د روغتیا نړۍوال سازمان: په ۲۰۲۴ کې مو د افغانستان دننه د ساري ناروغیو د پېښو مخنیوی کړی

د طالبانو د کار او ټولنیزو چارو وزیر ملا عبدالمنان، د بهرنیو چارو وزیر امیرخان متقي او د یو شمېر نورو وزارتو مرستیالانو په ګډه ناسته کې پرېکړه کړې چې د افغان کارګرو د لېږد بهیر د اسانتیا لپاره به ګډې هڅې کوي‌ او د پنځه وزارتونو ترمنځ به په ګډه هوکړه لیک وشي.

دا لا نه ده څرګنده چې طالبان به په دغه کار څومره بریالي شي او تر کومه بریده به په دې برخه کې ولسي خلکو ته پام وکړي خو تر دې وړاندې پر دغې ډلې خلکو نیوکې کړې چې په کور دننه ټول کاري چانسونه خپلو جنګي وسله والو ته ورکوي.

په خبرپاڼه کې راغلي چې په دغه ناسته کې بهرنیو هېوادنو کې د افغان کارګرو پر وضعیت هم خبرې شوي او د هغوی د کارونو د تنظیم او تحلیل تر څنګ ورته د اسانتیاوو پر برابرولو هم بحث شوی دی.

متحده عربي امارات، سعودي عربستان، پاکستان او ایران هغه هېوادونه دي چې په ډېر شمېر افغان کارګر په کې په کارونو بوخت دي او له ګڼو ستونزو سره مخ کېږي.

افغان کارګر په دغو هېوادونو کې د مېشتیدنې قانوني اسنادو، د کاروباري پراختیا اسانتیاوو او پر وخت د کاري ویزو نه نوي کېدو له ستونزو سره مخ کېږي.

د طالبانو د ملي دفاع وزارت د یوې خبرپاڼې په خپرولو سره ویلي، چې دغه ځواکونه د لوی درستیز د توپچي له ریاسته فارغ شوي دي.
د طالبانو په وینا، دغو سرتېرو په دې برخه کې یو میاشتنی مسلکي او علمي روزنیز کورس بشپړ کړی دی.
د یاد وزارت د خبرپاڼې له مخې، کنکورس میلان کولای شي زغره وال ټانکونه، جنګي بېړۍ او ټيټې چورلکې په نښه کړي.
د کنکورس توغندی د پخواني شوروي اتحاد له خوا جوړ شوی او د میلان توغندی بیا د فرانسې او جرمني ګډ تولید دی.

دواړه توغندي د پخوانیو سیسټمونو څخه دي.

د میلان راکټ په ۱۹۶۲ کې ډیزاین شوی او کنکورس په ۱۹۷۴ کې تولید شوی.
ایران په ۱۹۹۱ کال کې د «تاسان» په نوم د کنکورس توغندي د داخلي نسخو د تولید جواز ترلاسه کړ او تولید یې پیل کړ.
له تخنیکي پلوه د کنکورس توغندی د میلان په پرتله اوږد واټن او د نفوذ لوړ ځواک لري.
میلان اکثرا د ناټو په هېوادونو کې کارول کیږي، په داسې حال کې چې کنکورس په هغو هېوادونو کې مشهور دی، چې د روسیې یا پخواني شوروي اتحاد سره تړاو لري.
طالبانو دا نه دي ویلي، چې دا توغندي یې له کومو هېوادونو ترلاسه کړي او که د پخواني افغان حکومت د تجهیزاتو برخه ده.

فضل محمود فضلي د شنبې په ورخ (د مرغومې۱۵مه) وویل: «د ډیورنډ منحوسه کرښه او د راولپنډۍ د دفتر ایجاد د برېتانوي استعمار هغه میراثونه دي، چې هېڅ افغان ته د منلو وړ نه دي. په همدې ډول، مجاهد او طالب هم د راولپنډۍ (د استعمار د استازي) تولید شوي عناصر دي.»

فضلي زیاته کړه، چې دا به د ملي پالو افغانانو لویه تېروتنه او له تاریخ څخه د نه زده کړې نښه وي، چې د ډیورنډ کرښې په اړه د طالب څرګندونو ته د ملي دریځ نوم ورکړي.

هغه وایي: «دا ډول څرګندونې یوازې د پنډۍ او طالب د ګډ تیاتر يوه صحنه ده.»

فضلي دغه خبرې تر هغه وروسته وکړې، چې افغان طالبانو په پکتیکا او خوست ولایتونو کې د پاکستاني پوځ د هوایي بریدونو په غبرګون پر ډیورنډ کرښه د پاکستان پر سرحدي پوستو بریدونه وکړل.

که څه هم د پاکستان د پوځ دغه بریدونه له پراخو غبرګونونو سره مخ شو، خو د طالبانو له ځوابي برید څخه بیا یو شمېر ملت پالو افغانانو ملاتړ وکړ.

دا په داسې حال کې ده، چې څو ورځې وړاندې هم دغه لار د لویو مسافر وړونکو موټرو پروړاندې د پنځلسو ورځو لپاره بنده شوې وه.

د راپورونو له مخې، دا لاره د ۲۰۲، ۳۰۳، ۵۸۰، مارسیډیس، فلانکوچ، ټونس او د لویو نظامي وسایطو پروړاندې د مرغومې تر څلورمې پورې بنده وه.

د طالبانو د ټولګټو چارو وزارت او ځايي چارواکو تېره ورځ هم خبر ورکړ، چې د زياتې واورې او توپان له کبله سالنګ او د غور- بامیان- کابل لار د ترافیکو پرمخ تړلې ده.

د میدان وردګ ولایت طالب چارواکو هم له خلکو او موټر چلوونکو غوښتي، چې د کابل- غزني او کابل – باميان پر لار د سفر پر مهال له احتیاط څخه کار واخلي.

تر دې مخکې ځینو هېوادوالو هم افغانستان انټرنشنل ته د ویډیو ګانو په رالېږلو سره د سالنګونه د بندېدو په اړه ویلي و.

د سالنګ تونل د افغانستان شمالي او شمال ختیځ ولایتونه له مرکز کابل او سوېلي او ختیځو ولایتونو سره نښلوي، چې له سختو لوړو غرنیو تېرېږي.
که څه هم مخکیني حکومت او اوسمهال طالبانو دغه لار په څو ځلې رغولې ده، خو بیا هم د ژمي په رارسېدو سره ډېر کله دا لارې د واورو له امله تړل کېږي.
په وروستیو کلونو کې بیا د برفکوچونو له امله ګڼ شمېر ځاني او مالي تاوانونه هم خلکو ته ورسېدل او اوسمهال طالبان هڅه کوي، چې د ځاني زیانونو د مخنیوي لپاره مخکې له مخکې تابیاوې ونیسي.

د یادولو ده، چې له تېرو څو ورځو راهیسې د کابل په ګډون د هېواد بېلابېلو ولایتونو کې د واورې ورښتونو زور اخیستی دی.

د طالبانو د کور او ښار جوړولو وزارت د یوې خبرپاڼې په خپرولو سره ویلي، ۱۱۳۸ جریمه ځمکه د کابل په ارغندۍ، ۵۸۸۰ جریبه په غزني، ۲۰۰۰ په روزګان، ۵۵۰۰ په فراه، ۶۰۰۰ د کندهار په دامان ولسوالۍ، ۵۰۰۳ په شبرغان، ۱۷۰۰ په سمنګان او ۱۸۷ ـ ۱۸۷ جریبه ځمکه په پنجشیر او بامیان ولایتونو کې تشخض شوې ده.

دغه وزارت وايي، په غزني روزګان، کندهار، شبرغان، سمنګان، پنجشیر او بامیان ولایتونو کې د تشخیص شویو ځمکو د توپو ګرافي سروې بشپړه شوې، خو په نورو ولایتونو کې به هم ژر پیل شي.

بې وزله کډوالو ته د نمرو د وېش کمېټې منشي محمد فهیم ذکریا وايي، په ټولو ولایتونو کې د ځمکو د وېش کمېټې د استوګنیزو ښارګوټو لپاره د ځمکو په بېلولو بوختې دي.

نوموړی وايي، په ولایتونو کې د ځمکو د لیږد وړاندیز یې د دغې ډلې مشر مولوي هبت الله اخوندزاده ته لیږلی دی.

طالبانو تېره ورځ په زابل ولایت کې د شیخ متي په نوم ښارګوټي کې کډوالو ته د ځمکو د وېش لړۍ پیل کړه.

دغه ښارګوټی پر ۲۰۰۰ جریبه ځمکه جوړیږي.

همدارنګه د طالبانو د دفاع وزارت لوی درستیز په مشرۍ د کډوالو ستونزو ته د رسېدو یو پلاوی نیمروز ولایت تللی.

د نیمروز لپاره د طالبانو والي وايي په دغه ولایت ولایت کې د کډوالو د ښارګوټي جوړولو لپاره ۱۵۰۰ جریبه ځانګړې شوې ځمکې د وېش لړۍ به ژر پیل کړي.

د باختر د راپور له مخې د نیمروز ځايي طالب مسولینو د کډوالو ستونزو ته د رسیدني پلاوي د غورغوي په سیمه کې په ۱۰ زره جریبه ځمکې باندې د کډوالو لپاره د ښارګوټي جوړولو د چارو د پیلیدو غوښتنه هم کړې ده.

طالبان وايي، له ګاونډیو هېوادونو راستانو کډوالو لپاره به د افغانستان په ټولو ولایتونو کې د دایمې مېشتیدنې لپاره د کور جوړولو ځمکي ووېشي.