د سوېلي کوریا د الوتکې پرېوتو په پېښه کې د مړو شویو شمېر ۱۲۲ تنو ورسېد
یونهاپ خبري اژانس راپور وکړی، چې په سوېلي کوریا کې د الوتکې پرېوتو پېښه کې سپاره ۱۲۲ کسان مړه شوي دي. دا په تېرو درې لسیزو کې په سوېلي کوریا کې د الوتکې غورځېدو خونړۍ پېښه ده.
یونهاپ خبري اژانس راپور وکړی، چې په سوېلي کوریا کې د الوتکې پرېوتو پېښه کې سپاره ۱۲۲ کسان مړه شوي دي. دا په تېرو درې لسیزو کې په سوېلي کوریا کې د الوتکې غورځېدو خونړۍ پېښه ده.
د دغه خبري اژانس په وینا، په دغې پېښه کې دوه کسان ژغورل شوي دي.
ورته مهال د نیوز 1 په نوم یو اژانس راپور ورکړی و، چې دغې الوتکه کې سپاره یوه مساپر خپل یوه خپلوان ته پیغام کړی و چې یوه مرغۍ د الوتکې په وزر کې بنده ده.
د دغه هېواد د ټرانسپورټ وزارت د معلوماتو له مخې، دغه پېښه د ۱۹۹۷ کال وروسته د سویلي کوریا په ګوام کې د یوې الوتکې د لوېدو تر ټولو بده پېښه ده چې له ۲۰۰ څخه یې ډېر کسان مړه وو.
د سوېلي کوریا د «ججو اېر» شرکت الوتکه د ټایلنډ د بېنکاک څخه د سوېلي کوریا په لور روانه وه؛ خو د سوېلي کوریا د موان په نړۍوال هوايي ډګر کې له ځغاستلیکې څخه ووته او له یوه دیوال سره وجنګېده.
له دغې پېښې وروسته د سوېلي کوریا د ولسمشرۍ دفتر بېړنۍ غونډه رابللې ده.
د الوتنې د څارنې سایټ فلایټرادار ۲۴ وویل، چې الوتکه د بوینګ ۸۰۰-۷۳۷ ده.
