د امریکا د مرستو بندېدو پسې طالب وزير له ۴ موسسو سره پر خدماتو وړاندې کولو وغږېد

د طالبانو اړوند د هوټلونو شرکت نن «د سلواغې ۱۳مه» د خبرپاڼې په خپرولو سره سرینا هوټل د کابل هوټل په نوم یاد کړی دی او ویلي یې دي: د کابل هوټل له ۱۳۲۳ هجري قمري کال راهسې د هوټلدارۍ په برخه کې فعالیت لري او په ۱۳۸۲ کال کې د اغا خان اقتصادي پراختايي صندوق اړوند د افغانستان لپاره د سیاحتي خدمتونو د ترویجي شرکت سره تړون وکړ. »

طالبانو په دې خبرپاڼه کې لیکلي:« یاد شرکت په تېرو ۲۰ کلونو کې د «کابل سرینا» په نوم معیاري خدمتونه وړاندې کړل.»

دوی ویلي، چې د طالبانو د هوټلونو شرکت ورسره قرارداد پای ته ورساوه او له څه باندې یوې میاشتې راهیسې د کابل هوټل فعالیت په عادي ډول دوام لري.

د طالبان اړوند د هوټلونو شرکت وايي چې د کابل هوټل د خدمتونو د لا معیاري کولو په موخه یې له یوه نړیوال شرکت سره تړون لاسلیک کړ.

طالبانو د نوي تړون په اړه هېڅ جزییات نه دي په ډاکه کړي او نه یې هم د نوي شرکت په اړه څه ویلي دي خو ادعا کوي چې دغه نړیوال شرکت د هوټلدارۍ په برخه کې کافي تجربه لري او کابل هوټل خدماتي چارې به په معیاري ډول پرمخ وړي.

افغانستان انټرنشنل په دې وروستیو کې راپور ورکړی و، چې طالبانو د کابل سرینا پنځه ستوریز هوټل د اغا خان له پراختیايي شبکې نیولی دی.

د کابل سرینا هوټل ادارې د جمعې په ورځ (د لیندۍ ۱۲مه) په یوه خبرپاڼه کې لیکلي، چې په کابل کې د دولتي پلاوي له کوربه توب او د نړۍوالو معیارونو سره سم د خدمتونو له وړاندې کولو دوه لسیزې وروسته به خپل فعالیتونه پای ته ورسوي.

په خبرپاڼه کې راغلي و، چې د دغه هوټل مدیریت به د فبرورۍ له لومړۍ نېټې څخه د دولتي هوټلونو شرکت«ایچ ایس او سي» په غاړه وي.

سرینا هوټل په دې بیان کې لیکلي چې په ۹ هېوادونو کې په ۳۳ نورو څانګو کې د خپلو مېلمنو د کوربه توب لپاره د خدمتونو وړاندې کولو ته ژمن دی.

افغانستان انټرنیشنل لومړی د خپلو سرچینو په حواله خبر ورکړی و، چې طالبانو د سرینا هوټل مدیریت د اغا خان د پراختیایي شبکې او د افغانستان د پخواني حکومت تر منځ د پخواني تفاهم خلاف بللی دی.

کابل ته د طالبانو له راتګ وروسته د کابل سرینا هوټل تر درېیو کلونو زیات د لوړ پوړو بهرنیو چارواکو کوربه و. په دغه هوټل کې هغه وخت د پاکستان د استخباراتو (ای ایس ای) مشر فیض حمید او د امریکا د مرکزي استخباراتو د ادارې (سي ای اې) مشر ویلیم برنز په څېر شخصیتونو کوربتوب شوی.

کابل سرینا هوټل د کابل ښار په مرکز او ولسمشرۍ ماڼۍ ته څېرمه موقعیت لري. د اغا خان پرمختیايي شبکې د دغه هوټل د جوړولو لګښت ۲۵ میلیونه ډالره اعلان کړی و.

د طالبانو تر واک لاندې د افغانستان دولتي ټلوېزیون نن شنبې «د سلواغې ۱۳مه» په وېبپاڼه کې لیکلي چې نن د طالبانو کور او ښار جوړولو وزیر حمدالله نعماني په مشرۍ په یاد وزارت کې د اطلاعات او کلتور وزارت، د ملي المپیک عمومي ریاست، د عملیاتي ادارې او د کابل ښاروالۍ په غړیتوب دغه ناسته وشوه.

د رپوټ په بنسټ دغه ناسته د طالبانو د مشر ملا هبت الله د حکم د تطبیق او د کابینې د تصمیم پر اساس جوړه شوه چې په کې د حضوري چمن د ملکیت برخلیک معلومولو او ترې د سالمې ګټې اخیستنې لپار هد منظمې طرح پر جوړولو او پلي کولو خبرې وشوې.

د طالبانو د کور او ښار جوړولو وزیر حمدالله نعماني او ورسره د کمېټې غړو یې په ناسته کې د ملي المپیک عمومي ریاست له لوري جوړه شوې دري بُعدي (تري ډي) ویډیو او اسناد وکتل او په اړه یې دلایل او وړاندیزونه واورېدل.

په دې غونډه کې ټینکار شوی چې باید داسې طرحه جوړه شي چې له مخې یې په حضوري چمن کې تاریخي ارزښت، فرهنګي ارزښت، عایداتي ارزښت، عبادت او نورې ټولګټې چارې په پام کې ونیول شي.

په غونډه کې ویل شوي، د چمن د ملکیت او ترې د سالمې ګټې اخیستنې منظمه او غني طرحه جوړه، دلایل او اسناد وړاندې او په ټوله کې د کمېټې وروستۍ خبره ملا هبت الله ته د وروستي تصمیم نیولو لپاره وړاندې کړي.

طالبانو په دې اړه نور جزییات نه دي ورکړي، چې په حضوري چمن کې څه ډول طرحه په پام کې نیول شوې ده او د دې ځايي تاریخي اهمیت به وساتل شي او کنه.

د طالبانو د ویاند مرستیال د دغې ډلې تر واک لاندې ملي راډیو سره په خبرو کې په افغانستان کې د بهرنیو ډلو او داعش شتون ردوي.

نوموړي‌ ویلي، د امریکايي‌ ځواکونو په شتون کې داعش د افغانستان ځینو سیمو باندې ولکه لرله، خو اوس دغه ډله طالبانو ځپلې او ټول قوت یې له منځه تللی.

د نوموړي په خبره: «د ګوتو په شمېر کسان که پاتې وي هغه پټ فعالیت کوي او هر څه یې د کشفي او امنیتي ځواکونو له لوري څارل کیږي. د دې پدیدې د خطر د مخنیوي لپاره د افغانستان کشفي، امنیتي او دفاعي ځواکونه پوره دې او په دې اړه یې ښه او موثر ګامونه اخیستي دي.»

فطرت ویلي، چې داعش د افغانستان لپاره هیڅ د ګواښ وړ نه ده.«داعش په افغانستان کې ګواښ بلل او په غیر مستقیمه توګه بزرګنمايي یې یوازې د دې پدیدي لپاره کمپاین دی چې باید څوک یې ونه کړي.»

حمدالله فطرت په افغانستان کې د بهرنیو وسلوالو د شتون په هکله هم د سیګار تازه راپور ردوي او وايي: «بله دا چې په افغانستان کې خپل سري او بهرنۍ ډلې نشته. په دې تړاو په راپور کې چې کومې خبرې راغلې حقیقت نه لري او موږ یې ردوو.»

همدارنګه د طالبانو د اقتصاد وزارت د یوې خبرپاڼې په خپرولو سره ویلي، چې د امریکا له خوا ۳،ده ډالرو د افغانستان په اقتصادي وضیعت د پام وړ کوم اغییزيي نه دي‌کړي او امریکا د دې پیسو ډیره برخه نړیوالو موسسو د خپلو لګښتونو او پاتې یې د بشري مرستو تر عنوان لاندې په بېلابېلو برخو کې خلکو ته ځانګړې کړي وي.

په خبر پاڼه کې لیکل شوي«د امریکا لخو د مالي او اقتصادي تحریمونو سربیره تر ۹ میلیارده ډالرو زیاتې زمونږ اسعاري زیرمې چې د افغانانو شتمني ده کنګل شوي چی زمونږ ملی اقتصاد یې اغیزمن کړی د امریکا لخوا د ددغو زیرمو تخصیص، کارولو او لیږد په اړه هر ډول اقدام د منلو وړ نه دی، مونږ د نړیوالې ټولنې او هیوادونو څخه غواړو چی دا مالي سرچینې د افغانستان مرکزي بانک ته وسپارل شي ترڅو د پولي ثبات د ساتلو، د مالي سیستم د پیاوړتیا، له نړۍ سره د سوداګرۍ د اسانتیا او دهیواد داقتصادي ثبات لپاره ترې ګټه پورته شي.»

د سیګار په ورستي راپور کې ویل شوي، چې ترهګریزې دلې په افغانستان کې خپل فعالیت ته دوام ورکوي او داعش خراسان لا هم د دغه هېواد او سیمه ییز امنیت لپاره ستر ګواښ دی.

که څه هم طالبان په واکمنېدو سره د داعش د له منځه وړلو ادعا کوي، خو وخت ناوخت د دې ډلې پرضد عملیات کوي.

داعش هم د طالبانو د کډوالو وزیر خلیل حقاني په ګډون د دې ډلې ځینې ولایتي چارواکي په ځانمرګو بریدونه کې وژلي او په دې ډول یې په افغانستان کې خپل شتون زباد کړی دی.

خو په کندهار کې د سوداګرۍ خونې مسوولینو د لړم په ۲مه ویلي و، په تېرو دوو میاشتو کې یې هندوستان، عربي متحده امارات او ځینو نورو هېوادونو ته له ۱۳ زره ټنو ډېر انځر صادر کړي دي.

د کندهار د سوداګرۍ خونې مسوولانو د شمېرو له مخې تېر کال له کندهاره یو شمېر هېوادونو ته په ځانګړې توګه هندوستان ته ۳۰زره ټنه انځر صادر شوي وو.

په کندهار کې د طالبانو ویاند دفتر کې د ټولنیزو رسنیو مسوول شمس الله صمیم نن شنبې «د سلواغې ۱۳مه» په خپل اېکسپاڼه کې د کندهار د سوداګرۍ خونې د مسوولانو په حواله لیکلي چې په دې وروستیو کې په کور دننه د سوداګرۍ په برخه کې اسانتیاوې ډيرې شوې، چې ورسره بهر ته صادرات هم زیات شوي دي.

څو میاشتې وړاندې د طالبانو سوداګرۍ وزارت ویلي و، چې هند ته د افغانستان د صادراتو په برخه کې یې وچ انځر، سونډ یا زنجبیل، زعفران، ممیز، شنه ځیره او بادام صادر کړي او له هند یې افغانستان ته بوره، د صنعتي فابریکو لپاره خام مواد، نوي کالي او نخود وارد کړي دي.

د طالبانو د سوداګرۍ او صنایعو وزارت ویاند د (لړم ۱۹مه) په خپله ایکسپاڼه لیکلي ول، چې د ۲۰۲۴ کال په لسو میاشتو کې له هند سره د افغانستان سوداګري نږدې۶۵۰ میلیونه ډالرو ته رسېدلې، چې له دې جملې شاوخوا ۴۴۷ میلیونه ډالر صادرات او نږدې ۲۰۳ میلیونه ډالره واردات شوي.

دا هغه شمېرې دي، چې خپله هند نه دي تایید کړې او نه هم په افغانستان کې دا مهال داسې خپلواکه اداره شته چې دغه شمېرې تایید کړي.

د انځرو باغونه د کندهار په شاه ولیکوټ، نېش او معروف او د زابل په میزانه، ارغنداب، ښهر صفا او نورو سیمو کې دي چې هر کال پرېمانه حاصلات ورځينې راټولېږي.

د طالبانو دغه سختدریځی وزیر داسې مهال دغه څرګندونې کوي چې څه موده وړاندې د امریکا د بهرنیو چارو وزیر مارک روبیو ګواښ وکړ چې پر د طالبانو پر مشرانو به د القاعده شبکې تر مشر هم لوړې جایزې وټاکي.

خالد حنفي د امریکا د بهرنیو چارو وزیر څرګندونو ته په اشارو طالبانو ته سپارښتنه کړې چې له ګواښونو دې ونه ډار شي او پرې د ټاکل کیدونکو جایزو ته دې چندان پام نه کوي. هغه طالبانو په دغه غږیز کلېپ کې سپارښتنه کړې چې خپله طالبي مفکوره دې وپالي او له هېڅ ډول ګواښ سره به مخ نشي.

هغه وویل: «که څوک اخطارونه درکوي، میلیونونه جایز ټاکي؛ نو استقامت دې ته ویل کېږي چې مسلمان باید خپلې موخې پرېنږدي».

د خالد حنفي دغه وینا کې امریکا ته په اشارې سره طالبانو ته ویلي چې «کفار به ستاسې پر ضد بېلابېلې دسیسې او تګلارې جوړوي ؛خو باید پر وړاندې یې استقامت ولرئ».

د ملا هبت الله له لوري د ښځو پر ضد سختدریځو فرمانونو دا پلی کوونکی وزیر په کور دننه او بهر د بشري حقونو او ښځو اړوند په سرغړونو تورن دی.

هغه د ملا هبت الله له هر ډول فرمانونو څخه دفاع کوي.

دغه طالب وزیر پخوا په ویډیو ویناوو او انځورونو کې هم راڅرګندیدو؛ خو وروسته له هغې چې د طالبانو مشر د ساه کښو څیزونو انځورونه ناروا وګڼل ده هم ویډیوې ویناوې او انځورونه خپرول پرېښې دي.

د خالد حنفي له دغو څرګندونو سره هم مهاله ډونالډ ټرمپ پر طالبانو نغدي کڅوړې هم بندې کړي او له دې سره طالبان له سخت اقتصادي ناورین سره هم مخ شوي دي.