د امریکا روغتیايي چارواکو ته ویل شوي چې د روغتیا نړۍوال سازمان سره کار ودروي
اسوشېټېډ پرېس راپور ورکړی، چې د متحده ایالاتو د عامې روغتیا چارواکو ته ویل شوي، چې د نړۍوال روغتیایي سازمان سره سمدلاسه کار ودروي.
اسوشېټېډ پرېس راپور ورکړی، چې د متحده ایالاتو د عامې روغتیا چارواکو ته ویل شوي، چې د نړۍوال روغتیایي سازمان سره سمدلاسه کار ودروي.
د امریکا د ناروغیو د کنټرول او مخنیوي مرکزونو چارواکي جان نیکنګاسونګ د یکشنبې په شپه د ادارې لوړپوړو مشرانو ته خبر ورکړی، چې د ادارې ټول کارکوونکي چې د روغتیا نړۍوال سازمان (ډبلیو اېچ او) سره کار کوي، باید سمدلاسه خپلې همکارۍ ودروي او "راتونکي لارښود ته په تمه شي."
د چارو پوهان وایي، چې د روغتیا نړۍوال سازمان سره په ناڅاپي ډول د همکارۍ درول حیرانوونکي دي؟
د دوی په وینا، په افریقا کې د ماربورګ وایروس او د بیزو تڼاکې وایروس د خپرېدو په حال کې دی او دغه پرېکړه به د نړۍ له ګوټ ګوټ څخه د ګواښونو رامنځته کېدو لپاره د تحقیقاتو او هڅو مخه ونیسي.
اسوشېټېډ پرېس د نکینګاسونګ میمو د مکتوب یو کاپي لیدلی چې ویلي یې دي، د کار بندولو پالیسي "د متحده ایالاتو د روغتیا په چارو کې ټولو کارمندانو باندې پلي کېږي، چې د تخنیکي کاري ډلو، همغږي مرکزونو، مشورتي بورډونو، کوپراتیف تړونونو یا نورو وسیلو له لارې د روغتیا نړۍوال سازمان سره ښکېل دي.
په دغه مکتوب کې راغلي " چې د روغتیایي چارو کارکوونکو ته اجازه نه ورکول کېږي، چې د روغتیا نړۍوال سازمان دفترونو څخه لیدنه وکړي.
