حماس: د دایمي اوربند په صورت کې د ټولو یرغمل شويو کسانو خوشې کېدو ته چمتو یو

ټرمپ د چهارشنبې په ورځ (د فېبرورۍ ۱۹مه) د ټروټ ټولنیزې شبکې له لارې په یوه خپاره شوي پیغام کې ویلي، چې زېلېنسکي په اوکراین کې ډېر کم محبوبیت لري او له همدې امله نوموړی د ټاکنو له ترسره کولو څخه ډډه کوي.

د امریکا ولسمشر لیکلي دي: «زه له اوکراین سره مینه لرم، خو زېلېنسکي ډېر ناسم روان دی، هېواد یې ویجاړ شوی او مېلیونونه خلک یې بې‌دلیله وژل شوي او دا لړۍ همداسې روانه ده.»

نوموړي همداراز، د اوکراین په جګړه کې د امریکا پر لګښتونو شدیدې نیوکې کړي او زیاتوي، چې هېواد یې د اروپا په پرتله په دې جګړه کې ډېر لګښتونه لګولي، په داسې حال کې چې اروپا د امریکا په پرتله دغو لګښتونو ته ډېره اړتیا درلوده.

هغه د اروپا لپاره د روسیې ګواښ ته په اشارې څرګنده کړې، چې امریکا د یوه لوی واټن په توګه ښکلی سمندر لري.

ده له اوکراین سره د بایډن ادارې پر مرستو د نیوکې ترڅنګ ادعا کړې او زیاتوي، زېلېنسکي اعتراف کړی چې د متحده‌ایالاتو له خوا لېږل شوې نیمایي پیسې نادرکه شوې دي.

ټرمپ پر ټروټ ټولنیزه پاڼه لیکلي دي: «ولادیمیر زېلېنسکي چې یو نسبتاً بریالی کُمېډین دی، امریکا یې قانع کړه، څو په یوې داسې جګړه کې ۳۵۰ مېلیارډ ډالر ولګوي چې په‌کې بری ناشونی دی. داسې جګړه چې هېڅکله باید پیل شوې نه وای او له امریکا او ټرمپ پرته به حل نه شي.»

ټرمپ خبرداری ورکړی، چې زېلېنسکي باید ژر تر ژره راپورته شي ګنې نوموړی به نور د حکومت کولو لپاره هېواد ونه‌لري.

د امریکا ولسمشر له روسیې سره د اوکراین جګړې په تړاو روانو مذاکراتو ته په اشارې وویل: «ټول پر دې اعتراف کوي، چې یوازې زما حکومت د دې جګړې د پای ته رسولو وس لري.»

دا په داسې حال کې ده، چې له دې مخکې د اوکراین ولسمشر ولادیمیر زېلېنسکي اې‌ار ډي (ARD) ټلوېزیوني شبکې سره په مرکه کې خبرداری ورکړی و، چې ښايي هېواد یې د افغانستان په څېر له برخلیک سره مخ شي.

د یادونې ده، چې د امریکا ولسمشر ډونالډ ټرمپ د تېرې اوونۍ د چهارشنبې په ورځ په یوه خبري کنفرانس کې ویلي و، چې د اوکراین لپاره په ناټو کې د غړیتوب ترلاسه‌کول د عملي‌کېدو نه دی او په وینا یې، دغه هېواد به ونه شي کړای څو له روسیې سره په جګړه کې خپلې بایللې سیمې بېرته ترلاسه کړي.

ټرمپ ویلي، چې ممکن نوموړی په دې میاشت کې له پوتین سره وګوري او د اوکراین او هغه اندیښنه یې رد کړه چې په سعودي عربستان کې د امریکا او روسیې ترمنځ خبرو څخه بهر پاتې کیږي.

د کریملین ویاند دیمیتري پیسکوف وايي، چې په ریاض کې د امریکايي او روسیې چارواکو ترمنځ غونډه تر ډیره د دواړو هېوادونو په دوه اړخیزو اړیکو متمرکزه وه، خو د روسیې او اوکراین ترمنځ د جګړې د درېیم کال په پای ته رسیدو سره دا د اوکراین د جګړې په اړه د جوړجاړي په لور یو «ډیر، ډیر مهم ګام و.»

پیسکوف وایي:«خو دا لومړی ګام دی... په طبیعي ډول دا ناشونې ده چې هرڅه په یوه ورځ یا یوه اونۍ کې سم شي. اوږده لاره پاتې ده.»

د دې پوښتنې په ځواب کې چې په دې میاشت کې به پوتین او ټرمپ سره وګوري، پیسکوف وویل:« شاید هو، شاید نه.»

پوتین او د امریکا پخواني ولسمشر جوبایډن د وروستي ځل لپاره د ۲۰۲۱ کال په جون میاشت کې په جینوا کې په یوه سرمشریزه کې سره لیدلي او له هغه وروسته بیا د دواړو هېوادونو مشرانو مخامخ لیدنه نه ده کړې.

دا په داسې حال کې چې د امریکا ولسمشر ټرمپ د روسیې او اوکراین په اړه د لویدیځ پالیسي بدله کړې ده، له اوکراین یا اروپایي قدرتونو پرته یې له روسیې سره د خبرو اترو امر کړی او له پوتین سره یې د تیلو د بیو د راټیټولو په اړه خبرې کړې دي.

د ۲۰۲۲ کال په فبرورۍ کې چې ولسمشر ولادیمیر پوتین زرګونه سرتیري اوکراین ته واستول، دمکډونالډز او کاترپیلر په ګډون ګڼ شمېر لویدیز شرکتونه له روسیې ووتل، چې ځینې یې د خپلو شتمنیو د پلورلو پر مهال له درندو مالي زیانونو سره مخ شول.

اوس د ولسمشر ډونالډ ټرمپ اداره د لویدیز پالیسۍ بدلوي، د اوکراین او اروپایي هېوادونو له ګډون پرته له روسیې سره خبرې کوي او د نفتو د بیې راټیټولو په اړه غږیږي، چې روسیه یې یو مهم صادروونکی دی.

دیمیترییف تاس اژانس ته ویلي، « موږ تمه لرو چې یو شمېر امریکایي شرکتونه به د ۲۰۲۵ کال په دویمه ربع کې بېرته روسیې ته راشي».

خو هغه خبرداری ورکړ چې بېرته راستنېدنه به اسانه نه وي، ځکه « ډېرې سوداګریزې ساحې لا دمخه ډکې شوې دي».

دیمیترییف، چې د هارورډ او سټانفورډ فارغ التحصیل دی او پخوا یې د ګولډمین ساکس او مکنزي په څېر امریکایي شرکتونو کې کار کړی، وویل چې امریکایي شرکتونو د روسیې پریښودو له امله ۳۲۴ میلیارد ډالره تاوان کړی دی.

هغه رویټرز ته وویل، « ډېری شتمنۍ په بېخي ارزانه بیو وپلورل شوې، یو لوی تخفیف ورکړل شو».

د اوکراین له اشغال وروسته لویدیزو هېوادونو پر مسکو سخت بندیزونه ولګول، خو روسیې هڅه وکړه چې د دغو محدودیتونو پر وړاندې حل‌لارې پیدا کړي. دیمیترییف وویل چې روسي تولیدوونکو د هغو نړیوالو شرکتونو ځای ونیو، چې بازار یې پریښود.

دیمیترییف باور لري چې د نفتو لوی امریکايي شرکتونه، چې «پخوا یې په روسیه کې ډېر بریالی تجارت درلود، یوه ورځ به بېرته راشي».

ډونالډ ټرمپ وایي چې غواړي د نفتو بیې راټیټې کړي او دا کار به یوازې د سعودي عربستان او روسیې، چې د نړۍ دوه ستر نفت صادروونکي دي، د همکارۍ له لارې ممکن وي.

په ریاض کې د امریکا او روسیې د خبرو پایله دا شوه چې دواړه هېوادونه د راتلونکو مذاکراتو لپاره ځانګړي ټیمونه جوړ کړي او په واشنګټن او مسکو کې د سفارتي ماموریتونو عادي کولو ته کار وکړي.

د امریکا د کانګرس غړي جیک اوکنکلاس وویل، « روسیې د مذاکراتو لومړی پړاو وګاټه. کرملین په داسې دوه اړخیزو خبرو کې رسمي حیثیت ترلاسه کړ چې اوکراین او ناټو پکې نه وو شامل ».

د اسراییل د لومړي وزیر بنیامین نتنیاهو د فتر هم دا خبر تایید کړی، چې یرغمل شوي اسراییلي وګړي به د راتلونکې شنبې په ورځ له غزې تړانګې راووځي.

د هغه دفتر وویل، چې د یرغمل شویو خوشې کول په مصر کې د غیر مستقیم خبرو اترو وروسته شوي.

د اسوشیېټیډ پریس په راپور کې راغلي، چې د اسراییل لومړي وزیر بنیامین نتنیاهو، د حماس ډلې دا غوښتنه منلې او ویلي دي: «موږ به اجازه ورکړو، چې د غزې تړانګې ته ګرځنده کورونه او ساختماني وسایل ننوځي ترڅو د یرغمل شویو وګړو د خوشې کولو لړۍ ګړندۍ شي.»

د حماس ډلې مشر خلیل الحیا تېره ورځ په یوه خپره شوې ویډیو کې، چې له مخکې ثبت شوې وه ویلي، چې په وژل شویو کې د «بیباس کورنۍ» هم شامل ده، چې د مور په ګډون یې دوه ځوانکي هلکان دي.

لا تر اوسه پورې اسراییل د «بیباس کورنۍ» وژل کېدل نه دي تایید کړي، خو د حماس ډلې له اعلان څخه وروسته د لومړي وزیر دفتر له خلکو غوښتي چې د «بیباس کورنۍ» انځورونه، نومونه او اوازې دې نه خپروي.

د «بیباس کورنۍ» په اوس وخت کې د اسراییلي وګړو لپاره د نیول شیو کسانو د حالت سمبول په توګه کارول کېږي.

واشنګټن هم پر حماس فشارونه زیات کړي چې یرغمل شوي کسان خوشې کړي.

د فلسطین روغتیا وزارت وایي، چې په روانه جګړه کې تر دې دمه ۴۸۰۰۰ فلسطیني وګړي وژل شوي، خو نه وایي چې د وژل شویو له ډلې یې څو د حماس جنګیالي دي

د اسراییل حکومت لا هم غواړي چې حماس په غزې کې د نظامي او حکومتي ځواک په توګه له منځه یوسي.

د امریکا ولسمشر ډونالډ ټرمپ وړاندیز کړی و چې د غزې ۲ میلیونه اوسېدونکي په دایمي ډول له دې سیمې وباسي او سیمه به بیا ورغوي، خو د عرب نړۍ او فلسطینیانو له‌خوا دغه خبره رد شوې ده.

داسې ګنګوسې هم شته چې مصر د فلسطینیانو له لېږد پرته د بیا رغونې پر پلان کار کوي.

د اوربند د هوکړې له مخې، اسراییل اوس هم مکلف دی چې سلګونه فلسطینیان خوشې کړي، چې ځینې یې په عمري بند محکوم دي.

د بارکهان ولسوالۍ د پولیسو مرستیال خادم حسین رسنیو ته ویلي، چې په یاده پېښه کې اوه مساپر وژل شوي چې ټول یې د پنجاب د بیلابیلو ښارونو سره تړاو لري.

خادم حسین زیاتوي، چې د دغې پېښې مړيیې روغتون ته لېږدولي او د پېښې سیمه کلابنده ده او د دوی پلټنې روانې دي.

د دغه بس د سپرو له ډلې د ذیشان په نوم یو کس وايي، چې په یاده پېښه کې د ده ورور وژل شوی، هغه له رسنیو سره په خبرو کې وویل: «له ۱۰ تر ۱۲ وسله والو بس ودراوه، د ټولو مساپرو پېژندپاڼې یې وکتلې، زما د ورور عدنان پېژندپاڼه یې هم ولیدله او له بس څخه یې کښته کړ، وسله والو زما د ورور په ګډون ټول اوه کسان په ډزو سره ووژل.»

د یادې پېښې یوې بلې ښځې چې وسله والو یې ورور وژلی، جیونیوز ته ویلي: «مونږ له کوټې څخه فیصل اباد ته روان وو، پټمخو وسله والو، زمونږ د سپرلۍ بس ودراوه، زما د ورور پېژندپاڼه یې وکتله او له بس څخه یې کښته کړ، موږ پټ پټ ورکتل، چې وروسته یې په ډزو وواژه.»

بل خوا د بلوچستان ایالت سر وزیر سرفراز بګټي په بارکهان کې د اوو مساپرو وژنه غندلې او زیاته کړې یې ده، «ترهګر بې ګناه خلک وژني، د امن او سولې د دښمنانو دا بزدلانه بریدونه د زغم وړ نه دي او موږ به کلک ځواب ورکړو.»

دا په روان میلادي کال کې د پنجاب او بلوچستان تر منځ پر لاره د دې ډول لومړنۍ پیښه ده.

تر دې وړاندې د ۲۰۲۴ کال په اګسټ میاشت کې پر همدې لاره پر ګاډو بريد کې ۲۲ تنه وژل شوي وو. چې له ډلې يې ۲۰ تنه د پنجاب د بیلابیلو سیمو اوسېدونکي وو.