د طالبانو له خوا په هېواد کې د خصوصي رسنیو د سیاسي خپرونو د بندیز په تړاو د افغانستان انټرنشنل-پښتو د راپور له خپرېدو سره جوخت، له افغان خبریالانو د ملاتړ سازمان (AJSO) د دغې ډلې دا سپارښتنه غندلې او زیاتوي چې دا د بیان ازادۍ له حقونو ښکاره سرغړونه ده.
دغه سازمان د پنجشنبې په ورځ (سلواغې ۲۵مه) پر خپلې اېکسپاڼې لیکلي، چې د سیاسي خپرونو ځنډول یا مخنیوی چې د فکر، نظر او ټولنیزو مسایلو د روښانه کولو یوه مهمه برخه بلل کېږي، افغانان د هېواد او نړۍ د روان سیاسي وضعیت له معلوماتو څخه محروموي.
نوموړي سازمان د رسنیو له ټولو ملاتړکوونکو بنسټونو څخه غوښتي چې د افغان خبریالانو او رسنیو د ازادۍ د ساتنې لپاره خپلې هڅې روانې وساتي.
تېره ورځ باوري سرچینو افغانستان انټرنشنل ته ویلي و چې طالبانو کورنۍ رسنۍ د سیاسي خپرونو له خپرېدو منع کړي او خبرداری یې ورکړی چې د دغې ډلې د امر نهمنلو په صورت کې به له جدې پایلو سره مخ شي.
د طالبانو له لورې په رسنيو کې دسياسي خپرونو د بندېدو لامل لا هم معلوم نه دی او نه هم دا معلومه ده، چې دغه بنديز به څومره دوام وکړي.
طالبانو تر اوسه په دې اړه په رسمي دول څه نه دي ويلي.
د سرچینو په وینا، طالبانو رسنیو ته سپارښتنه کړې چې تر بلې خبرتيا پورې سیاسي خپرونې وځنډوي او ټاکل شوې د راتلونکې شنبې په ورځ طالب چارواکي د رسنیو له مسولانو سره وګوري.
د يادونې ده چې طالبانو پر افغانستان له واکمنېدو وروسته د خبريالانو په نیولو او ربړولو لاس پورې کړی او د تېرو څه باندې درېیو کلونو په موده کې یې د «بېګم» راډیو په ګډون ګڼ شمېر رسنۍ تړلې دي.
دا ناسته سږکال د جنورۍ له ۶مې د همدې میاشتې تر ۱۰مې پورې د سنګاپور په ملي پوهنتون کې جوړه شوې وه.
حازم چې د جاپان ناګویا پوهنتون دعصابپوهنې په برخه کې پياېچډي لري، افغانستان انټرنشنل-پښتو ته په رالېږل شوې ویناپاڼه کې ویلي چې دا غونډه ځوانو ساینسپوهانو ته نوي فرصتونه برابروي څو د نړۍ د بېلابېلو هېوادونو د ځوانو ساینسپوهانو ترمنځ اړیکې رامنځته او له یو بل سر خپلې لاستهراوړنې شریکي کړي.
د معلوماتو له مخې، دا ناسته د سینګاپور د ملي څېړنیو بنسټ له خوا جوړه شوې وه او سږکال پهکې د نړۍ له ۴۹ هېوادونو څخه د کیمیا، فزیک، طب، ریاضیاتو، کمپیوټر ساینس، انجینرۍ او نورو برخو شاوخوا ۳۵۰ ځوانو څېړونکو ګډون کړی و.
افغان ساینسپوه ویلي چې په دې ناسته کې د نوبل«فیلډزاو ټورینګ جایزو» ګټونکو هم ګډون کړی و او د ټېکنالوژۍ د نوښتونو،مصنوعي ځيرکتيا او ټولنیزو او نړۍوالو ستونزو د حل لپاره د ساینس پر رول غږېدلي دي.
نوموړي د غونډې ترټولو ځانګړې برخه له لویو ساینسي څېرو سره مخامخ خبرې کول بللي دي. هغه په دې تړاو زیاته کړې: «ماته د پروفیسور لویس ایګنارو سره خبرې چې د فزیولوژي او طبابت په برخه کې د نوبل جایزه ګټونکی دی، ډېرې په زړه پورې وې. هغه په دې تړاو خپل نظریات شریک کړل چې څنګه پیچلي علمي مفاهیم خلکو او په ځانګړي ډول زدهکوونکو ته ساده شي.»
د صفيالله حازم په اند، د ساینسي موضوعاتو په تړاو اړیکې نه یوازې د اکاډمیکو کړیو دننه، بلکې په معاصره نړۍ کې د ټولنې په کچه د علمي پوهاوي په موخه ډېرې مهمې دي.
د ځوانو ساینسپوهانو نړۍواله ناسته داسې مهال جوړېږي چې پر افغانستان د طالبانو له واکمنېدو وروسته د هېواد ښوونیز او علمي بنسټونه په بشپړه توګه د ساینس او ټکنالوژۍ له برخو غاړې ته شوي دي.