د متحده ایالاتو د استیناف فډرالي محکمې د دوشنبې په ورځ په یوې قضیه کې د جوري هییټ موندنه تایید کړه، چې ډونالډ ټرمپ د ۱۹۹۰ لسیزې په نیمایي کې د ډیپارټمنټ پلورنځي د جامو په خونه کې پر یوې کالم لیکونکې جنسي تېری کړی.
د استیناف فډرالي محکمې په یوې خبرپاڼه کې ویلي، چې د متحده ایالاتو د ولسمشرۍ ټاکنو ګټونکی نوماند ډونالډ ټرمپ د کالم لیکونکې ای جین کارول سره د جنسي تېري په قضیه کې ښکېل ثابت شوی او پنځه میلیونه ډالره جریمه شوی چې کارول ته به یې د جنسي تېري او بدنامي د جبران لپاره ورکړي.
دې لانګ ټایم مجلې دغه کالم لیکونکې د ۲۰۲۳ کال په محاکمه کې شاهدي ورکړې وه، چې ښاغلي ټرمپ د ۱۹۹۶ کال په پسرلي کې دوستانه لیدنه ورسره لرله، خو کله چې د پلورنځي د جامو خونې ته لاړو، تاوتریخجن برید یې پرې وکړو.
که څه هم ډونالډ ټرمپ دا په ځان یوازې تور وګاڼه او محاکمه یې پرېښوده، خو نوموړي د دې کال په پیل کې تعقیبي محکمې ته لنډه شاهدي ورکړې وه، چې له مخې یې نوموړی ۸۳،۳ میلیونه ډالر جریمه شوی وو.
