د ایران سپاه پاسداران د نوي توغندي اډې پرانیستې سره اسراییل ته ګواښ وکړ

د یادې مجلې څېړنې اټکل کوي، چې د اسراییل او حماس جګړې له پیل راهیسې په غزه کې ۶۴,۲۶۰ کسان وژل شوي دي. دا پدې مانا ده چې د حماس تر کنټرول لاندې غزې تړانګې کې د روغتیا وزارت د مړینو شمېر کم ښودلی دی.

د تېر کال د جون تر ۳۰ نېټې پورې، د حماس تر کنټرول لاندې غزې تړانګه کې ددغه هېواد د روغتیا وزارت، په جګړه کې د ۳۷,۸۷۷ وژل شویو کسانو راپور ورکړی و.

خو نویو څېړنو چې په غزه کې د روغتیایي ادارو، نظرپوښتنو او ټولنیزو رسنیو پر مټ شوې، داسې اټکل ښيي چې تر هغه وخت پورې په غزه کې له ۵۵،۲۹۸ څخه تر ۷۸،۵۲۵ پورې کسان وژل شوي دي.

د څېړنې ترټولو کره د مړینې شمېره ۶۴,۲۶۰ ده، دا په دې مانا ده چې د دغه هېواد روغتیا وزارت د مړینې شمېره تر ۴۱ سلنې پورې کمه ښودلې ده.

د بریتانیا په مشرۍ د څېړونکو ډلې اټکل کړی چې په دغه جګړه کې په سلو کې ۵۹ سلنه وژل شوي ښځې، ماشومان او زاړه خلک دي.

د اسراییل لومړي وزیر بنیامین نتنېاهو وویل، د ایران ملاتړي حوثي وسله وال "زموږ په وړاندې د تېري لپاره درنه بیه ورکوي موږ ادامه ورکوو."

المسیره ټلویزیون، چې د حوثي وسله والو له خوا اداره کیږي وویل د یمن په پلازمینه صنعا کې د حوثیانو د برېښنا مرکز باندې دیارلس هوایي بریدونه ترسره شوي.

دغه ټلویزیون زیاتوي: «د سنهان ولسوالۍ د هزیاز سټیشن د یوه کارکوونکي په ګډون درې تنه ټپیان شوي او یو شمېر کورونه زیانمن شوي دي.»

تر دې مخکې د بریتانیې امنیتي شرکت امبري ویلي وو، چې د راس عیسی په بندر کې د تېلو د زېرمه کولو تاسیسات په نښه شوي دي، په داسې حال کې چې کومې سوداګریزې کښتۍ ته زیان نه دی رسېدلی.

المسیره په راس عیسی او د حدیده په لوی بندر د شپږو نورو هوایي بریدونو خبر هم ورکړل شوی، په داسې حال کې چې د عمران ولایت د حرف سفیان ولسوالۍ هم تر هوایي برید لاندې راغلې ده.

اسراییلي پوځ دغه بریدونه تایید کړي او ویلي یې دي، چې د حزیاز د برېښنا سټیشن د "حوثي ترهګر رژیم لپاره په خپلو نظامي فعالیتونو کې د انرژۍ مرکزي سرچینې" په توګه کار کاوه. د دوی په وینا، په نښه شوي هدفونه د "حوثیانو له خوا د ملکي زیربناوو د استثمار" مثالونه وو.

بل خوا د حوثیانو د پوځ ویاند یحیی سري وویل، په تېرو ۴۸ ساعتونو کې حوثي وسله والو د اسراییل پر سوداګریز مرکز تل ابیب درې بې پیلوټه الوتکې او په سور سمندرګي کې د امریکا پر الوتکې وړونکې بېړۍ یې بریدونه ترسره کړي دي.

د پاکستان لومړي وزیر شهباز شریف په یوه مکتوب کې محمد صادق خپل ځانګړی سلاکار ټاکلی دی.

د پاکستان د لومړي وزیر په لاسلیک دغه مکتوب دوه ورځې وړاندې د پاکستان د ولسمشر دفتر ترڅنګ ګڼو وزارتونو ته استول شوی دی.

محمد صادق د ډسمبر په لومړیو کې د پاکستان د لومړي وزیر شهباز شریف له لوري د افغانستان لپاره د دغه هېواد د ځانګړي استازي په توګه په دنده وګمارل شو.

نوموړی د ۲۰۰۸ څخه تر ۲۰۱۴ کال پورې د افغانستان لپاره د پاکستان د سفیر په توګه هم دنده ترسره کړې ده.

نوموړی د افغان جمهوریت پر مهال هم د څو کلونو لپاره د افغانستان لپاره د پاکستان ځانګړی استازی و.

د شهباز شریف لوري صادق خان د ځانګړي سلاکار په توګه په داسې حال کې په دنده ګمارل کېږي، چې د افغان طالبانو او پاکستان ترمنځ اړیکي په ښه حال کې نه دي او صادق خان د افغانستان په چارو کې ښه تجربه لري.

د پوځ په خبره، دغه عملیات یې د استخباراتي مالوماتو پر بنسټ کړي او د وسله والو یو مشر شمفيع الله، چې مستعار نوم یې شفيع و، هم وژلی دی.

د پاکستان راډيو د همدې دفتر په حواله په خپل خبر کې ويلي ، چې وژل شویو وسله والو د پاکستان د امنيتي ځواکونو په وړاندي په ترهګريزونو بريدونو او د ملکي کسانو په هدفي وژنو کې لاس درلود.

د پاکستان پوځ د عامه اړیکو دفتر زياتوي، چې پوځ له هېواده د ترهګرۍ ګواښ د له منځه وړولو هوډ لري او په سيمه کې به یې عملیات هم دوام ولري.

د پاکستان پوځ د همدې ادعا په اړه تر اوسه کومې وسله والې ډلې څه نه دي ویلي.

رویټرز خبري اژانس بېګاه راپور ورکړ، چې د لاس انجلس په څنډه پیسفیک پلاسيډاس کې ځنګلونو اور اخیستی او په زرګونو جریبه خپور شوی دی.

لاس انجلس ټایمز د جمعې په ورځ په دې اړوند په خپل وروستي راپور کې د کارپوهانو له قوله لیکلي، چې دا اور له خطر ډک او د امریکا په تاريخ تر ټولو لوی ناورین له ځان سره لري.

د لاس انجلس والي تېره ورځ په سیمه کې بېړنی حالت ترهغه وروسته اعلان کړ، چې دغه اور د سې شنبه په شپه ناوخته پیل او د چهارشنبې تر سهاره لا کابو نه شو.

د امریکا د برېښنا ادارې د معلوماتو له مخې، د سې شنبې ناوخته په لاس انجلس کې له ۲۲۰ زرو ډېر کورونه او سوداګريزو مرکزونو برېښنا نه لرله.