دغه لوبې د فبروري میاشتې پر ۱۹مه پیلږي او د مارچ تر نهمې پورې به غځیږي.
په دغو سیالیو کې، چې په پاکستان کې ترسره کیږي، افغانستان به له سویلي افریقا سره په کراچۍ ملي لوبغالي او له بریټانیا او اسټرالیا سره په لاهور قذافي لوبغالي کې لوبیږي.
دغه جام د اتو هیوادونو ترمنځ دی، چې افغانستان، پاکستان، هند، نیوزیلنډ، بنګله دیش، جنوبي افریقا، استرالیااو بریټانیا پکې شامل دي.
د اتلولۍ جام دغه لوبې په څلورو ځايونو کراچۍ، لاهور، راولپنډۍ او دوبۍ کې ترسره کیږي.
ټولې لوبې د ورځې او شپې په وخت ترسره کېږي. هند خپلې ټولې لوبې په دوبۍ کې ترسره کوي چې دا د اسلام اباد او نوي ډیلي دواړو لپاره د بې طرفه ځای په توګه پېژندل کیږي.
د اتلولۍ جام به د فبروري پر ۱۹مه په کراچۍ کې په یوې پرانېستونکې لوبې پیل شي، چې پاکستان او نیوزیلنډ پکې سره لوبیږي.
د کرکټ نړیوالې شورا داعلان له مخې، د جام پایلوبه به د مارچ پر نهمه په لاهور کې ترسره شي، خو که هند پایلوبې ته ورسیږي نو دا لوبه به په دوبۍ کې ترسره شي.
دکرکټ نړیوالې شورا رییس جي شاه وايي، خوښ دی چې د ۲۰۲۵ میلادي کال د نارینه وو د اتلولۍ جام نوملړ خپروي.
هغه وویل، « دغه ولوله ییزې سیالۍ، چې اته لوبډلې پکې په افسانوي سپینو جامو کې د ګټلو په موخه لوبیږي، مینه والو ته د تفریح لپاره ۱۵ بې سارې لوبې وړاندې کوي».
افغانستان په خپلو ځوانو او تجربه لرونکو لوبغاړو هیله من دی، چې په دغو سیالیو کې ښه ولوبیږي.
