د ولادیمیر پوتين سیاسي مخالف ناوالني درې وکیلان د افراطي فعالیت په تور بندیان شول
د روسیې یوې محکمې د جمعې په ورځ د اپوزیسیون د پخواني مشر الیکسي ناوالني درې وکیلان په یوه "افراطي سازمان" کې د ګډون په تور مجرم وپېژندل او په کلونو بند یې محکوم کړل.
د روسیې یوې محکمې د جمعې په ورځ د اپوزیسیون د پخواني مشر الیکسي ناوالني درې وکیلان په یوه "افراطي سازمان" کې د ګډون په تور مجرم وپېژندل او په کلونو بند یې محکوم کړل.
د تېرې فبرورۍ په میاشت کې د ارکټیک زندان کالونۍ کې د ناوالني ناڅرګنده مرګ وروسته، کرملین د ناوالني ملګرو ته د سزا ورکولو هڅه کړې.
وادیم کوبزوف، الیکسي لیپتسر او ایګور سرګونین د پیتوشکي ښار د یوې محکمې له خوا په "افراطي سازمان" کې د ګډون په تور مجرمین وپېژندل شول.
کوبزوف، د ناوالني د قانوني ټیم ترټولو لوړ پوړی غړی، پنځه نیم کاله، په داسې حال کې چې لیپسر پنځه او سرګونین درې نیم کاله بند باندې محکوم شول.
دوی تقریباً یوازیني خلک وو، چې په زندان کې یې د ناوالني سره لېده کاته ترسره کول، ناوالني په ۱۹ کاله بند محکوم شوی وو.
ناوالني، د ولادېمیر پوتین اصلي سیاسي مخالف وو، نوموړي د خپلو وکیلانو له لارې د نړۍ سره اړیکې پاللې، چې دغه اړیکې د ټولنیزو رسنیو له لارې افشا شوې.
د وکیلانو له لارې د لیکونو او پیغامونو لېږدول د روسیې په زندانونو کې یو عادي کار دی.
د ناوالني جلاوطنه کونډې یولیا ناوالنیا وویل، چې وکیلان "سیاسي بندیان دي او باید ژر تر ژره خوشې شي."
د ناوالني ټیم د زندان چارواکي تورن کړي، چې د خپلو وکیلانو سره یې د ناوالني ملاقاتونه په پټه توګه فلم کړي دي.
