د سيایاې پخوانۍ مامورې سارا اډمس د ټرمپ هغه ادعا ننګولې چې وايي، د کابل هوايي ډګر په ابي دروازه کې پر امریکایي سرتېرو د داعش-خراسان ډلې برید مسوول په پاکستان کې نیول شوی او متحدهایالاتو ته سپارل شوی دی.
نوموړې د چهارشنبې په ورځ (د کب ۱۵مه) د خپلې اېکسپاڼې له لارې ادعا کړې، چې دا برید د حفیظ حقاني په نوم د یوه طالب ترهګر په امر ترسره شوی دی.
د سيایاې پخوانۍ مامورې حفیظ حقاني د اېمنالظواهري زوم بللی او زیاتوي، چې نوموړی د حقاني او الظواهري په دوو خاندانو پورې تړلی کس دی.
سارا اډمس زیاته کړې، چې دا برید داعش خراسان ډلې نه دی کړی او په وینا یې، امریکا له طالبان سره د یوې پټې اړیکې او معاملې له امله اصلي روایت نه مطرح کوي.
همداراز، هغې ټینګار کړی: «د دښمن د ملاتړ په صورت کې هېڅکله نهشو کولای هغه مات کړو.»
دا څرګندونې داسې مهال کېږي، چې پرون د امریکا ولسمشر ډونالډ ټرمپ په کانګرس کې د خپلې وینا پر مهال ادعا کړې، چې د پاکستان په مرسته یې د کابل نړۍوال هوایي ډګر د ۱۴۰۰ لمریز کال د وږي میاشت د ځانمرګي برید مسوول نیولی دی.
امریکایي چارواکو د داعش خراسان ډلې د دغه غړي نوم «شریفالله» ښودلی او ویلي یې دي، چې هغه په امریکا کې محاکمه کېږي.
د یادونې ده، چې د کابل د هوایي ډګر پوځي دروازې ته څېرمه په «ابي دروازه» کې د ۱۴۰۰ لمریز کال په وږي میاشت کې ځانمرګي برید ۱۳ امریکایي سرتېري او ۱۷۰ افغان ملکیان ووژل.
په سندونو کې لیدل کېږي، چې نوموړي خپل ملګري او خپلوان په دغه ولایت کې د ریاستونو، مرستیالۍ، ویاندویۍ او د امریت تر کچې ګومارلي دي.
د دغو سندونو له مخې، یوازې اتلس کسان د ریاستونو په بستونو کې ګومارل شوي دي.
د یوسف وفا له خوا ګومارل شوي نور کسان هم په ملکی او نظامي ادارو کې ځای پرځای شوي دي.
دا په داسې حال کې ده، چې د روان کال د سلواغې په ۲۷مه هم د بلخ ولایت مقام کې سرچېنو افغانستان انټرنشنل ته وویل، چې د بلخ والي یوسف وفا خپل نږدې کسان په ریاستونو، مدیریتونو او امریتونو کې ګومارلي دي.
د سرچینو په وینا، د بلخ والي یوسف وفا د ملاهبت الله د فرمان خلاف تر خپل واک لاندې دولتي ادارو کې د خپلوانو ترڅنګ خپل ملګري ټاکلي دي.
هغه وخت سرچینو دا هم ویلي و، چې د دغه ولایت لپاره د طالبانو د والي له خوا ګومارل شوي اداري چارواکي ډېری یې د کندهار اوسېدونکي دي.
د طالبانو د کندهار پخوانی او د بلخ اوسنی والي یوسف وفا چې د دې ډلې د مشر له نږدې کسانو هم شمېرل کېږي، په داسې حال کې یې دغه ګومارنې کړي، چې ملا هبت الله اخواندزاده په یوه فرمان کې له طالبانو غوښتي وو، چې تر خپل واک لاندې ادارو کې خپلوان او انډيوالان د اړیکو پر بنسټ ونه ګوماري.
یوسف وفا یوازینی طالب چارواکی نه دی، چې د خپل مشر له دغه فرمان څخه سرغړونه کوي او خپل ملګري او نږدې خپلوان په دندو ګوماري، تر دې وړاندې هم د طالبانو د ډېری چارواکو په اړه ویل شوي چې په اړوندو ادارو، وزارتونو، ریاستونو او مدیریتونو کې د خپلو کورنیو غړي او نږدې ملګري ګوماري.
د یو شمېر راپورونو له مخې، د طالبانو د کورنیو چارو وزیر، د کانونو او پټرولیم وزیر او د بهرنیو چارو وزیر امیرخان متقي د خپلې کورنۍ غړي په دولتي دندو کې ګومارلي دي.
ډېری وخت د عامو خلکو شکایتونه دا دي، چې طالبان وړ او مسلکي کسان له دندو لرې کوي او د خپلو کورنیو او ملګرو ترڅنګ هغه کسان په دندو ګوماري چې له مدرسو فارغان دي او یا هم په تېرو شلو کلونو کې د دوی په لیکو کې جنګېدلي دي.
