د پاکستان په کراچۍ کې د طالبانو کونسلګرۍ وایي، چې د کراچۍ له زندانونو یې ۲۹ افغان بندیان خوشې کړي او هغوی یې بیرته له خپلو کورنیو سره یو ځای کړي دي. طالبان وايي، دغو افغانانو د ملګرو ملتونو له خوا ورکړل شوي د کډوالۍ کارتونه هم لرل.
د پاکستان په کراچۍ کې د طالبانو کونسلګرۍ تېره شپه ناوخته د (مرغومي ۲۸مه) په خپله ایکس پاڼه د یوې خبرپاڼې په خپرولو سره ویلي، چې د کراچۍ له زندانونو یې د جمعې په ورځ، ۲۹ افغان بندیان خوشې کړي او هغوی یې بیرته له خپلو کورنیو سره یو ځای کړي دي.د طالبانو په خبرپاڼه کې دا نه دي ویل شوي، چې دغه افغانان له پاکستانه ایستل شوي او که په دغه هیواد کې له خپلو کورنیو سره یو ځای شوي.خو په خبرپاڼه کې راغلي، چې دغو کسانو غوښتل د بلوچستان د حب چوکۍ له لارې کراچۍ ښار ته دننه شي چې د پاکستان امنیتي ځواکونو نیولي وو.د طالبانو له خبرپاڼې سره یو ځای د ۲۹ تنو افغانانو د کډوالۍ د کارتونو انځورونه هم خپاره شوي خو د بندیانو په خپاره شوي انځور کې ۱۵ تنه لیدل کیږي.د پاکستان امنیتي ځواکونو ډیر وخت د ملګرو ملتونو له لوري ورکړل شویو اسنادو ته هم پام نه کوي او ردوي یې.د طالبانو د کډوالو چارو وزارت په تېره یوه اوونۍ کې له پاکستانه د شاوخوا ۹۶ تنو هغو افغان بندیانو د راستنېدو خبر هم ورکړی، چې د قانوني اسنادو د نه لرلو په تور په پاکستان کې نیول شوي وو.له تېرو دوو اونیو راهیسې پاکستاني پولیسو په اسلام اباد او راولپنډۍ کې د یو لړ عملیاتو پر مهال د ښځو او ماشومانو په ګډون تر زرو ډېر افغان کډوال نیولي دي.د اسلام اباد او راولپنډۍ په هره برخه کې هره ورځ افغان کډوال د پولیسو له ځورونې سره مخامخېږي.همدا تېره ورځ جمعه د اسلام اباد د ایف ۱۸ په فیصل ټاون سیمه کې پولیسو ۱۴ تنه افغانان نیولي دي، او په ځینو سیمو کې نن هم د کورونو د پلټلو راپورونه ورکړل شوي دي.
سرچینو افغانستان انټرنشنل ته وویل، پیر محمد هارون بندي دی او نجلۍ خوشې شوې ده.
سرچیني وايي، د سمنګان د ولایتي روغتون اداري مدیر پيرمحمد کاروان د یادې نجلۍ په جنسي ځورونه تورن دی او تردې وړاندې یې هم دې نجلۍ ته له دندې د ګوښه کولو ګواښونه کړي وو.
له سمنګان سرچینو افغانستان انټرنشنل ته ویلي، چې پيرمحمد هارون همدارنګه په روغتون کې د کارکوونکو په ګمارلو کې بډې اخیستې دي.
همدارنګه یوې بلې سرچینې افغانستان انټرنشنل ته ویلي، چې د سمنګان د عامې روغتیا رییس ملا محب الله بهاري هم د دغه روغتون د فیس راټولو کارکوونکې سره په جنسي اړیکو نیولو تورن دی، خو نوموړی د طالبانو د استخباراتو له لوري نه دی نیول شوی.
د سرچینو په خبره، د دغه ولایت د ولایتي روغتون اداري مدیر پیرمحمد هارون او د عامې روغتیا رییس ملا محب الله بهاري د طالبانو د لوړ پوړو چارواکو له ملاتړ برخمن دي او دمګړۍ د استخباراتو له زندان د پيرمحمد هارون د راخوشي کولو هڅې دوام لري.
