پاکستان او ترکیې افغانستان کې پر ټول ګډونه حکومت او د نجونو او ښځو پر حقونو ټینګار کړی

د ننګرهار د امنیه قوماندانۍ یو مکتوب افغانستان انټرنشنل پښتو ته رسیدلی، چې پکې ځايي چارواکو عزیزي بانک ته امر کړی، چې د طالبانو معاشونه باید په امنیه قواندانۍ کې دننه ورکول شي.

دغه مکتوب دوه ورځې وړاندې د ننګرهار د امنیه قوماندانۍ د مرستیال محمد طاهر مبارز په لاسلیک په ننګرهار کې د عزیزي بانک ادارې ته استول شوی.

په مکتوب کې له یاد بانک غوښتنه شوې، چې د دغه ولاییت د امنیه قوماندانۍ ټولو سرتیرو او چارواکو ته د قوماندانۍ د قراراګاه دننه د عزیزي بانک له څانګې معاشونه توزیع کړل شي او په نورو نماینده ګیو کې د معاشونو له ورکړې ډډه وکړي.

همدارنګه په دغه مکتوب کې د ننګرهار د امنیه قوناندانۍ ټولو منسوبینو ته جدي امر شوی، چې د عزیزی بانک له ښاري څانګو دې معاشونه نه اخلي او د سرغړونې په صورت کې به ورسره قانوني چلند وکړي.

100%

افغانستان انټرنشنل ـ پښتو ته په رسیدلي مکتوب کې لیکل شوي، چې د ننګرهار امنیه قوماندانۍ د پولیسو لومړی او دوهمي حوزې ته امرکړی، چې د نظامي کسانو د معاشونو د ویش پرمهال دې په جلال اباد ښار کې د عزیزي بانک ټولې څانګې وڅاري او پولیسو ته دې اجازه نه ورکول کیږي، چې له امنیه قواندانۍ بیرون خپل معاشونه ترلاسه کړي.

په ننګرهار کې د طالبانو امنیه قواندانۍ دا پرېکړه په داسې مهال کوي، چې څلور ورځې وړاندې په کندوز کې د کابل بانک مخې ته هغه مهال ځانمرګی برید وشو، چې ګڼ کسان خپلو معاشونو د اخیستلو لپاره ورغلي وو.

د کندوز د برید مسولیت داعش ډلې په غاړه اخیستی و او سرچینو افغانستان انټرنشنل ته ویلي، چې په دغه برید کې د وژل شویو ۱۴ تنو جسدونه د کندوز روغتون ته وروړل شوي.

حامد کرزي په خپله اېکسپاڼه لیکلي؛ «د جرمني په مونشن کې برید غندم.»

نوموړي د پیښي د قربانیانو له کورنۍ سره خپله خواخوږي ښودلي.

ښاغلي کرزي د افغانستان لپاره د جرمني د دوامداره ملاتړ ستاینه کړي ده.

همدارنګه د تېر جمهوري دولت د ولسمشر لومړي مرستیال امرالله صالح هم د افغان کډوال له لورې په موټر د ۲۸ کسانو ټپیان کول ترهګریز برید بللی او عاملینو ته یې د سختې سزا غوښتنه کړې.

د جرمني په مونشن کط یو افغان کډوال تېره ورځ پر یوه لاریون خپل موتر وربرابر کړ او ۲۸ کسان یې ټپیان کړل.

پولیسو دغه افغان کډوال نیولی دی.

دا پیښه ډیر غبرګونونه له ځان سره لرله.

د جرمني لومړي وزیر اولاف شولڅ تېره ورځ له برید وروسته په غبرګون ویلي؛ هغه ته باید سزا ورکړل شي او باید له هېواده واېستل شي.

له دې برید یوه ورځ وروسته د جرمني د ولسمشر په ګډون یو شمېر نور چارواکي د پیښي ځای ته لاړل او د قربانیانو په احترام یې د ګلانو ګیډۍ کیښودې.

حشمت الله رحماني وايي، په دغه پېښه کې څلور کسان ټپیان شوي دي.

د طالبانو د امنیه قوماندانۍ ویاند وايي، امنیتي ځواکونه د پییښي ځای ته رسیدلي، له دوو کسانو سره چره یي ټوپک هم نیول شوی او د دغې پیښي عاملین یې هم نیولي دي.

نوموړی زیاتوي، چې د یادې پېښيي په اړه څیړنې کوي او په دغه پېښه کې ټپي کسان د درملني په موخه د مزارشریف ولایتي روغتون ته انتقال کړي دي.

تر دې وړاندې سرچینو افغانستان انټرنشنل ته ویلي، چې د جوی زندان سیمې په یوه جومات کې د لاسي بم تر چاودنې وروسته ډزي هم شوې دي.

د سمنګان د عامې روغتیا ریاست څخه ډاکټرانو له افغانستان انټرنشنل سره په خبرو کې ویلي، چې په دغه پیښه لسګونه لمونځ کوونکي ټپیان شوي دي.

دا په داسې حال کې ده، چې تېره ورځ په کابل کې د طالبانو د ښار سازی وزارت کې ځانمرګی برید وشو، چې له امله یو شمېر مړه او ټپیان شول.

همدارنګه د سې شنبې په ورځ په کندوز ولایت کې د کابل بانک مخې ته هم په یوه ځانمرګي برید کې دولتي کسانو او طالب غړو ته مرګ ژوبله واوښته.

په کندوز کې د کابل بانک مخې ته د ځانمرګي برید مسولیت داعش ډلې په غاړه واخیست.

رويټرز خبري اژانس د جمعې په ورځ په پاکستان کې د کرېکټ اتلانو جام پيلېدونکو سيالیو اړوند ويلي، چې دغه هېواد هڅه کوي په دې لوبو سره امنيتي او سیاسي وضعت جوړ وښیي.

د پاکستان حکومت په دې سره غواړي، چې دغه هېواد ته د سیاحت او پانګونې په برخه کې د خلکو باور زيات کړي.

د کرېکټ اتلانو جام راتلونکې اونۍ پيليږي.

رويټرز په خپل خبر کې ویلي، چې د پاکستان حکومت او کرېکټ بورډ ته له لسیزو وروسته د دغه یو ورځنيو سياليو له لارې د خپل هېواد د ټیکاو د غوره انځور وړاندې کولو فرصت په لاس ورغلی.

د پاکستان کورنيو چارو وزير او د کرېکټ بورډ مشر محسن نقوي، چې پر یوه مهال دوې دندې مخ ته وړي د دې سياليو اړوند وایي: « پاکستان ته د نړيوال کرېکټ راستنېدل یوازي د لوبو کوربتوب نه دی، دا د ویاړ راګرځول و د ملي جذبې راپارول او بېرته یې هغو ميليونو خلکو ته ورکول دي، چې د پاکستان کرېکټ سره ولاړ دي.»

د پاکستان په لاهور کې په ۲۰۰۹ کال د سريلانکا کرېکټ لوبغاړو پر بس وسله وال بريد وشو، چې شپږ لوبغاړي په کې ټپيان شول او له دې وروسته دغه هېواد ته د نړيوالو لوبغاړو تګ بند شو.

پاکستان پرله پسې د امنیتي وضعت د کابو کولو هڅې وکړې ا له ۲۰۱۸ کال بیا دغه هېواد ته د بهرنيو لوبغاړو او لوبډلو سفرونه پيل شوي.

د پاکستان په کوربتوب له هند لوبډلې پرته نيوزلنډ، انګلنډ، اسټراليا، افغانستان، سویلي افريقا او بنګلدېش په دغه هېواد کې لوبې تر سره کوي.

هند پر پاکستان تور لګوي، چې د وسله والو ډلو ملاتړ کوي؛ خو اسلام اباد دغه تورونه ردوي.

نړیوال بانک تېره ورځ په خپل یوه راپور کې ویلي، چې د افغانستان د نفوس نږدې یو پر درېیمه برخه ۱۲،۶ میلیونه وکړي د خوړو له ناامنۍ سره مخ دي او ۲،۹ میلیونه خلک بیا د لوږې په درشل کې دي.

په دغه راپور کې ویل شوي، چې افغانستان د خوراکي توکو د خوندیتوب له سخت بحران سره مخ دی.

د نړیوال بانک په راپور کې ویل شوي، چې اقتصادي بې ثباتي، اقلیم بدلون سره د کرنې د تولید کډوډیدو له امله ډیری خلک د اساسي اړتیاوو د پوره کولو لپاره سخته مبارزه کوي.

نړیوال بانک ویلي، چې په نړۍ کې تر ۲۰۳۰ کال پورې د لوږې د کچې د صفر کولو هدف لري، خو د افغانستان ننګونې بیا یو بل انځور وړاندې کوي.

نړیوال بانک ویلي، چې د پرمختلونو وسایلو او لارو چارو په مټ د خوړو د امنیت اټکولونه او نرخونو څارنه د مهمو تشو په حل کې مرسته کوي او د اغیزمنو پالیسیو لپاره امیدواري پیدا کوي.

په دغه راپور کې ویل شوي، چې د اقلیم ټکانونه په افغانستان کې د خوړو د نه خوندیتوب یو مهم عامل دی او د دغه هیواد پر جګړه ځپلي کرنیز اقتصاد یې د پام وړ اغیزه کړې ده.

راپور کې ویل شوي، چې سېلابونو او وچکالۍ د کرنې دوران ګډوډ کړی او د بزګرانو لپاره یې د حاصلاتو ساتل ستونزمن کړی دی.

نړیوال بانک وايي، یوه نوې څیړنه چې د اقلیمي بې نظمیو، د خوړو خوندیتوب پایلو او د نرخونو معلوماتو په اړه د نږدې ۱۵ کلونو میاشتنيو معلوماتو او تحلیل دا نور هم څرګندوي چې وچکالي د خوړو کمښت لا پسې زیاتوي.

خو له دې سره کله ناکله د بازار غبرګونونو او مرستو له امله هم د خوړو کمښت راځي.

نړیوال بانک وايي، دافغانستان په کرنه کې د انعطاف رامنځته کول د اقلیم ټکانونه د ویجاړونکو اغیزو کمولو لپاره د اوبو لګولو سیسټمونو پیاوړتیا، د وچکالۍ په وړاندې مقاومت لرونکي فصلونه غوره کول او د لومړنۍ خبرتیا سیسټمونو کې پانګونه کولی شي د خوړو بیې او معیشت ته ثبات ور کړي او په بشري مرستو پورې تړاو هم کم کړي.

دوی وايي،‌ دا اقدامات باید په هغو ولایتونو کې ترسره شي، چې د خوړو د ناامنۍ دوامداره لوړ احتمال لري ترڅو د لوږې او زیان دوره ماته کړي.

په راپور کې ویل شوي، چې له دې ننګونو سره د مقابلې لپاره یوې همغږې طریقې ته اړتیا ده چې اقتصادي او چاپیریالي حل لارې سره یوځای کړي او د غوره معلوماتو سیسټمونو په کارولو او د راتلونکي لپاره د پالیسیو په منلو سره، افغانستان د ډیر خوندي او دوامداره راتلونکي لپاره لاره هواره کړي.