په کندهار ولایت کې په دوو جلا پېښو کې ۷ کسان مړه شوي دي
په کندهار ولایت کې د طالبانو د پېښو پر وړاندې د چمتوالي ریاست خبر ورکړی، چې په کندهار ښار کې په دوو جلا پېښو کې د ښځو او ماشومانو په ګډون اووه کسان مړه شوي دي.
په کندهار ولایت کې د طالبانو د پېښو پر وړاندې د چمتوالي ریاست خبر ورکړی، چې په کندهار ښار کې په دوو جلا پېښو کې د ښځو او ماشومانو په ګډون اووه کسان مړه شوي دي.
د دغه ریاست د لومړي خبر له مخې، د اوومې حوزې اړوند د سختو ورښتونو له امله د یوه کور چت پرېوتی چې له امله یې درې ماشومان او یوه ښځه مړه شوې ده.
دغه ریاست زیاته کړې، چې په دغې پېښه کې درې کسان ټپیان شوي هم دي.
په کندهار ولایت کې د طالبانو د پېښو پر وړاندې د چمتوالي ریاست دارنګه ویلي، چې په مړو شویو ماشومانو کې دوه هلکان او یوه نجلۍ او په ټپیانو کي بیا یو هلک، یوه نجلۍ او یو سړی شامل دي.
د دغه وزارت د یو بل خبر له مخې، په یوې بلې جلا پېښه کې بیا د پنځمې حوزې اړوند په ښورندام سیمه کې درې ښځې اوبو وړې او مړې شوې دي.
له بل پلوه د طالبانو د هواپوهنې ادارې خبر ورکړی، چې نن سې شنبه (د کب په ۷مه نېټه) ۳۲ ولایتونو کې د واورې، باران او سېلابونو د راوتو اټکل شوی دی.
د دغې ادارې د خبرپاڼې له مخې، دغه وړاندوینه د هرات، فراه، هلمند، کندهار، زابل، روزګان، غور، بادغیس، فاریاب، جوزجان، بلخ، سرپل، سمنګان، بامیان، دایکنډي، غزني، پکتیکا، خوست، پکتیا، میدان وردګ، لوګر، کابل، پروان، پنجشېر، کاپیسا، لغمان، ننګرهار، کونړ، نورستان، بغلان، بدخشان او تخار ولایتونو لپاره شوې ده.
