رویټرز: امریکا او روسیه به د اوکراین د جګړې په اړه په سعودي عربستان کې سره خبرې وکړي

ځایي پولیسو ویلي، چې د برید په تړاو یې یو شکمن سوریایي وګړی چې په دغه هېواد کې قانوني استوګنه لري نیولی دی.

پولیسو زیاته کړې، چې پېښه د ویلج په ښار کې رامنځته شوې او قربانیان یې هم ټول نارینه دي، په ټپیانو کې د دوو کسانو روغتیایي حالت نازک ښودل شوی.

د ویلج پولیسو ویاند راينر دیونیسیو ویلي، چې د برید لامل لا روښانه نه دی.

هغه زیاته کړه، چې پولیس د شکمن کس د شخصي شالید په اړه پلټنې کوي.

هغه وویل:« موږ باید د باوري معلوماتو ترلاسه کولو پورې انتظار وکړو، چې ایا د پېښې لامل یوازې همدا یو کس دی او که تر شا یې د کومې ډلې لاس دی.»

د اتریش د کارنتن ولایت والي پیټر کایزر د وژل شوي ۱۴ کلن ځوان د کورنۍ سره د خواخوږۍ په څرګندولو سره وویل:« دغه زړه بوږنوونکی جنایت باید سختې پایلې ولري. ما تل په روښانه توګه ویلي، هغه کسان چې په کارنتن یا اتریش کې ژوند کوي، باید د قانون او زموږ د ټولو پالیسیو او ارزښتونو درناوی وکړي.»
په اتریش کې دغه پېښه وروسته له هغې شوې، چې په تېر دسمبر کې د اتریش په ګډون ځینو نورو اروپایي هېوادونو کې د سوریایي وګړو د پناه غوښتنې په اړه پرېکړې وځنډول شوې.

روبیو د تل ‌ابیب هوایي ډګر ته له رسېدو سره سم د خپل اسراییلي سیال له‌خوا له تود هرکلي سره مخ شو.

ټرمپ وړاندیز کړی، چې امریکا باید د غزې کنټرول واخلي او د مصر په ګډون اردن دې فلسطینیان ومني؛ خو دواړو هېوادونو د دغه وړاندیز پر وړاندې مخالفت کړی.

ټرمپ چې دا طرحه یې د اسراییل له لومړي وزیر بنیامین نتنیاهو سره تر لیدو وروسته اعلان کړه، غواړي غزه په یوه نړۍوال ساحلي زون بدله کړي.

نوموړي وړاندې ویلي، فلسطینیان به د دې طرحې له مخې غزې ته د بېرته ستنېدو حق ونلري.

د امریکا د ولسمشر دغې خبرې په پراخه کچه اندېښنې راپارولې او دغه چاره د فلسطینیانو دایمي بې ځایه کېدو ته لاره هواروي.

د امریکا د بهرنیو چارو وزارت یوه چارواکي تېره اونۍ ویلي و، چې روبیو به په دې سفر کې د غزې او د حماس د بریدونو پایلو په اړه بحثونه وکړي او د ټرمپ سیمه‌ییز سیاست ته به دوام ورکړي.

د روبیو له سفر سره هم‌‌مهاله بنیامین نتنیاهو د شنبې په ورځ د ټرمپ له «بشپړ ملاتړ» مننه وکړه.

دغه څرګندونې د غزې د اوربند له شپږم پړاو وروسته هغه وخت وشوې، چې د برمته شویو اسراییلیانو او فلسطیني بندیانو تبادله ترسره شوه.

د شنبې په ورځ درې اسراییلي برمته شوي کسان د ۳۶۹ فلسطیني بندیانو په بدل کې خوشې شول.

د نتنیاهو دفتر وویل:« د ټرمپ قوي دریځ د دې لامل شو، چې درې اسراییلي برمته شوي کسان خوشې شي؛ په داسې حال کې چې حماس مخکې د دوی له ازادولو ډډه کړې وه».

روبیو په داسې وخت کې اسراییل ته تللی، چې د "المانیتور" رسنۍ د جمعې په ورځ د یوه لوړپوړي اسراییلي ډیپلومات له قوله راپور ورکړی چې ټرمپ او نتنیاهو د ایران اسلامي جمهوریت په اړه «بشپړ تفاهم» ته رسېدلي دي.

دغې سرچینې ویلي، که د ایران د اټومي تړون لپاره هوکړه ونشي «دوزخ به د ایران پر مخ پرانیستل شي».

دغې سرچینې زیاته کړې، دغه هوکړه داسې راتلونکو ګامونو ته هم لاره اواروي چې که ایران نوی اټومي تړون رد کړي؛ نو اسراییل او امریکا به یې پر ضد سخت اقدامات وکړي.

ټرمپ تېره اونۍ د نتنیاهو تر څنګ اعلان وکړ، چې د خپلې ولسمشرۍ د لومړي پړاو د سختو بندیزونو بېرته لګولو امر یې کړی او ټینګار یې وکړ چې د ده اداره به هېڅکله ایران ته اجازه ورنکړي چې اټومي وسلې ترلاسه کړي.

کله چې له نتنیاهو وپوښتل شول، چې د دغو څرګندونو په اړه څه فکر لري؛ نو ځواب یې ورکړ: «تر ټولو مهمه دا ده، چې ټرمپ روښانه کړه؛ ایران باید اټومي وسلې ترلاسه نه کړي».

د "المانیتور" د راپور له مخې، په لومړیو کې داسې انګېرل کېده چې ټرمپ د ایران پر ضد د پوځي اقدام یادونه نه ده کړې او دا د اسراییلي چارواکو له‌خوا د نتنیاهو غوښتنې ته د منفي ځواب په توګه تعبیر شوې وه.

خو د ټرمپ وروستیو څرګندونو روښانه کړې، چې نوموړی د ایران اوسني کمزوري حالت ته پام دی او د احتمالي برید د بریا امکان یې زیات کړی دی.‌

دا د هندي وګړو دویمه ډله ده، چې د ډونالډ ټرمپ ادارې د فشار له امله اېستل کېږي.

دا په دا په داسې حال کې ده، چې نن به په یوه بله الوتکه کې ۱۵۷ اېستل شوي هندي ناقانونه کډوال هند ته ورسېږي.

یاده دې وي، چې تر دې مخکې د فېبرورۍ په پنځمه هم په یوې امریکايي الوتکه کې ۱۰۴ هندي وګړي له دې غه هېواد څخه واېستل شول.

له دغو اېستل شویو کډوالو څخه زیاته برخه یې په ناقانونه لارو امریکا ته داخل شوي وو.

د رسنیو د راپورونو له مخې، ۱۱میلیونه کډوال په متحده ایالاتو کې له قانوني اسنادو پرته ژوند کوي، چې له دې څخه ۱.۴میلیونه کډوالو ته د شړلو حکمونه ورکړل شوي، چې ځینې یې جرمي مخینه هم لري.

د یادونې وړ ده، چې د امریکا ولسمشر ډونالډ ټرمپ د جنوري په ۲۰مه نېټه د امریکا متحده ایالاتو واک ترلاسه کړ او د ناقانونه کډوالو د شړلو پرېکړه یې وکړه.

په دغه برید کې د ځواک وتلی مرستیال قوماندان او یو نیپالی سرتېری داسې مهال ټپیان شول، چې موټر یې له برید وروسته اور واخېست.

ملګرو ملتونو او لبناني چارواکو د جمعې د ورځې برید غندلی دی.

بل پلو، د حزب الله پلویانو د دویمې شپې لپاره د دغه هېواد یوازینی نړۍوال هوايي ډګر ته غځېدلی سړک د هغې پرېکړې له امله تړلی و، چې هلته یې د دوو ایراني الوتکو د ښکته کېدو مخه نیول شوې وه.

د لبنان د کورنیو چارو وزیر احمد الحجر د شنبې په ورځ له یوې بېړنۍ امنیتي غونډې وروسته خبریالانو ته وویل، «د لبنان د پوځي استخباراتو له خوا له ۲۵ زیات کسان نیول شوي دي».

هغه وویل، «دا په دې معنا نه ده، چې دغو بندیانو برید کړی، خو څېړنې به وښيي چې څوک یې مسوول دي.»

حجر زیاته کړه، اردو او امنیتي ادارې به د "امنیت او ثبات ساتلو" لپاره اقدامات پیاوړې کړي او سرغړونکو سره به "په ټول جديت سره" چلند وشي.

یاده دې وي، چې په لبنان کې د ملګرو ملتونو لنډمهاله ځواک (یو اېن ای اېف ای اېل) په کاروان د جمعې په ورځ برید ترسره شو، چې په دغه برید کې یوه موټر اور واخیست او په پېښه کې دوه کسان یو ددغې ډلې قومندان او بل نیپالی وګړی چوک بهادر دیکال ټپیان شول.

د ملګرو ملتونو دغې ادارې له لبناني چاورکو د دغه برید په تړاو د پلټونو غوښتنه وکړه.

د ملګرو ملتونو دغه دواړه کارکوونکي د دندې له رخصتۍ وروسته کور ته په لاره وو، چې برید پرې وشو.

د پولنډ د بهرنیو چارو وزیر رادوسلاو سیکورسکي د شنبې په ورځ د مونیخ امنیتي کنفرانس ته په وینا کې وویل، چې د فرانسې ولسمشر ایمانویل مکرون په پاریس کې د اروپايي مشرانو د سرمشریزې غوښتنه کړې ده.

په اوکراین کې د جګړې د پای ته رسولو لپاره د متحده ایالاتو د ولسمشر ډونالډ ټرمپ له فشار وروسته د اروپا تمرکز د اوکراین لپاره د امنیت تضمین چمتو کولو او همدارنګه د اروپا د ډله ییز امنیت پیاوړتیا ته را اوښتی.

د اوکرایین ولسمشر ولادیمیر زېلېنسکي د شنبې په ورځ د اروپا د پوځ د جوړولو غوښتنه وکړه.

هغه وویل، چې لوېدیځ نور نه شي کولی د متحده ایالاتو څخه د ساتنې ډاډ ترلاسه کړي.

څلورو ډیپلوماتانو چې د نوم د نه ښودلو په شرط یې خبرې کولې وویل، په دې اړه بحثونه روان دي چې څوک باید کومې غونډې ته ور وبلل شي.

له دوی څخه دوو یې وویل، چې د اروپايي اتحادیې بهر غړي برېتانیا ته بلنه ورکړل شوې وه.

د هالنډ خبري اژانس راپور ورکړی، چې لومړی وزیر ډیک شوف به د دوشنبې په ورځ د سرمشریزې لپاره پاریس ته لاړ شي.

دا څرګنده نه ده، چې ایا د اوکراین ولسمشر ولادیمر زېلېنسکي ته به بلنه ورکړل شي او کنه.