متحده عربي اماراتو ۱۹ کسان او شرکتونه د ترهګرو په نوملړ کې شامل کړل

نوموړي د امریکا په نقشه کې کاناډا اضافه کړې او انځورونه یې پر ټروټ ټولنیزې شبکې خپاره کړي دي.

په هغه نقشه کې چې د ټرمپ له خوا خپره شوې ښکاري، چې کاناډا او متحده ایالات د یوه هېواد په توګه ښیي او پرې د متحده ایالات نوم لیکل شوی دی.

د ټرمپ له خوا شریکه شوې نقشه کاناډا او متحده ایالات د یو هېواد په توګه ښیې، چې متحده ایالات په کې لیکل شوي.

ټرمپ د یوې بلې نقشې انځور هم خپور کړی، چې په نقشه کې د امریکا له بیرغ سره متحده ایالات او کاناډا د یو هېواد په توګه ښودل شوي.

یاده دې وي، چې ټرمپ د "او کاناډا" کیپشن هم لیکلی دی.

ټرمپ تېره ورځ په یوه خبري کنفرانس کې د کاناډا د پولې په اړه وویل، چې که دا کرښه لېرې شي نو د ملي امنیت لپاره به ښه وي.

ټرمپ وویل، چې امریکا او کاناډا یو ځای سره ښه ښکاري.

د کاناډا لومړي وزیر جسټن ټروډو پرون د سې شنبه په ورځ د امریکا نوي منتخب ولسمشر ډونالډ ټرمپ ته غاښ ماتونکی ځواب ورکړ او ویې ویل، چې کاناډا به د قیامت تر ورځې له امریکا سره یو ځای نه شي.

تر دې مخکې د امریکا منتخب ولسمشر ډونالډ ټرمپ ویلي و، چې د کاناډا پر ضد به اقتصادي ځواک وکاروي او دغه هېواد باید د امریکا ۵۱ ایالت شي.

ټرمپ همداراز زیاته کړه، چې هغه به د کاناډا پر وارداتو ۲۵ سلنه تعرفه ولګوي.

ایرېش ټایمز د چهارشنبې په ورځ یو راپور خپور کړی، چې له مخې یې د ډوبلین محکمې تورن کس ته خبرتیا لېږلې خو هغه کوم ځواب نه دی ورکړی.

دغې محکمې ویلي، چې که تورن کس خپل جرم ومني او خپل پاسپورټ تسلیم کړي، ضمانت کې یې کومه ستونزه نه شته.

د تورن کس مدافع وکیل ایغان اوسلیوان پلټونکو ته د خپل پاکستانی پاسپورټ او د اوسېدو ځای ادرس ورکړی دی.

تورن کس فضل اکبر نومېږي او د پاکستاني پاسپورټ په لرلو واضیح ده، چې د پاکستان دی.

د عامه څارنوالۍ رییس وایي، که چیرې اکبر خپل جرم ومني قضیه به یې د ولسوالۍ په محکمه کې فیصله شي.

د اعتراف د نه کولو په صورت کې به هغه د قاضي او جوري هیت په وړاندې محاکمه شي، چې د سزا ورکولو پراخ واکونه لري او پروسه یې هم اوږده ده.

ډوبلین محکمې له اکبر څخه غوښتي، چې نه باید د سفر د اسنادو غوښتنه وکړي او یا هم خپل پاسپورت نوی کړي.

همدا راز دغې محکمې ورته خبرداری ورکړی، که چیرې خپل ادرس بدلوي نو باید اړوندو ادارو ته خبر ورکړي.

له اکبر څخه غوښتل شوي، چې راتلونکې میاشت کې بیا محکمې ته حاضر شي.

په افغانستان کې واک ته د طالبانو له بیا ستنېدو وروسته په ایران کې زيات افغانان اوسېږې او ډېری په دغه هېواد کې خپل کاروبار کوي.

ایران هم تر ډېره د بهرنيو اتباعو اصطلاح افغان کډوالو ته کاروي.

ایراني رسنیو د چارشنبې په ورځ خبر ورکړی، چې د بوشهر د والي د سیاسي، امنيتي او ټولنيزو چارو مرستيال احسان جهانیان د شتستان ښار الکي ښارګوټې د لېدنې پر مهال ويلي چې « د بوشهر د اټومي انرژۍ بټۍ په پنځه کیلومترۍ او د دغه ولایت د ګناوې، دیلم او عسلویه ښارونو په شاوخوا کې د بهرنیو اتباعو او کډوالو کار او اوسېدل منع دي.»

نوموړي له کډوالو غوښتنه کړې، چې ژر تر ژر ه دې له دې سيمو ووځي که نه قانوني اسناد به هم ترې واخیستل شي او له هېواده به یې وباسي.

د نوموړي په وینا، غير قانوني کډوال به تر نيولو وروسته سرحدي کمپونو ته ولېږدوي.

هغه په دې برخه کې له اړوندو ادارو څخه د دوامداره ګزمو او پلټنو غوښتنه کړې او زياتوي، چې له هغو ايرانیانو سره به هم قانوني چلند وکړي، چې بهرنيو اتباعو ته د کار زمينه برابروي.

جهانیان په ۲۰۲۵ کال کې د کډوالو په برخه کې د مرستو پر زياتېدو ټينګار کړی او زياتوي، چې په تېرو کلونو کې نړیوالو سازمانونو او ادارو له ایران سره د کډوالۍ په برخه کې لږې مرستې کړې دي.

دغه ایرانی چارواکی پر داسې مهال دا څرګندونې کوي، چې نن د طالبانو د رییس الوزرا سياسي مرستیال مولوي کبير په افغانستان کې د ایران له نوي سفير سره په پېژندګلویزه ناسته کې له دغه هېواده غوښتي، چې د افغان کډوالو له جبري ايستلو ډډه وکړي.

تر دې مخکې د امریکا منتخب ولسمشر ډونالډ ټرمپ ویلي و، چې د کاناډا پر ضد به اقتصادي ځواک وکاروي او دغه هېواد باید د امریکا ۵۱ ایالت شي.

ټرمپ وویل، چې هغه به د کاناډا پر وارداتو ۲۵سلنه تعرفه ولګوي.

د کاناډا د بهرنیو چارو وزیرې میلانیا جولي وویل؛ د ټرمپ څرګندونې ښيي چې هغه د کاناډا په اصلي ځواک نه پوهېږي او کاناډا به هېڅکله دغو ګواښونو ته سر ټیټ نه کړي.

ټرمپ د نوي کال په پیغام کې هم ګوټ څنډنه کړې وه، چې که کاناډا د امریکا ۵۱ ایالت وای د خلکو مالیه به یې دومره لوړه نه وه.

د دې تر څنګ د محافظه کار ګوند مشر هم وویل، چې کاناډا یو لوی خپلواک هېواد دی او هېڅکله به د متحده ایالاتو ۵۱ ایالت نه شي.

دا په داسې حال کې ده، چې د کاناډا لومړي وزیر جسټن ټروډو د دوشنبې په ورځ اعلان وکړ، چې د واکمن لېبرال ګوند د مشر په توګه له نهو کلونو دندې وروسته استعفا کوي.

د راپورونو له مخې، نوموړی به تر هغه په خپله دنده پاتې شي تر څو چې ګوند یې ځای ناستی ټاکي.

د بنګله دېش موقت حکومت د پخوانۍ لومړۍ وزیرې شېخ حسینې په ګډون په دغه هېواد کې د ۹۷ کسانو پاسپورټونه د جرمي فعالیتونو له امله لغوه کړي دي.

له دې شمېر څخه ۲۲ کسان یې د جبري لادرکۍ کې په لاس لرلو تورن دي او ۷۵ نور یې تېر کال په بنګله دېش کې د محصلینو د اعتراضونو پر مهال په وژلو کې په لاس لرلو تورن دي.

دا وروسته له هغه کېږي، چې د جرمونو نړۍوالې محکمې (ای سي ټي) د شېخ حسینې او ۱۱ نورو کسانو پر وړاندې د هغې د حکومت پرمهال د جبري ورکېدو او غیر قضایي وژنو په قضیه کې د نیولو امر صادر کړ.

دا په داسې حال کې ده، چې بنګله دېش څه موده مخکې په رسمي ډول له هند څخه د حسینې د سپارلو غوښتنه وکړه.

د بنګله دېش د بهرنیو چارو وزارت ویلي و، چې نوموړې باید د قضايي تعقیب لپاره دوی ته وسپارل شي.

حسینه واجد تېر کال د خلکو له سختو اعتراضونو وروسته له بنګله دېش څخه وتښتېده او هند ته ولاړه.