نیو زېلنډ سوېلي افریقا ته په ماتې ور کولو درې هېوادني جام کې پایلوبې ته ووت

نن د سوېلي افریقا تجارتي سیالیو په پایلوبه کې ممبۍ اېنډین کیپ ټاون د سنرایز ایسټرن کېپ لوبډلې پر وړاندې د اتو لوبغاړو په سوځېدو سره ۱۸۱ منډې جوړې کړې، چې د سنرایز ایسټرن کېپ لوبډله ونه توانېده دغه هدف ترلاسه کړي او ټوله لوبډله یې په ۱۹م اوور کې په ۱۰۵ منډو اوټ شوه.

په ممبۍ اېنډین کېپ ټاون لوبډلې کې درې افغان لوبغاړي راشد خان، عظمت عمرزی او صدیق اتل لوبه ترسره کوله.

ددغه سیالۍ غوره لوبغاړی ټرینټ بولټ شو، چې په څلورو اورونو کې یې د نهه منډو په ورکولو د سیالې لوبډلې دوه لوبغاړي اوټ کړل.

یاده د وي، چې د افغانستان د شل اورېزه کرېکټ لوبډلمشر راشد خان لومړی افغان شو چې په داسې یو لیګ کې یې په کپتانۍ کې لوبډله اتله کېږي.

د افغانستان کرېکټ بورډ د لوبغاړو د غوراوي کمېټې نن د ۱۶م پړاو وزیر محمد اکبر خان لومړۍ درجه ولایتي سیالیو لپاره د ګډون کوونکو ۱۲ لوبډلو نوملړونه وټاکل.

په دغه لوبډلو کې د لوبېدونکو افغان لوبغاړو نوملړونه هم خپاره شوي دي.

د کورني کرېکټ دغه سیالۍ د روانې فېبروري میاشتې په لسمه نېټه پیلېږي او د همدې میاشتې تر ۲۴مې نېټې پورې به په دوو بېلابېلو ولایتونو ننګرهار او کندهار کې روانې وي.

د دغه سیالیو لپاره په لومړي ګروپ کې ۶ لوبډلې، ننګرهار، کندوز، کابل، خوست الف، اې سي بي اېلیون دویمه لوبډلې او چېرمېن اېلیون لوبډلې په ننګرهار کې سیالۍ ترسره کوي.

له دې سره، په دویم ګروپ کې ۶ لوبډلې، هلمند، خوست، فاریاب، کابل الف، چېرمېن اېلیون دویمه لوبډلې او اې سي بي اېلیون لوبډلې په کندهار ولایت کې به سیالۍ ترسره کړي.

د پاکستان د اېکسپریس نیوز نن شنبې «د سلواغې ۲۰مه» د رپوټ له مخې د کرېکټ اتلانو جام د امنیتي ترتیباتو د یوې برخې په توګه د پولیسو، پوځ او نورو قانون پلي کوونکو ادارو له خوا به د دې سیالۍ په جریان کې د لوبډلو او ځایونو د ساتنې لپاره په کډه امنیت ونیول شي.

د راپورونو له مخې د اتلانو جام لپاره به د فېبروري په ۱۲مه نېټهلوبډلې پاکستان ته ولاړې شي.

د پاکستان کرېکټ بورډ د پنجاب او سند له ایالتي حکومتونو سره په همغږۍ امنیتي تدابیر نیولي دي.

د پاکستان د کورنیو چارو وزارت مختلفو څانګو ته لارښوونې خپرې کړې دي، چې د سیالو په اوږدو کې د لوبډلو او چارواکو لپاره د لوړې کچې امنیت ډاډمن کړي.

تېره ورځ د پاکستان لومړي وزیر شهباز شریف د نوي ترمیم شوي قذافي سټیډیم پرانسته وکړه، هغه وویل چې د اتلانو جام په ۶۵ کلن تاریخ کې یو نوی فصل دی.

شهباز شریف تمه ښودلې چې د پاکستان لوبډله د هند پر وړاندې بریا ترلاسه کړي.

د کرېکټ نړیوالې شورا «ای سي سي» اتلانو جام سیالۍ به د فېبروري په ۱۹ نېټه په کراچۍ کې پېل شي چې د مارچ تر ۹ مې نېټې به دوام وکړي.

په اتلانو جام کې به د ۸ هېوادونو ترمنځ ۱۵ سیالۍ ترسره شي.

دغه سیالۍ به په کراچۍ، لاهور، راولپنډۍ او دوبۍ کې کېږي او ټولې لوبې به شپه او ورځ وي.

هندۍ کرېکټ لوبډله به د امنیتي ګواښونو له وېرې خپلې ټولې لوبې په دریمګړي ځای دوبۍ کې ترسره کړي.

تېره میاشت د بریتانیا د پارلمان ۱۶۰ غړو د انګلستان او ویلز کرېکټ بورډ ته لیکلي وو، چې د فبرورۍ په ۲۶ مه په لاهور کې د افغانستان د کرېکټ لوبډله دې له ګروپي پړاو څخه وباسي.

د همدغې پرېکړې په موخه د پنجشنبې په ورځ د انګلستان کرېکټ بورډ په ناسته کې د دغه بورډ مشر ریچارډ تامپسن د خپلې لوبډلې لوبډلمشر جوس بټلر ته لارښوونه وکړه چې له افغانستان کرېکټ لوبډلې سره د اتلانو په جام کې سیالي ترسره کړي.

حنیف اتمر پر اېکس پاڼې لیکلي:« د طالبانو د ظالمانه او منزوي پالیسیو په وړاندې مناسب ځواب باید دا نه وي چې د هېواد ملي لوبډله له سیالیو څخه وباسي او افغان خلک له خپلې خوښۍ او ویاړ څخه محروم کړي. پرځای یې، موږ باید د هېواد د زړورو نجونو د کرېکټ ملي ټیم ملاتړ وکړو، حتی له افغانستان څخه بهر.»

اتمر زیاتوي: «موږ باید هغه دروازې پرانیزو چې طالبانو د خلکو د ازادۍ او حقونو پر مخ تړلي دي او هغه ملي حاکمیت بیرته راګرځوو چې طالبانو زموږ له خلکو څخه غلا کړی دی.»

هېره دې نه وي، چې د کرېکټ نړۍوالې شورا (ای سي سي) اتلانو جام (چمپېنز ټرافي) سیالۍ چې د نړۍ غوره اته لوبډلې د دغه جام لپاره سیالي ترسره کوي، د فېبرورۍ په ۱۹ نېټه په کراچۍ کې پېل کیږي چې د مارچ تر ۹ مې نېټې به دوام وکړي.

دغه سیالۍ به په کراچۍ، لاهور، راولپنډۍ او دوبۍ کې ترسره کېږي او لوبې به شپه او ورځ وي.

د پاکستان کرېکټ بورډ د جمعې په ورځ خبر ورکړی، چې دغه درې اړخيزه یو ورځنۍ سيالۍ به د فبروري په ۸ مه پيل او د همدې مياشتي تر ۱۴ مې نېټې به په لاهور او کراچۍ کې تر سره شي.

د همدې لوبلړۍ د جدول له مخي، لومړۍ سيالي به سبا د پاکستان پر وخت د ماپښين پر دوې بجې د کوربه پاکستان او نيوزلينډ ترمنځ او دويمه سيالې به د دوشنبې په ورځ د فبروري میاشي په ۱۰ مه په ځایي وخت د سهار ۹ نيمي بجې د نیوزلینډ او سویلي افريقا لوبډلو ترمنځ د لاهور په قذافي لوبغالي کې تر سره شي.

د مالوماتو له مخي، درېمه لوبه به د چهار شنبې په ورځ د فبرورۍ په ۱۲ مه د پاکستان او سویلي افریقا لوبډلو ترمنځ په ځايي وخت د ماپښين پر دوې بجې په کراچۍ کې وشي.

دغه سيالۍ د اتلانو جام (چمپينز ټرافۍ) ته د تیارۍ په موخه تر سره کیږي.

د پاکستان کرېکټ لوبډلې لوبډلمشر محمد رضوان د دې سيالیو په ترسره کېدو خوښي ښودلې او زياته کړې: « موږ خوښ یو چې یو ځل بیا د خپل کور د خلکو په وړاندې په لاهور او کراچۍ کې په نوي جوړ شوي سټیډیمونو کې لوبه کوو. تر دې دمه چمتووالی ښه روان دی.»

د نیوزلینډ او سويلي افريقا لوبډلې هم پاکستان ته رسيدلي او لوبډلمشرانو يې د پوره تياريو ډاډ وړاندي کړی.

افغانستان کرېکټ ملي لوبډله، چې دا مهال په متحده عربي اماراتو کې د اتلانو جام لپاره په تمريناتو بوخت ده، تر سياليو وړاندي له نیوزلينډ او پاکستان الف لوبډلو سره هم تمريناتي سيالۍ لري.