ضمیر کابلوف: روسیه په راتلونکي پسرلي کې له طالبانو سره دوه اړخیزه کاري ډله جوړوي

دغه سفارت پر خپل اېکس لیکلي، چې د سې شنبې په ورځ د کورمې ولسوالۍ د اهل سنت قومي مشرانو، د کورمې د انجمن فاروقي غړو او په اسلام اباد کې د کورمې د ځوانانو شورا یوه ګډ پلاوي په اسلام اباد کې د طالبانو له سرپرست سفیر سره کتلي.

یاد سفارت وايي، چې د کورمې ولسوالۍ دغو اوسیدونکو د ډیورنډ کرښې دواړو غاړو ته د پرتو ولسونو ترمنځ د اړیکو، تګ راتګ لپاره د نویو لارو خلاصون او په کورمه ولسوالۍ کې د فرقه يي شخړو په اړه خبرې کړې دي.

په اسلام اباد کې د طالبانو سفارت وايي، چې سرداراحمد شکیب په دې ناسته کې ټینګار وکړ چې طالبان له ټولو خواوو سره د نیکو اړیکو پلوي کوي او غواړي د کرښې دواړو غاړو ته پراته ولسونه په کامل امن او ثبات کې ګډ ژوند ولري.

د طالبانو سفیر په باور، د ولسونو په مینځ کې د «را ایجاد کړل شویو» ستونزو د دوام پرځای باید مناسبې حل لارې ورته وموندل شي.

په کورمه ولسوالۍ کې څه باندې دوه میاشتې د سني او شیعه مذهبو ترمنځ جګړې وشوې، چې له امله یې له دواړو لوریو لسګونه کسان وژل شوي او د دې ولسوالۍ او پېښور تر منځ د تګ راتګ لارې بندیدو له امله خلک د خوراکي توکو او درملو له سخت کمښت سره مخ شوي.

د کورمې ولسوالۍ قومي مشران په داسې حال کې په اسلام اباد کې د طالبانو له سرپرست سفیر سره پر ډیورنډ کرښه د لارې د خلاصون په تړاو لیدنه کوي، چې له تېرو څو میاشتو راهیسې د افغانستان او پاکستان ترمنځ د خرلاڅي سوداګریزه لاره د هر ډول تګ راتګ پرمخ تړل شوې ده.

۲۵ کلن سلیمان عطایي د ۲۰۲۴ کال په مې میاشت کې د منهایم ښار په مارکټ پلاټز سیمه کې د اسلام ضد ډلې پکس اروپا پر غړو برید وکړ، چې شپږ تنه یې ټپیان کړل. په ټپیانو کې یو تن ۲۹ کلن پولیس رووین لاور و، چې وروسته په روغتون کې له ژورو ټپونو ومړ.

په هغو ویډیوګانو کې چې له پېښې خپرې شوې، پولیس د نوموړي پرخلاف خپله وسله ونه کاروله او غوښتل یې پر نورو کسانو د چړو له بریده یې را وګرځوي.

دې پېښې په ټول جرمني کې خلک د کډوالو، په ځانګړې توګه د افغان کډوالو او پناه غوښتونکو پر وړاندې حساس کړل.

اوس ټاکل شوې ده چې د راتلونکې فبروري میاشتې پر ۱۳مه په شټوټګارټ کې د نوموړي علني محاکمه پیل شي.

د شټوټګارټ محکمې اعلان وکړ چې دا به د دولت د امنیت قضیه وي. تورن له قتل او د قتل د پنځو هڅو له تور سره مخ دی.

عطایي له جون میاشتې راهیسې په توقیف کې دی او د نومبر په میاشت کې د فدرالي څارنوالۍ له خوا تورن اعلان شو.

د شټوټګارت عالي محکمه وايي، د تورن په اړه په تور کې ویل شوي چې هغه له داعش ډلې سره خواخوږي لري او د دوی نظریه مني. ویل شوي هغه د ۲۰۲۴ کال د مې تر پیل پورې په جرمني کې پر «بې‌ دینه خلکو» د برید هوډ درلود.

د ځوان پولیس رووین لاور پر مړینه په ټول جرمني کې ژوره خواخوږي وښودل شوه. له برید څو ورځې وروسته د پولیسو په وینا، شاوخوا ۸۰۰۰ کسانو په منهایم کې د څلي شاوخوا راټول شول.

د جرمني خبري اژانس د رپوټ له مخې، بریدګر په ۲۰۱۳ کال کې د ځوان په توګه جرمني ته راغلی و او د پناه غوښتنه یې کړې وه. د هغه غوښتنه په ۲۰۱۴ کال کې رد شوه، خو د ځوانۍ عمر له کبله د اخراج بندیز پرې ولګول شو. بریدګر له خپلې جرمنۍ-ترکۍ مېرمنې او دوو ماشومانو سره د هیسن ایالت په هیپېنهایم کې اوسېده، چې د منهایم شمال ختیز خوا ۳۵ کیلومتره لرې پروت دی.

له دې وړاندې د جرمني فدرالې څارنوالۍ هم ویلي و، چې سلیمان عطايي له داعش سره خواخوږي او ایډیالوژیکي مشترکات لري.

هغه وایي، چې امریکا دغه پېسې د خپلو ځواکونو او افغان همکارانو په اېستلو لګولي دي.

تر دې وړاندې د امریکا منتخب ولسمشر د سې شنبې په ورځ په یو خبري کنفرانس کې ویلي و، چې امریکا طالبانو ته په مېلیاردونو ډالر ورکوي او دا مساله ورته د منلو وړ نه ده.

هغه ویلي، چې پر طالبانو باید مرستې بندې شي.
تر هغه وړاندې د کانګرس جمهوري غوښتونکي غړي ټیم بورچټ ټرمپ ته په یوه پرانیستي لیک کې له طالبانو سره د امریکا د نغدي مرستو د سملاسي بندولو غوښتنه کړې وه.
‏ښاغلي فطرت پر اېکس پاڼه د یو بیان په خپرولو سره ویلي، دغه ټولې پیسې امریکا د افغانستان په نوم په خپلو موخو لګولي او هڅه کوي چې له دې لارې د طالبانو پر ضد پروپاګند وکړي.

په دغې لیکنه کې راغلي، امریکا نه یوازې دا چې دوی ته یوه روپۍ هم نه ده ورکړې؛ بلکې د افغانستان د خلکو مېلیاردونه ډالر یې غصب او کنګل کړي دي.
د هغه په وینا:« موږ هم غواړو، چې امریکا دې د مرستو په نوم دغه ډول لګښتونه ودروي؛ ځکه چې دغه پیسې د افغانستان د خلکو په درد نه خوري.»
‏ هغه زیاته کړې، چې د دوی ډله له امریکا څخه د کومې مرستې تمه نه لري او نه یې هم د مرستې غوښتنه کړې.
‏هغه وړاندې کاږي: «هغه پیسې چې امریکا یې یادونه کوي، د امریکا هغه لګښتونه دي چې ډېره برخه یې له افغانستانه د امریکايي ځواکونو پر تېښته او وتلو مصرف شوې او یا د هغو افغانانو په وتلو او ځای پر ځای کولو لګول شوې، چې له دوی سره یو ځای له افغانستانه وتښتېدل.»
‏هغه وایي، کېدای شي د دغو مرستو یوه اندازه د نړۍوالو موسسو له لارې د بشري مرستو په نوم هم لګېدلې وي.

هغه ادعا وکړه، چې «راتلونکی ترهګریز برید به د امریکایانو په پیسو ترسره شي.»

نوموړي دغه څرګندونې د سې شنبه په ورځ د ټرمپ د سلاکار اېلان ماسک د هغې پوښتنې په ځواب کې وکړې، چې ایا د امریکایي مالیه ورکوونکو پیسې د طالبانو لاس ته ځي؟

بورچټ پر اېکس پاڼې کاږلي: «هو، موږ دغه کار کوو. (په متحده ایالاتو کې) بل ترهګریز برید سل په سلو کې د امریکایی مالیه ورکوونکو له خوا تمویل کېږي.»

ټیم بورچټ د امریکا د استازو مجلس یو له هغو څو غړو څخه دی، چې د مقاومت له جبهې سره ښې اړیکې لري او د طالبانو په وړاندې د دغې ډلې د جګړې ملاتړ کوي.

ښاغلي بورچټ د مقاومت جبهې د مطرح کولو لپاره احمد مسعود او امرالله صالح ته بلنه ورکړې، چې امریکا ته سفر وکړي.

بورچټ تېره ورځ هم له ټرمپ څخه وغوښتل، چې له طالبانو سره د امریکا مالي مرستې بندې کړي.

د هغه په ​​وينا، له افغانستان سره د واشنګټن مرستې طالبانو ته ځي.

د امریکا منتخب ولسمشر د سې شنبه په ورځ په یوه خبري کنفرانس کې وویل، چې امریکا طالبانو ته په ملیاردونو ډالر ورکوي او دا مساله ورته د منلو وړ نه ده.

ډونالډ ټرمپ ویلي، چې طالبانو ته باید مرستې و نه لېږل شي.

د طالبانو د اطلاعاتو او فرهنګ وزارت له خوا د منع شویو کتابونو یو نوملړ خپور شوی، چې په کې لیدل کېږي یادې ډلې د ملنګ جان د کتاب پېر او پلور منع کړی او د هغه کتابونه یې د ملي ګټو خلاف بللي دي.
له دغه وزارت څخه یوې باوري سرچینې له افغانستان انټرنشنل - پښتو سره په خبرو کې دغه نوملړ تایید کړی دی.
د سرچینې په خبره، د منع شویو کتابونو نوملړ تر پخوا اوږد شوی او په وروستیو میاشتو کې بیا په ډېر شمېر نورو کتابونو هم بندیزونه لګېدلي دي.
د راپورونو له مخې، طالبانو په هر ولایت کې په دې اړوند کمېټې جوړې کړي، چې یادې کمېټې د حاکم نظام د خوښې خلاف کتابونه راټولوي او تر ثبت کېدو وروسته یې ممنوع اعلانوي.
سرچینې افغانستان انټرنشنل - پښتو ته دغه راز په خپلو خبرو کې ویلي، چې، په دغه نوملړ کې ډېری د پاکستان ضد کتابونه شامل دي.
پاکستان د ګړنګ پر غاړه، د افغانستان په خونړۍ تراژیدي کې د پاکستان رول، له مسعود وروسته د افغانستان د جګړو ریښې، زما د دښمن ـ دښمن هند، پاکستان محور شرارت، مرګوني غېږ، دوه مخی کرنل امام او یو شمېر نور هغه کتابونه دي، چې د افغانستان د ملي ګټو خلاف یاد شوي دي.
دا په داسې حال کې ده، چې ‏د ملنګ جان کتابونه او شعري ټولګې تر دې وړاندې په پاکستان کې هم منع شوي وو.
د طالبانو دغه اقدام په ټولنیزو رسنیو کې د یو شمېر پخوانیو چارواکو او لیکوالانو غبرګونونه راپارولي دي.
د افغانستان د پخواني نظام د چارو ادارې مشر فضل محمود فضلي د ملنګ جان پر کتابونو د طالبانو بندیز غندي او وایي: «د حاکمې او استبدادي ډلې له خوا په هر ډول کتاب بنديز د غندلو وړ دی او دا له پوهې او عقل سره د دوښمنۍ څرګنده بېلګه ده.»
نوموړي یاد نامتو شاعر ولسي او وطنپال شاعر بللی او زیاته کړې یې ده، چې د نوموړي په کتاب بنديز ښيي، چې طالبانو له وطن او خلکو سره مینه هم ګناه بولي.
د افغانستان د پخواني نظام د چارو ادارې یاد مشر همداراز وویل: «‏د ملنګ جان “خوږې نغمې” شعري ټولګه په اویایمو او اتیایمو کلونو کې د استعمار د لاسپوڅي پاکستاني پوځ له خوا په کوزه پښتونخوا کې ممنوع شوې وه او اوس هماغه استعمار ته ژمنې، افراطي او استبدادي حاکمې ډلې په افغانستان کې د ملنګ جان په کتاب بندیز لګولی.»
د یادولو ده، چې ملنګ جان په ١٢٩٣ لمريز کال د ننګرهار د بهسودو په چميار کلي کې زېږېدلی و او په ١٣٣٦ لمريز کال د يوې ترافيکي پېښې له امله مړ شو.
د افغانستان د سټراټیژیکو څېړنو د نړۍوال مرکز مشر هاتف مختار هم د طالبانو له خوا د ملنګ جان د کتابونو د بندیزونو په غبرګون ویلي: «دا د ادب او کلتور سره ښکاره دوښمني او شرمونکی عمل دی.»
نوموړي په خپل اېکس کې له طالبانو پوښتنه کړې: «تاسو به وکړای شي چې د ټولو کتابونو د لیکونکو فکر بدل کړی؟»
دا په داسې حال کې ده، چې د طالبانو د اطلاعاتو او کلتور وزارت د لېندۍ په میاشت کې اعلان کړی و، چې له کتاب پلورنځیو یې هغه لسګونه کتابونه ټول کړي، چې «د اسلامي ارزښتونو او د دوی د پاليسۍ خلاف» وو.
د روان کال د لړم مياشتي په دویمه بیا دغه وزارت په کابل کې ۴۰۰ عنوانه کتابونه منع اعلان کړل او په ټول هېواد کې يې د دغو کتابونو د ټولولو کمپاين پیل کړ.
د طالبانو د اطلاعاتو او کلتور وزارت ویاند ویلي و، چې دغه وزارت «د اسلامي ارزښتونو، د اسلامي امارت د پاليسي خلاف» د کتابونو د ټولو لپاره کمېسیون جوړ کړی او په کار يې پيل کړی.
نوموړي ویلي، چې دغه کمېسیون د کمپاين پر مهال لسګونه عنوانه بېلابيل کتابونه ټول کړي دي.
یو شمېر لیکوالانو او هېوادوالو په وار - وار د طالبانو په ورته کړنو نیوکې کړي او ویلي یې دي؛ که څه هم پر افغانستان د طالبانو له واکمنۍ وروسته د کتاب لوستلو دود کمرنګه شوی دی، خو د طالبانو په دغو بندیزونو سره به په هېواد کې د کتاب لوستلو فرهنګ په بشپړه توګه له منځه ولاړ شي.

100%

100%

100%

100%