د امریکا خـصوصي فضـایي بیړۍ «نیلي اروا» پر سپوږمۍ را ښکته شوه

د قبضیت نښې، شدت او لاملونه د هر انسان لپاره توپیر لري.

د بدن د اوبو کموالی، ناسم خوراک، ځانګړي درمل، بېلابېلې ناروغۍ، عصبي ستونزې یا ذهني فشار د قبض لامل کېدلی شي.

ښه خبره داده، چې د دغې ستونزې د حل لپاره یوه داسې مېوه موجوده ده ،چې په هر موسم کې یې پیدا کولی او خوړلی شئ، چې د دغې ستونزې کمولو کې ډېره ګټوره ثابته شوې ده.

په فوډ ان فنکشن ژورنال کې خپره شوې څېړنه ښیي، چې وچ الوبخارا د هاضمې په سیسټم کې شته باکتریاوو او د التهابي موادو پر ضد مثبته اغېزه لري.

څېړنه وايي، چې دا مېوه فایبرهم لري، چې د قبض د مخنیوي او له منځه وړلو کې مرسته کوي.

په دغې څېړنه کې د ۵۵ او ۷۵ کلونو ترمنځ ۱۸۳ مېرمنې شاملې وې، چې درې ډلو ته وېشل شوي.

یوې ډلې ته هره ورځ ۵۰ ګرامه وچ الوبخاره ورکړل شول، دویمې ډلې ته ۱۰۰ ګرامه ورکړل شول او درېیمه ډله له دې مېوې بې برخې پاتې شوه.

د ۱۲ میاشتو څېړنې وروسته د ګډونوالو د معدې روغتیا وڅېړل شوه.

پایلې وښودله، چې د وچو الوبخارا خوړونکو مېرمنو په معده کې د ګټورو باکتریاوو شمېر زیات شوی و، چې د هاضمې لپاره مهمې وي.

څېړونکو وویل، چې د دې مېوې "اینټي اکسیدانټونه" د معدې التهاب کموي.

دوی زیاته کړه، چې کله د معدې روغتیا ښه شي، نو د قبض خطر هم کمېږي، ځکه قبض اکثر د هاضمې د خرابوالي له امله رامنځته کېږي.

څېړونکو وویل، چې وچ الوبخارا کافي فایبر لري، چې د کولمو فعالیت ته ګټه رسوي او له همدې امله د قبض خطر کموي.

بلخوا، د وچې الوبخارا هره ورځ خوړل هډوکي پیاوړي کوي.

په ۲۰۲۲ کې یوې څېړنې ښودلې، چې دا مېوه د هډوکو د کمزورتیا او حجم له کمېدو څخه مخنیوی کولی شي.

دا مېوه د "اینټي اکسیدانټونو" بډایه سرچینه ده، چې د وینې د شکر او کلسټرول کچه او د زړه ناروغیو خطر کموي.

خو باید پام وشي، چې د دې مېوې ډېر خوراک د نس ناستې یا د هاضمې نورو ستونزو لامل کېدای شي.

د رسنیو د راپورونو له مخې، په ټوله نړۍ کې د بېلابېلو عملیاتو په ترڅ کې ٢٥ شکمن کسان نیول شوي، چې زيات شمېر يې د جنايي ډلو سره تړاو لري.

د ډنمارک هېواد په مشرۍ پلټنه چې د عملیاتو کمبرلینډ نومېږي، د میټرو پولیټن پولیس، کینټ پولیس، ویسټ مرسیا پولیس، نارتمپټونشایر پولیس، اېسکس پولیس، د سکاټلینډ پولیس، هرټفورډشیر کانسټبلري او لنکنشیر پولیس پکې شامل دي.

ویل کېږي، چې په دغو عملیاتو کې اسټرالیا، اتریش، بلجیم، فنلنډ، فرانسه، جرمني، نیوزلینډ او هسپانیا هم ګډون کړی وو.

د عملیاتو په ترڅ کې په ۱۹ هېوادونو کې ۲۷۳ شکمن کسان پېژندل شوي، ۳۳ کورونه تلاشي شوي او ۱۷۳ توکي نیول شوي.

تر اوسه ددغه عملیاتو په ترڅ کې ۲۵ کسان نیول شوي، خو لا هم پلټنې روانې دي.

راپورونه وایي، چې اصلي شکمن یو ډنمارکي وګړی دی چې د نومبر په میاشت کې د انلاین پلیټ فارم چلولو پرمهال نیول شوی و.

دغه پلېټ فارم باندې د AI له خوا د ماشومانو د جنسي تېري عکسونه پلورل کېدل او کاروونکو د انځورونو لپاره پلیټ فارم ته پیسې ورکوي.

له بلې خوا، د یوروپول له خوا په خپره شوې اعلامیه کې راغلي، چې د AI له خوا رامنځته شوي د ماشومانو د جنسي تیري موادو نمونې په پراخه کچه شتون لري او په چټکۍ سره رامنځته کېږي.

دا مواد اصلي موادو ته ورته دي، چې له امله یې په مصنوعي ډول رامنځته شوي موادو پېژندل ستونزمن کوي ​​او همدا لامل دی، چې لوړ پوړي چارواکي د قربانیانو په پېژندلو کې له لویو ننګونو سره مخ دي.

رافیل ګروسي د پنجشنبې په ورځ په توکیو کې خبریالانو ته وویل: "موږ باید هڅه وکړو چې په دغه هېواد کې د اټومي انرژۍ د نړۍوالې ادارې له‌خوا د ځینې ښکیلتیاوو د بیا رامنځته کولو لپاره هڅې وکړو."

د شمالي کوریا د اټومي وسلو په اړه پوښتنو ته په ځواب کې، هغه یادونه وکړه چې په دغه هېواد کې د اټومي انرژۍ د نړۍوالې ادارې وروستی فعالیت "ډېر مخکې" په ۲۰۰۹ کې تر سره شوی.

ګروسي وویل، چې هغه دا مسله د جاپان له لومړي وزیر شیګیرو ایشیبا سره شریکه کړې او په‌دې وروستیو کې یې په واشنګټن کې د یوې غونډې په جریان کې د متحده ایالاتو له ولسمشر ډونالډ ټرمپ سره هم دا موضوع یاده کړې ده.

هغه وویل: "د اټومي خوندیتوب په څېر ساحې شته چېرې چې موږ کولی شو د یو ډول ښکیلتیا رامنځته کولو هڅه وکړو.» هغه د جاپان رول "اړین" وباله او ټینګار یې وکړ چې د چین رول به هم خورا مهم وي.

شمالي کوریا له ۲۰۰۶ کال راهیسې د خپل اټومي پروګرام له امله د ملګرو ملتونو د وسلو له سختو بندیزونو سره مخ ده، چې په پرله پسې ډول پرې بندیزونه سخت شوي او د ټولو وسلو واردات او صادرات یې محدود کړي دي.

د ملګرو ملتونو یوه کمېټه په ۲۰۰۶ کال کې د بندیزونو د تطبیق د څارنې لپاره جوړه شوې وه، خو تېر کال وروسته له هغې چې روسیې د بندیزونو د غځولو موده ویټو کړه، دنده یې پای ته ورسېده.

تېر سپتمبر کله چې کیم جونګ اون د هېواد د اټومي ظرفیتونو د پراختیا غوښتنه وکړه، شمالي کوریا د لومړي ځل لپاره په عامه توګه د یورانیمو د غني کولو تاسیسات افشا کړل.

په ۲۰۱۰ کې، شمالي کوریا د متحده ایالاتو اټومي کارپوه سیګفریډ هیکر ته اجازه ورکړه چې د یونګبیون په شمال لویدیځ پیونګان ولایت کې د یورانیمو د غني کولو تاسیساتو څخه لیدنه وکړي.

دا تاسیسات د یونګبیون اټومي ساینس او د وسلو څېړنې مرکز کور دی، کوم چې د هېواد لومړني اټومي ریکټورونه چلوي.

یاد شرکت له ګوګل اوای بي اېم سره یوځای اټکل کوي چې د محاسبې ټکنالوژۍ بنسټیز بدلون د هغه څه په پرتله چې په تېره نیمه لسیزه کې باور کېده، ډیر نږدې دی.

کوانټم کمپیوټینګ دداسې محاسبې ژمنتیا کوي، چې د نن ورځې سیسټمونه پکې میلیونونه کلونه اخلي او ممکن په درملو، کیمیا، او نورو ډګرونو کې نویو پرمختګونو ته لارې پرانیزي.

د کوانټم کمپیوټرونو ترټولو ستره ننګونه د کیوبیټ، چې په کلاسیکو محاسباتو کې بیټ ته ورته دی، خورا چټکتیا ده، چې کنټرولول یې ډېر ستونزمن دي او د تېروتلو شونتیاوې یې ډېرې دي.

مایکروسافټ اعلان وکړ چې ددوی «ماجورانا ۱» چېپ د نورو سیالو چېپونو په پرتله کم د تېروتنې ښکار کیږي او د ثبوت په توګه یې په ساینسي ژورنال نیچر کې د خپریدو لپاره یوه ساینسي مقاله وښوده.

د کوانټم کمپیوټرونو د ګټو او کارونې وړتیا د ټیکنالوژۍ د جګپوړو کارپوهانو ترمنځ یوه بحث وړ موضوع ګرځېدلې ده.

د انویډیا رییس جنسن هوانګ تېره میاشت وویل چې دغه ټیکنالوژي د دوی د شرکت له چېپونو دوه لسیزې لرې ده، چې د مصنوعي ځیرکتیا په برخه کې دې چیپونو ته ستره اړتیا لري.

مایکروسافټ په ماجورانا ۱چېپ باندې څه باندې دوه لسیزې کار کړی. مایکروسافټ وویل چې دغه چیپ یې له انډیم ارسینایډ او المونیم نه جوړ کړی.

مایکروسافټ د چېپ پراختیا لپاره کوم مهال ویش نه دی ورکړی، خو د شرکت په بلاګ کې یې ویلي چې دغه مساله« لسیزې نه، بلکې کلونه» لرې ده.

د مایکروسافټ اجراییه مرستیال جیسن زنډر، چې د شرکت د اوږد مهاله ستراتیژیکو پلانونو نظارت کوي، دغه چېپ خورا مهم ګڼلی.

چېپ د مایکروسافټ کمپنۍ په واشنګټن او ډنمارک څانګو کې جوړ شوی دی.

د هارورډ پوهنتون د فزیک استادفلیپ کیم، چې د مایکروسافټ په څیړنه کې شامل نه و، وویل چې یاد چیپ د فزیک پوهانو تر منځ د لسیزو لپاره یوه مهمه موضوع پاتې شوې او د مایکرو سافټ کار یې « هیښوونکی پرمختګ» بللی.

څیړنو ښودلې چې په ماشومتوب یا ځوانۍ کې زموږ د خوړو عادتونه د بیولوژیکي عمر په سرعت اغیزه کوي.

په یاد ولرئ که څه هم د هر انسان عمر د زیږون د نېټې سره سم ټاکل کیږي، مګر په طبي اصطلاحاتو کې یو بیولوژیکي عمر هم شته، چې د عمر سره سم د فزیکي او ذهني کارونو سره تړاو لري.

د ژوند طریقه، خواړه او نور عوامل په دې بیولوژیکلي عمر اغیزه کوي او عمر چې څومره لوړیږي هومره د بېلابېلو ناروغیو خطر زیات کیږي.

د څېړنو له مخې که په ماشومتوب او ځوانۍ کې د ډېر خوراک له امله د بدن وزن زیات شي، د وخت نه مخکې د زړېدو خطر هم ورسره زیاتېږي.

څېړنو ښودلې چې د شپې ناوخته خوراک پر بدن منفي اغېز کوي دا کار د وزن زیاتیدو خطر زیاتوي. څیړونکو ویلي چې په ماشومتوب یا ځوانۍ کې زموږ د بدن وده پر ټول عمر اغیزې لري.

هغوی زیاته کړې، چې په دې برخه کې زموږ د خوب او خوړلو وخت مهم دی. تر دې وړاندې هم څېړنو په ډاګه کړې وه، چې خوب او غذايي عادتونه پر بدن اغېزې لري.

اوس په نوې څېړنه کې ښکېلو څېړونکو ویلي، چې زموږ څېړنیز کار یو څه توپیر لري، ځکه موږ ژور تللي یوو.

په دې څېړنه کې ۵۱ کسان چې عمرونه یې له ۱۲ څخه تر ۱۸ کلونو پورې و شامل دي چې د وزن په اساس په درېیو ګروپونو ویشل شوي.

دغه کسان د خوب او خوړو په اړه د بېلابېلو تجربو سره مخ شوي، یوولس ورځې او لس شپو لپاره په یوه ځای کې ساتل شوي.

پایلو ښودلې چې د خوب او خواړو عادتونو کې بدلون هم د بدن په داخلي سیستم کې د بدلون لامل کیږي او د چاغی خطر زیاتوي.

هغوی وویل، چې دې څېړنې د لومړي ځل لپاره ثابته کړه چې زموږ غذايي عادتونه د بدن داخلي سیستم دندې هم تنظیموي.

څېړونکو دا هم زیاته کړې، چې د موندنو د بشپړ تایید لپاره لا زیاتو څېړنو ته اړتیا شته.