پاکستان راډيو د پوځ د عامه اړيکو د دفتر له قوله ويلي، چې د ډېره اسماعيل خان په مادي سيمه کې يې د عملیاتو پر مهال د وسله والو د یوه مشر شفيع الله په ګډون پنځه اورپکي وژلي دي. د پوځ د اړیکو دغه دفتر ويلي، چې د عملياتو پر مهال يې له وسله والو وسلې او مهمات هم تر لاسه کړي.
د پوځ په خبره، دغه عملیات یې د استخباراتي مالوماتو پر بنسټ کړي او د وسله والو یو مشر شمفيع الله، چې مستعار نوم یې شفيع و، هم وژلی دی.
د پاکستان راډيو د همدې دفتر په حواله په خپل خبر کې ويلي ، چې وژل شویو وسله والو د پاکستان د امنيتي ځواکونو په وړاندي په ترهګريزونو بريدونو او د ملکي کسانو په هدفي وژنو کې لاس درلود.
د پاکستان پوځ د عامه اړیکو دفتر زياتوي، چې پوځ له هېواده د ترهګرۍ ګواښ د له منځه وړولو هوډ لري او په سيمه کې به یې عملیات هم دوام ولري.
د پاکستان پوځ د همدې ادعا په اړه تر اوسه کومې وسله والې ډلې څه نه دي ویلي.
