوی او له ایران سره ۹۱ سلنې ته رسېدلی دی.
د دغه راپور له مخې،د پاکستان امنیتي ځواکونو د پولې د ۹۸ سلنه مدیریت د پلان له مخې له افغانستان او ایران سره پر ۳۲۱۷ کیلومتره پوله دا ازغن تار او استحکامات لګولي دي.
پاکستان ویلي، د ترهګرو د تیریدو د مخنیوي لپاره یې دغه ازغن تار د افغانستان او پاکستان ترمنځ پر ۹۲ سلنه او له ایران سره پر ۴۲ سلنه پوله لګولی دی.
دوی وایي، د اغزن تار د کار په بشپړیدو سره به د ملي امنیت په ټینګښت کې د پام وړ بدلون راشي.
پاکستان افغان طالبان تورنوي چې د دغه هېواد د وسله والو مخالفو ډلو ته یې پټنځي ور کړي دي.
څلور ورځې وړاندې د پاکستان هوايي ځواکونو د پکتیکا په برمل او د خوست سپېره ولسوالۍ کې هوايي بریدونو سره د وسلوالو د وژلو ادعا وکړه.
خو د خپلواکو رسنیو او سازمانونو رپوټونه ښيي چې په دغه هوايي برید کې تر ډېره ښځې او ماشومان وژل شوي دي.
