د اوربند له اعلان سره سم؛ پر غزې د اسراییل په بریدونو کې ۲۰ فلسطینیان ووژل شول
د اوربند د هوکړې له اعلان سره، سره د غزې په تړانګه د اسراییل په بريدونو کې شل تنه فلسطينيان وژل شوي دي.
د اوربند د هوکړې له اعلان سره، سره د غزې په تړانګه د اسراییل په بريدونو کې شل تنه فلسطينيان وژل شوي دي.
د غزې د ملکي دفاع اداره وايي، د چهارشنبې په ورځ د اسراییل او حماس ترمنځ د اوربند د هوکړې له اعلان وروسته د اسراییل په بریدونو کې لږ تر لږه ۲۰ فلسطینیان وژل شوي دي.د دغې ادارې ویاند ویلي، چې د اوربند له اعلان سره، سره بیا هم بریدونه نه دي درېدلي.د هغه په وینا، د غزې تړانګې پر بېلابېلو سیمو د اسراییل له لوري بریدونه شوي، چې یوازې په غزه کې ۱۸ فلسطینیان وژل شوي دي.د چهارشنبې په ورځ د قطر په پلازمینه دوحه کې د دغه هېواد لومړي وزیر محمد بن عبدالرحمن بن جاسم ال ثاني په غزه کې د اوربند اعلان وکړ.نوموړي ویلي، چې اوربند به (د جنورۍ له ۱۹مې) ټینګ شي او د پړاوونو د عملي کېدو په اړه یې له حماس او اسراییل سره کار روان دی.د قطر لومړي وزیر ویلي، چې د هوکړې په لومړي پړاو کې به یرغمل شوي اسراییلیان او فلسطینیان خوشې شي.دا رنګه د تړون په لومړي پړاو کې خپلو کورونو ته د بې ځایه شویو کسانو راستنېدل هم شامل دي.دغه شپږ اونيز اوربند په درېيو پړاوونو کې د ملکي بنديانو د تبادلې او د جګړې د ختمولو په اړه د خبرو اترو له لارې عملي کېږي.په دویم پړاو کې به حماس د اسراییلي ځواکونو بندیان خوشې کوي او په درېیم پړاو کې به له غزې څخه د اسراییلي ځواکونو بشپړ وتل او د غزې د بیارغونې چارې به ترسره کېږي.
