بلوچستان کې وسله والو د پاکستان د ایف سي ځواکونو پر کمپ برید کړی
د پاکستان خراسان ډایري رسنۍ راپور ورکړی، چې د جمعې په ورځ د شپې ناوخته په بلوچستان کې د قلات ولسوالۍ په منګوچر سیمه کې وسله والو د پاکستان د ایف سي ځواکونو پر کمپ برید کړی.
د پاکستان خراسان ډایري رسنۍ راپور ورکړی، چې د جمعې په ورځ د شپې ناوخته په بلوچستان کې د قلات ولسوالۍ په منګوچر سیمه کې وسله والو د پاکستان د ایف سي ځواکونو پر کمپ برید کړی.
دغې رسنۍ پر اېکس پاڼې لیکلي، چې د دغه برید له امله د کوټې-کراچۍ لویه لاره د ترافیک پر مخ تړل شوې، او په لاره کې د امنیتي ځواکونو پلټنې روانې دي.
تر اوسه په دغه برید کې د مرګ ژوبلې په اړه راپورونه نه دي ترلاسه شوي.
د دغه برید مسولیت د بلوچستان د زادۍ پوځ (بي اېل اې-ازاد) په غاړه اخیستی دی.
د دغه برید په اړه ویل کیږي چې له ۲۰۱۸ کال راپه دېخوا د بلوچستان د ازادۍ پوځ ترمنځ د خپلمنځي اختلافاتو وروسته ستر برید دی چې دغه ډله یې ترسره کوي.
تر اوسه ددغه برید په اړه د پاکستان حکومت رسنیو ته څه نه دي ویلي.
