کرېکټ بورډ د وزیر اکبر خان سیالیو لپاره د لوبډلو نوملر اعلان کړ

د پاکستان د اېکسپریس نیوز نن شنبې «د سلواغې ۲۰مه» د رپوټ له مخې د کرېکټ اتلانو جام د امنیتي ترتیباتو د یوې برخې په توګه د پولیسو، پوځ او نورو قانون پلي کوونکو ادارو له خوا به د دې سیالۍ په جریان کې د لوبډلو او ځایونو د ساتنې لپاره په کډه امنیت ونیول شي.

د راپورونو له مخې د اتلانو جام لپاره به د فېبروري په ۱۲مه نېټهلوبډلې پاکستان ته ولاړې شي.

د پاکستان کرېکټ بورډ د پنجاب او سند له ایالتي حکومتونو سره په همغږۍ امنیتي تدابیر نیولي دي.

د پاکستان د کورنیو چارو وزارت مختلفو څانګو ته لارښوونې خپرې کړې دي، چې د سیالو په اوږدو کې د لوبډلو او چارواکو لپاره د لوړې کچې امنیت ډاډمن کړي.

تېره ورځ د پاکستان لومړي وزیر شهباز شریف د نوي ترمیم شوي قذافي سټیډیم پرانسته وکړه، هغه وویل چې د اتلانو جام په ۶۵ کلن تاریخ کې یو نوی فصل دی.

شهباز شریف تمه ښودلې چې د پاکستان لوبډله د هند پر وړاندې بریا ترلاسه کړي.

د کرېکټ نړیوالې شورا «ای سي سي» اتلانو جام سیالۍ به د فېبروري په ۱۹ نېټه په کراچۍ کې پېل شي چې د مارچ تر ۹ مې نېټې به دوام وکړي.

په اتلانو جام کې به د ۸ هېوادونو ترمنځ ۱۵ سیالۍ ترسره شي.

دغه سیالۍ به په کراچۍ، لاهور، راولپنډۍ او دوبۍ کې کېږي او ټولې لوبې به شپه او ورځ وي.

هندۍ کرېکټ لوبډله به د امنیتي ګواښونو له وېرې خپلې ټولې لوبې په دریمګړي ځای دوبۍ کې ترسره کړي.

تېره میاشت د بریتانیا د پارلمان ۱۶۰ غړو د انګلستان او ویلز کرېکټ بورډ ته لیکلي وو، چې د فبرورۍ په ۲۶ مه په لاهور کې د افغانستان د کرېکټ لوبډله دې له ګروپي پړاو څخه وباسي.

د همدغې پرېکړې په موخه د پنجشنبې په ورځ د انګلستان کرېکټ بورډ په ناسته کې د دغه بورډ مشر ریچارډ تامپسن د خپلې لوبډلې لوبډلمشر جوس بټلر ته لارښوونه وکړه چې له افغانستان کرېکټ لوبډلې سره د اتلانو په جام کې سیالي ترسره کړي.

حنیف اتمر پر اېکس پاڼې لیکلي:« د طالبانو د ظالمانه او منزوي پالیسیو په وړاندې مناسب ځواب باید دا نه وي چې د هېواد ملي لوبډله له سیالیو څخه وباسي او افغان خلک له خپلې خوښۍ او ویاړ څخه محروم کړي. پرځای یې، موږ باید د هېواد د زړورو نجونو د کرېکټ ملي ټیم ملاتړ وکړو، حتی له افغانستان څخه بهر.»

اتمر زیاتوي: «موږ باید هغه دروازې پرانیزو چې طالبانو د خلکو د ازادۍ او حقونو پر مخ تړلي دي او هغه ملي حاکمیت بیرته راګرځوو چې طالبانو زموږ له خلکو څخه غلا کړی دی.»

هېره دې نه وي، چې د کرېکټ نړۍوالې شورا (ای سي سي) اتلانو جام (چمپېنز ټرافي) سیالۍ چې د نړۍ غوره اته لوبډلې د دغه جام لپاره سیالي ترسره کوي، د فېبرورۍ په ۱۹ نېټه په کراچۍ کې پېل کیږي چې د مارچ تر ۹ مې نېټې به دوام وکړي.

دغه سیالۍ به په کراچۍ، لاهور، راولپنډۍ او دوبۍ کې ترسره کېږي او لوبې به شپه او ورځ وي.

د پاکستان کرېکټ بورډ د جمعې په ورځ خبر ورکړی، چې دغه درې اړخيزه یو ورځنۍ سيالۍ به د فبروري په ۸ مه پيل او د همدې مياشتي تر ۱۴ مې نېټې به په لاهور او کراچۍ کې تر سره شي.

د همدې لوبلړۍ د جدول له مخي، لومړۍ سيالي به سبا د پاکستان پر وخت د ماپښين پر دوې بجې د کوربه پاکستان او نيوزلينډ ترمنځ او دويمه سيالې به د دوشنبې په ورځ د فبروري میاشي په ۱۰ مه په ځایي وخت د سهار ۹ نيمي بجې د نیوزلینډ او سویلي افريقا لوبډلو ترمنځ د لاهور په قذافي لوبغالي کې تر سره شي.

د مالوماتو له مخي، درېمه لوبه به د چهار شنبې په ورځ د فبرورۍ په ۱۲ مه د پاکستان او سویلي افریقا لوبډلو ترمنځ په ځايي وخت د ماپښين پر دوې بجې په کراچۍ کې وشي.

دغه سيالۍ د اتلانو جام (چمپينز ټرافۍ) ته د تیارۍ په موخه تر سره کیږي.

د پاکستان کرېکټ لوبډلې لوبډلمشر محمد رضوان د دې سيالیو په ترسره کېدو خوښي ښودلې او زياته کړې: « موږ خوښ یو چې یو ځل بیا د خپل کور د خلکو په وړاندې په لاهور او کراچۍ کې په نوي جوړ شوي سټیډیمونو کې لوبه کوو. تر دې دمه چمتووالی ښه روان دی.»

د نیوزلینډ او سويلي افريقا لوبډلې هم پاکستان ته رسيدلي او لوبډلمشرانو يې د پوره تياريو ډاډ وړاندي کړی.

افغانستان کرېکټ ملي لوبډله، چې دا مهال په متحده عربي اماراتو کې د اتلانو جام لپاره په تمريناتو بوخت ده، تر سياليو وړاندي له نیوزلينډ او پاکستان الف لوبډلو سره هم تمريناتي سيالۍ لري.

تېره میاشت د بریتانیا د پارلمان ۱۶۰ غړو د انګلستان او ویلز کرېکټ بورډ ته لیکلي وو، چې د فبرورۍ په ۲۶ مه په لاهور کې د افغانستان د کرېکټ لوبډله دې له ګروپي پړاو څخه وباسي.

د پنجشنبې په ورځ د انګلستان کرېکټ بورډ په ناسته کې د دغه بورډ مشر ریچارډ تامپسن د خپلې لوبډلې لوبډلمشر جوس بټلر ته لارښوونه وکړه چې له افغانستان کرېکټ لوبډلې سره د اتلانو په جام کې سیالي ترسره کړي.

نوموړي وویل د افغانستان د نارینوو کرېکټ لوبډلې پر وړاندې دې د کرېکټ نړۍواله شورا ډله ییز اقدام وکړي.

تامپسن وویل: "هغه څه چې په افغانستان کې پیښیږي د جنسیتي توپیر څخه کم نه دي. د کرېکټ په کچه، کله چې په ټوله نړۍ کې د ښځو او نجونو کرېکټ په چټکۍ سره وده کوي، مګر د طالبانو له خوا د ښځو او نجونو وحشتناک ظلمونه نور هم ډېریږي."

نوموړي زیاته کړه: "بورډ په دې پوهیږي چې د لوبې د بایکاټ کولو په اړه بېلابېل نظرونه شتون لري او په دقت یې اوریدلي دي. موږ له حکومت، د کرېکټ له نړۍوالې شورا، زموږ د انګلستان له نارینه لوبغاړو او نورو شریکانو سره په دې اړه له نږدې تماس نیولی او په دې اړه مو بحث هم کړی چې د انګلستان کرېکټ بورډ څومره ښه کولای شي د هغو ښځینه کرکټرانو ملاتړ وکړي چې له افغانستان څخه وتلي دي."

رېچارډ زیاته کړه: "له دې وروسته، موږ په دې نظر یوو چې د کرېکټ ټولنې له خوا همغږي او نړۍوال غبرګون د پرمختګ لپاره مناسبه لار ده، موږ دا هم اوریدلي دي چې د ډېرو عامو افغانانو لپاره د کرېکټ ټیم لیدل یواځينۍ خوشالي ده. په دې توګه، موږ دا تایید کوو چې دا لوبه ترسره کوو."

یاده دې وي چې افغانستان د کرېکټ د نړۍوالې شورا یواځینی بشپړ غړی دی چې د ښځو د کریکټ لپاره کوم خاص پلان نه لري، خو د هند حکومت او طالبانو ترمنځ وروستې ډیپلوماټیکې خبرې اترې او د سپورتي اړیکو پیاوړي کول په دې معنا ده چې له دغه سټېج څخه د افغان لوبډلې لرې کول ناممکن دي.

د اتلانو جام د کرېکټ تر ټولو ستره سیالي د فېبرورۍ په ۲۳مه د دوبۍ په نړۍوال کرېکټ لوبغالي کې د پاکستان او هند کرېکټ لوبډلو ترمنځ ترسره کېږي.

د هندي رسنیو د راپورونو له مخې، د دوشنبې په ورځ د هند او پاکستان د کرېکټ لوبډلو ترمنځ د سیالۍ لپاره په انلاین توګه د ټکټونو پلور د دواړو هېوادنو د مینه والو په سیالۍ بدل شو او د سیالۍ د نندارې لپاره ټول ټکټونه په یوه ساعت کې وپلورل شول.

راپورونه زیاتوي، کله چې د هند او پاکستان د سیالیو لپاره د ټکټونو پلور پیل شو، په وېبپاڼه کې شاوخوا یولک و څلوېښت زره مینه والو د انلاین ټکټونو اخیستو ته لېوالتیا وښوده او له یوه ساعت څخه په کم وخت کې د فېبرورۍ په ۲۳ مه په دوبۍ کې د پاکستان او هند ترمنځ د سیالۍ ټکټونه وپلورل شول.

ډېری مینه والو د ټکټونو د نه ترلاسه کولو په اړه شکایت وکړ او خواشیني یې څرګنده کړه، چې دوی به ونه شي کولی په لوبغالي کې د هند او پاکستان لوبه وګوري.

په دوبۍ کې د دې مهمې سیالۍ لپاره د یوه ټکټ لږ تر لږه بیه ۵۰۰ درهم وو، چې تر سل ډالرو ډېرې کېږي، په داسې حال کې چې تر ټولو ګران بیه ټکټ ۱۲۵۰۰ درهم وو.

د دې تر څنګ د ۱۰۰۰، ۱۲۰۰، ۲۵۰۰، ۵۰۰۰ درهمو ټکټونه هم د خرڅلاو لپاره وړاندې شول.

هېره دې نه وي، چې د کرېکټ نړۍوالې شورا (ای سي سي) اتلانو جام سیالۍ به د فېبروري په ۱۹ نېټه په کراچۍ کې پېی شي چې د مارچ تر ۹ مې نېټې به دوام وکړي.

په اتلانو جام کې به د ۸ هېوادونو ترمنځ ۱۵ سیالۍ ترسره شي.

دغه سیالۍ به په کراچۍ، لاهور، راولپنډۍ او دوبۍ کې کېږي او ټولې لوبې به شپه او ورځ وي.

هندۍ کرېکټ لوبډله به خپلې ټولې لوبې په دریمګړي ځای دوبۍ کې ترسره کړي.