د جاپان د ټوکیو په یوه پوهنتون کې یوې نجلۍ په څټک اته کسان ټپیان کړل
د جاپان د ټوکیو په هوسي پوهنتون ټاما کمپس کې یوې ۲۲ کلنې محصلې په څټک اته کسان ټپیان کړي دي. روغتیایي چارواکو د دغو اتو کسانو روغتیایي حالت د اندېښنې وړ نه دی بللی.
د جاپان د ټوکیو په هوسي پوهنتون ټاما کمپس کې یوې ۲۲ کلنې محصلې په څټک اته کسان ټپیان کړي دي. روغتیایي چارواکو د دغو اتو کسانو روغتیایي حالت د اندېښنې وړ نه دی بللی.
د جاپاني رسنیو د راپور له مخکې، دغه ۲۲ کلنه نجلۍ د ټولنپوهنې زده کوونکې وه. هغې په ټولګې کې څټک راواخیست او اته تنه یې پرې ټپیان کړل.
پولیسو دغه ۲۲ کلنه نجلۍ نیولې ده خو د دغې تاوتریخجنې پېښې په اړه یې جزییات نه دي ورکړي.
په جاپان کې دا لومړنۍ پېښه نه ده، جاپان کې کله نا کله د ځینو خلکو له خوا په چاقو بریدونه او حتی د وسلو ډزې کیږي.
تېر ډسمبر میاشت کې د ښوونځي دوه زده کوونکي چې په یوه ریستورانت کې د ماښامني لپاره تللي و، یوه سړي پر دواړو برید وکړ او په چاقو یې ټپیان کړل.
د ۲۰۲۲ کال په جنورۍ کې د توکیو پوهنتون مخ ته یوه سړي درې زده کړیالان په چاقو ووهل. په قربانیانو کې یوه ۱۸ کلن هلک، یوه ۱۷ کلنه نجلۍ او یو ۷۲ کلن سړی شامل وو.
