سراج حقاني د امنیت شورا له اجازې وروسته سعودي ته سفر کړی

هغه افغان کډوالو ته په اشارې سره ویلي، چې دوی په زندان کې ان وهل ټکول نه لري او دا بیا لرې خبره ده چې «موږ به دغه تښتېدلي کډوال نیسو او شکنجه کوو به یې چې بیا هغه ټرمپ ته زارۍ کوي چې ما مه شړه او ماته ډوډۍ راکړه.»
د ملي ټلویزیون له‌خوا پر اېکس پاڼه د نوموړي په خپور شوي غږیز کلېپ کې ویل شوي: «موږ پر افغانانو روا داره نه یو، چې په پردیو هېوادونو کې دې محتاجه وي او په پردیو هېوادونو کې دې ذلیله شي او پردیو هېوادونو کې ورته ووایي، چې موږ دې باسو او زموږ مشوره هم دا ده، چې دوی دې بېرته خپل هېواد ته راوګرځي.»

خو طالبانو تل داسې ادعاوې کړې او بیا په عمل کې په ټولو زندانونو کې د شکنجو خبرونه ان د ملګرو ملتونو په راپورونو کې برسیره شوي دي.
هغه کډوالو افغانانو ته په کنایې سره ویلي، په هېواد دننه عمومي عفو د همدې لپاره اعلان شوې چې څوک له افغانستانه ونه وځي او د پردیو هېوادونو په دروازو کې پرېنوځي چې «موږ ته ډوډۍ راکړه او بیا دې د چا پر اوږو بار نه وي».
هغه وایي: «نور دې څوک زما له وېرې او زما د ټوپک له وېرې نه تښتي.»

پر طالبانو نیوکې دي چې دوی د پخواني حکومت کارکوونکي نیسي، بندیانوي یې او له زندانونو یې یوازې مړي را ایستل کیږي.
مجاهد وایي، که څوک سیاسي اختلاف هم لري هغوی یوازې غوښتل کېږي او سپارښتنه ورته کېږي؛ خو بر عکس په وروستیو کې د طالبانو مشر د دغې ډلې د بهرنیو چارو مرستیال وزیر د نیونې امر کړی و.
هغه یو ځل بیا په ټولو افغانانو غږ کړی، چې خپل هېواد ته دې راستانه شي.

مجاهد دا خبرې داسې مهال کړې، چې دا مهال د طالبانو بهرنیو چارو مرستیال عباس ستانکزی د هبت الله د نیولو له وېرې دوبۍ ته تښتېدلی.

هغه زیاتوي: «کله چې حیا له منځه ولاړه شي، د انسان زړه چې هر څه وغواړي وايي او کوي یې. د کندهاري طالبانو ویاند نن د تېر په څېر د دروغو بوجۍ خلاصه کړې او هڅه کوي د ولس او نړۍ په سترګو کې خاورې واچوي.»

ښاغلی فدایي، د طالبانو د ویاند ذبیح الله مجاهد د دوشنبې ورځې د ایکس سپېس بحث ته په اشارې سره لیکي چې، تر نیمايي نفوس ډېرې مېرمنې او نجونې یې له خپلو «اساسي بشري حقونو بې‌ برخې کړې، په سیاسي واک کې پرته له ملا بل هېچا ته ځای نه شته. سیاسي واک یوازې د مشرتابه په کچه محدود دی خو ویاند په بحثونو په دروغو لګیا دی چې هر څه سم روان دي.»

حلیم فدایي، افغانستان کې د طالبانو د تش په نامه امنیت ته په اشارې سره لیکي چې، د «امنیت په نامه ویره دومره ژوره ده چې امیر مو له همدې وېرې پټ ژوند کوي او یوازې له فرضي انځور پرته بله هیڅ ښکاره بڼه نه لري.»

نوموړي زیاته کړې چې، د طالبانو د سقوط او ناامنۍ تر ټولو روښانه نښه د دوی د مشر همدا پټوالی دی. چې د ده په خبره په افغانستان کې د«بهرنیو استخباراتو حضور اوس د جمهوري نظام له وخته ډېر خطرناک دی، او د افغانستان فضايي حریم په بشپړه توګه د پردیو تر کنټرول لاندې دی. دا ډله د امریکا لپاره د بلیک واټر یو افغانې ورژن دی.»

د تیر جمهوري نظام د خوست او پکتیا والي په خپله لیکنه کې، د طالبانو خپلمنځي اختلاف ته هم اشاره کړې او کاږي چې، د «مکتبي طالبانو او د مدرسې د طالبانو تر منځ اختلافات ښکاره دي. همدارنګه د کندهاري طالبانو او حقاني شبکې تر منځ شخړې دومره ژورې شوې چې د دغې ډلې د یوه مهم وزیر په مرګ تمامه شوه.»

هغه د طالبانو د ویاند ذبیح الله مجاهد د هغه خبرې په ځواب کې «تښتېدلي سیاسیون دې د پاکستان په پښو کې ځان نه اچوي» وایي چې، د طالبانو مطلق اکثریت هره جمعه او رخصیتو کې پاکستان ته ځې او د نجونو د تعليم په ګډون پرېکړې په اسلام اباد کې کېږې. د«دوحې د مذاکراتو جریان کې دوی له جي ایج کیو څخه هدایات اخېستل او تر ټولو مهمه دا چې دا ډله پاکستان جوړه کړې ده.»

‏حلیم فدایي دا هم کښلي چې، که «زما خبرې نه منئ، له دفترونو د باندې د خلکو د ژوند ناخوالې وګورئ. ستاسو سقوط حتمي دی، خو له تاسو وروسته به د ټولو ناوړو پېښو مسوولیت هم ستاسو پر غاړه دی.»

د طالبانو د عدلیې وزارت تیره ورځ دوشنبه د (سلواغلې ۱۵مه) په یوه خبرپاڼه کې ویلي، چې د هرات ولایت په کرخ ولسوالۍ کې یې ۲۹ زره او ۷۰۷ جریبه دولتي ځمکه له غاصبانو راګرځولې او د دې تر څنګ یې د یاد ولایت په رباط سنګي ولسوالۍ کې شپږ زره او ۸۴ جریبه ځمکه له غاصبانو ګرځولې ده.

د طالبانو عدلیې وزارت په دغه خبرپاڼه کې راغلي، چې د ځمکو له غصب څخه د مخنیوي تخنیکي پلاوي د هرات په دوو ولسوالیو کې دغه ځمکه له ګرځولو وروسته اړوندو ادارو ته سپارلې ده.

پر افغانستان د طالبانو له واکمنېدو وروسته یاده ډله وخت نا وخته د غصب شویو ځمکو د راګرځولو خبره کوي.

طالبانو تر اوسه پورې دا نه دي ويلي، چې هرات کې دغه ځمکه د چا له‌خوا او کله غصب شوي، خو د یاد وزارت چارواکو مخکې ویلي و، چې هر غاصب چې وزارت غوښتل کېږي د غصب تورونه ردوي.

د طالبانو د عدلیې وزارت تر دې وړاندې هم ویلي و، چې په ټول افغانستان کې له غاصبانو د دولتي ځمکو د بېرته راګرځولو بهیر په چټکۍ سره روان دی.

طالبانو د هېواد په بېلابېلو ولایتونو ته د ځمکو د غصب ځانګړي پلاوي استولي‌ چې په ډېرو سیمو کې یې دښتې دولتي ځمکې ګڼلې دي.

دغې ډلې په دې وروستیو کې په کابل کې هم د ځمکو د غصب پر ضد پراخ کمپاینونه کړي چې د کابل ښار په بېلابېلو سیمو کې یې ان کورونه له دې امله نړولي چې ګوندې د ښاري پلان اړوند سړکونه په کې غصب شوي وو.

مولانا له خبريالانو سره په جوړې شوې ناسته کې د وینا پرمهال ویلي، دوی په پاکستان کې ژوند کوي او هلته رسنۍ هماغه خبرونه خپروي کوم چې دوی ته ورکول کېږي.
د هغه په وینا، داسې خبرونه لاس په لاس کېږي چې افغانان پاکستان ته راځي او د دوی پر ضد فعالیت کوي؛ خو ایا دوی د طالبانو په اجازې له افغانستانه راځي؟
هغه پر دغو ادعاوو په نیوکې سره وایي: «دا هغه تخمونه دي، چې موږ خپله کرلي دي.»
د هغه په وینا، په افغانستان کې څوارلس کاله جهاد وشو چې د جنرال ضیاالحق له وخته پیل شو او روان و «خو ایا څوارلس کاله زموږ مجاهدین د جهاد لپاره هلته ورنه رغلل؟»
هغه وړاندې وایي: «ایا زموږ جنرالانو زموږ خپل مذهبي ځوانان نه روزل ایا دوی یې په افغانستان کې د جهاد سره د یو ځای کېدو لپاره نه هڅول؟ او بیا کله چې حالات بدل شول او د سپتمبر یوولسمې پېښه وشوه، ایا موږ د جنرال مشرف په وخت کې امریکایانو ته په پاکستان کې اډې ورنه کړې؟»

مولانا فضل الرحمان وړاندې وویل: «ایا دوی زموږ له اډو څخه د فضا له لارې پر افغانستان بمباري نه ده کړې؟ ایا ملا عمر کله هم ویلي دي، چې ولې ستاسو له خاورې پر موږ برید کېږي؟»

هغه د پاکستان حکومت د هغې ادعا په ځواب کې چې وایي د افغانستان خاوره د دوی پر ضد کارول کېږي وویل، ایا کرزي او اشرف غني کله هم ویلي و چې ولې د پاکستان خاوره زموږ پر ضد کارول کېږي؟ دوی به دغه ستونزه خپله هواروله؛ خو نن ورځ ټول فشار په دیني مدرسو راځي.

مولانا فضل الرحمان داسې مهال د پاکستان او طالبانو د اړیکو د ترینګلتیا خبره کوي، چې پر طالبانو او پاکستاني حکومت نیوکې دي، چې دوی د نا امنۍ په نوم هر څه په ګډ پلان سره مخته بیایي او په رسنیو یو پر بل د دښمنۍ تورونه پورې کوي.

په راپور کې راغلي، چې په تهران کې د طالبانو د سفارت سرپرست فضل محمد حقاني د (سلواغی ۱۵مه) د ایران د کورنیو چارو وزارت د بهرنیو وګړو او کډوالو د چارو د مرکز له مشر ښاغلي نادریار احمدي سره ولیدل.

راپور زیاتوي، چې په دې غونډه کې دواړو خواوو د افغان کډوالو په اړه د ستونزو او د هغوی د حل لارو په اړه بحث وکړ.

په ایران کې د افغان کډوالو د حقونو فعال، ایمل صافي افغانستان انټرنشنل پښتو ته وویل، چې د تیر لمریز کال په لومړیو څو میاشتو کې د ایران حکومت ځینو افغان کډوالو ته تر یوې سرشمېرنې وروسته د اوسېدو یو اجازه لیک ورکړی، خو وروسته په زرګونو نور افغانان ایران ته ورغلي چې اوس د اوسېدو قانوني اسناد نه لري.

ښاغلی صافی زیاتوي، چې واک ته د طالبانو تر رسېدو وروسته د نورو ډېرو هيوادونو په څېر په تهران کې هم د طالبانو تر واک لاندې د افغان سفارت د تذکرو او پاسپورتونو د وېش او نورې اړوندې قونسلي چارې له خنډ سره مخ شوې او په ایران کې ډیر افغان کډوال یا وزګار او یا هم د کار اجازه نه لري چې له دې امله له سختو اقتصادي ستونزو سره هم مخ دي.

د ایران د کورنیو چارو وزیر د دوشنبې په ورځ ویلي، چې لږ تر لږه شپږ میلیونه کډوال چې شاوخوا دوه میلیونه یې ناقانونه دي، په ایران کې ژوند کوي.

هغه وويل چې سږ کال له ايران څخه ۱.۱ ميليون ناقانونه کډوال ایستل شوي دي.