د روسیې ولسمشر ولادیمیر پوتین او د هغه ایراني سیال مسعود پزشکیان د جمعې په ورځ د پراخو همکاریو تړون لاسلیک کړ، چې د لویدیځو هېوادونو د بندیزونو سره په مبارزه کې د دغه هېوادونو اړیکې پیاوړې کوي.
مسکو د ۲۰۲۲ کال په فبرورۍ کې اوکراین ته د پوځیانو له لېږلو راهیسې د ایران اسلامي جمهوریت ته د یوه ستراتیژیک متحد په سترګه ګوري، چې غربي چارواکي یې اندېښمن کړي.
د کرملین له خوا په خپره شوې اعلامیه کې راغلي، دواړو خواو موافقه وکړه چې د ګډو "امنیتي ګواښونو" په وړاندې مبارزه کې به یو بل سره مرسته وکړي.
دوی دا هم ومنله چې که دواړه لوري د تېري سره مخ شي، بل به "د تېري کوونکي سره مرسته نه کوي."
د روسیې ولسمشر ولادیمیر پوتین او د هغه ایراني سیال مسعود پزشکیان، چې په کریملین کې یې په ګډه دغه تړون لاسلیک کړ، دواړو دغه هوکړه د خپلو اړیکو د نوي فصل په توګه یاده کړه.
پوتین وویل: "د دې ریښتیني پرمختګ سند هدف د روسیې او ایران او زموږ د ټولې یوریشیا سیمې د باثباته او دوامداره پرمختګ لپاره اړین شرایط رامینځته کول دي."
پزشکیان وویل، چې دا تړون به "د ایران او روسیې ترمنځ په ټولو برخو کې په ځانګړې توګه د اقتصادي همکاریو په برخه کې د اړیکو نوی فصل پرانیزي."
دغه تړون په ښکاره ډول د وسلو تبادلې ته اشاره نه ده کړې.
