د افغانستان او زیمبابوې ترمنځ د ټېسټ لوبې څلورمه ورځ د باران له امله پای ته ورسېده
افغان کرېکټ بورډ وايي، د زېمبابوې په بولاوایو کې د دوامداره ورښت له امله د لوبې په څلورمه ورځ وروستۍ دوه برخې ترسره نه شوې.
افغان کرېکټ بورډ وايي، د زېمبابوې په بولاوایو کې د دوامداره ورښت له امله د لوبې په څلورمه ورځ وروستۍ دوه برخې ترسره نه شوې.
له زېمبابوې سره د ټېسټ لوبې پر څلورمه ورځ رحمت شاه زرمتي له ۲۳۴ منډو جوړولو وروسته خپله ویکټه له لاسه ورکړه.
رحمت شاه په خپلې ښې لوبې سره لومړنی افغان لوبغاړی شو، چې په ټېسټ لوبو کې په یوه پاڼۍ کې ۲۳۴ منډې جوړوي.
د رحمت شاه زرمتي وېکټې له لاسه ورکولو وروسته افسر ځاځی د توپ وهنې لپاره لوبغالي ته را ووت. نوموړي له لوبډلمشر حشمت الله شهیدي سره د منډو جوړولو ښه ملګرتیا وکړه او ۴۶ منډې یې جوړې کړې. حشمت الله شهیدي ۱۷۱ منډې جوړې کړې دي.
خو نن د زېمبابوې په بولاوایو کې د دوامداره ورښت له امله د لوبې څلورمه ورځ پای ته ورسیده.
افغان کرېکټ بورډ وايي، په پنځمه ورځ به له ټاکل شوي وخت څخه نیم ساعت وړاندې لوبه پیل شي.
افغانستان د زېمبابوې د ۵۸۶ منډو په تعقیب د درې لوبغاړو په زیان سره تردې مهاله ۵۱۵ منډې جوړې کړې دي او له سیالې لوبډلې څخه ۷۱ منډې شاته دی.
