د پاکستان پوځ: شمالي وزيرستان کې امنيتي ځواکونو شپږ بهرني وسله وال وژلي

پښتین د جمعې په ورځ (دکب ۱۰مه) د ټولنیزو شبکو له لارې په یوه خپاره کړي بیان کې ویلي چې د پاکستاني جنرالانو او د هغوی د استخباراتي سازمانونو د سیاستونو په ترڅ کې له کلونو راهیسې د پښتنو په وطن کې ویجاړي روانه ده.

ځوان پښتون سیاست‌وال پاکستاني جنرالانو ته په اشارې ټینګار کړی چې د روانو سیاستونو مخنیوی په کار دی. هغه لیکي: «زمونږ په خاوره کې د دې وژنو د مخنیوي لپاره ټول یو لاس شئ او د نیابتي جګړو او پوځي سیاستونو پر وړاندې ودرېږئ. د سولې د رامنځته کولو لپاره هڅې وکړئ.»

د پښتون ژغورنې غورځنک مشر، منظور احمد پښتین دا څرګندونې داسې مهال کوي چې په د پښتونخوا په مشهوره اکوړه خټک دیني مدرسه کې د ځانمرګي برید په ترڅکې د نوموړې مدرسې د مشر مولانا حامدالحق په ګډون یو شمېر کسان وژل شوي او ټپیان دي.

له دې مخکې طالبانو هم په یادې مدرسه کې چاودنه غندلې او د مولانا حامدالحق وژنه یې یوه «لویه ضایعه» بللي ده.

تر اوسه کومې ډلې یا شخص د دغه برید مسوولیت نه دی منلی.

د دغه وزارت ویاند شفقت علي خان د جمعې په ورځ (د کب ۱۰مه) په یوې خبري غونډه کې زیاته کړې چې اسلام‌اباد د دغې ستونزې د حل لپاره له طالبانو سره د تعامل په لټه کې دی.

هغه د یاد وزارت په اونیزه مطبوعاتي ناسته کې وویل، چې په افغانستان کې پاتې امریکایي وسلې د پاکستان پر ضد د بریدونو لپاره کارول کېږي.

هغه زیاتوي: «موږ د نړۍوالې ټولنې او طالبانو له‌خوا د دغې موضوع د حلېدو پر لزوم ټینګار کړی دی.»

د پاکستان د بهرنیو چارو وزارت ویاند په خبره، اسلام‌اباد له طالبانو سره د دوستانه اړیکې او همکارۍ غوښتونکی دی.

هغه ټینګار کړی چې «په افغان خاوره کې د ترهګرو د پټن‌ځایونو شته‌والی» د دې اړیکې د ښه‌والي پر مخ خنډ جوړوي.

ورته مهال، شفقت علي خان د تورخم پولې د تړلو په هکله د یوې پوښتنې په ځواب کې وویل: «طالبان هڅه کوي چې په یو اړخیز ډول زمونږ اړخ ته سرحدي پوسته جوړه کړي.» هغه زیاته کړه: «اسلام‌اباد له طالبانو څخه غوښتي چې دا ډول ستونزې د دوه‌اړخیزو میکانیزمونو له لارې حل کړي، د بېلګې په توګه د ګډې همغږۍ کمېټې د غونډې جوړول، نه د یو اړخیزو اقداماتو له لارې.»

د یادونې ده چې په دې وروستیو کې د کابل او اسلام‌اباد اړیکې تر بل هر وخت ډېرې ترینګلې شوي دي.

پاکستاني چارواکو په وار-وار پرطالبانو تور لګولی چې په افغان خاوره کې یې د ټي‌ټي‌پي په ګډون ترهګرو ډلو ته پټن‌ځایونه ورکړي، خو دغې ډلې بیا دا ادعاوې رد کړي دي.

مولانا حامدالحق نن د حقانیه مدرسې په جومات کې د جمعې د لمانځه پر مهال په یوه ځانمرګي برید کې ووژل شو.

ټي ټي پي د یوې اعلامیې په خپرولو سره ویلي، چې په دې ورستیو په ورته پېښو کې هغه دیني عالمان او په ځانګړط توګه سیاسي او مذهبي مشران په نښه کیږي، چې د پاکستان د حکومت د ارادې خلاف عمل کوي.

د ټي ټي پي په اعلامیه کې لیکل شوي « دا د هماغه ناپاکه یهودي سیاست دوام دی، چې د پاکستان استخباراتي ادارو د سیاسي او مذهبي ټولنې د ځپلو لپاره پیل کړی دی. د عالمانو پاکه وینه د دې حقیقت شاهدي ورکوي، چې دوی هیڅکله له داسې پیښو نه دي ویریدلي.»

د ټي ټي پي په اعلامیه کې ویل شوي، چې د مولانا حامدالحق پلار مولانا سمیع الحق هم د پاکستان د استخباراتي ادارو له لوري ووژل شو او نن یې نوموړی هم په ډیره هوښیارتیا له مخې لري کړ.

د اکوړه خټک حقانیه مدرسې د مشر په وژل کېدو افغان طالبانو هم ژوره خواشیني ښودلي ده.

تر اوسه کومې ډلې په پښتونخوا کې د اکوړه خټک حقانیه مدرسې په جومات کې د برید مسولیت په غاړه نه دی اخیستی.

د پېښي له ځایه په خپرویو شویو انځورونو کې یو شمېر ملکي وګړي د پولیسو د موټر په شاوخوا کې په ټپي حالت کې لیدل کیږي.

د بلوچستان پولیسو په یاده چاودنه کې د مرګ ژوبلې د شمېرو په اړه څه نه دي ویلي، خو وايي، ټپي شوي کسان یې د درملني په موخه د کوټې دولتي روغتون ته انتقال کړي دي.

د چاودنې نوعیت ل نه دی څرګند او پولیسو د پېښي په ځای کې پلټني کړې دي.

تر دې چاودنې مخکې نن په پښتونخوا کې د دارالعلوم حقانیه مدرسې په جومات کې په یوه ځانمرګي برید کې د یادې مدرسې مشر مولانا حامد الحق په ګډون څلور کسان وژل شوي او ځیني نور ټپیان شوي دي.

د پښتونخوا تر ټولو په لویه ديني حقانيه مدرسه کې تر چاودنې وروسته د پاکستان لومړي وزير پېښه غندلې او د ټپیانو د ژر روغتيا هيله یې ښودلې ده.

پاکستان راډيو د لومړي وزير شهباز شریف له قوله لیکلي، چې نوموړي روغتيا پالانو ته لارښوونه کړې، چې ژر تر ژره د ټپيانو په تداوی کې مرستې وکړي.

نوموړي یو ځل بيا له «ترهګرو» سره د مبارزې په برخه کې پر خپله ژمنه ټينګار کړی.

هغه ويلي: «د ترهګرۍ دا ډول بزدلانه عملونه د ترهګرۍ پر وړاندې زموږ هوډ نشي کمزوری کولی.»

د پاکستان کورنیو چارو وزارت په حقانيه مدرسه کې چاودنه منلې او وايي، د چاودنې له امله د دې مدرسې مشر مولانا حامدالحق وژل شوی او ځینې کسان ټپیان شوي دي.

دغه پېښه نن په حقانیه مدرسه کې، چې په اکوړه مشهوره ده، د جمعې د لمانځه پر مهال شوی دی.

د راپورونو له مخې، د برید هدف د مدرسې مشر مولانا حامدالحق و.

د بريد مسوليت تر اوسه کومې ډلې نه دی منلی.