عامر خان د خپلې ۶۰مې کلیزې د لمانځلو پر مهال خپله نوې معشوقه خلکو ته معرفي کړه
د هندي سینما (بالیووډ) پېژندل شوي فلمي ستوري عامرخان، چې د «مسټر پرفیکشنسټ» په نوم هم شهرت لري، له ګوري سپریټ سره خپله اړیکه په رسمي توګه اعلان کړه.
د هندي سینما (بالیووډ) پېژندل شوي فلمي ستوري عامرخان، چې د «مسټر پرفیکشنسټ» په نوم هم شهرت لري، له ګوري سپریټ سره خپله اړیکه په رسمي توګه اعلان کړه.
د هندي رسنیو په وینا عامر خان د مارچ په ۱۴مه ۶۰ کلن شو او د خپلې ۶۰مې کلیزې په مناسبت یې له رسنیو سره په خبرو کې له ګوری سپریټ سره د خپلې اړیکې پخلی وکړ.
عامر خان له ګوري سره خپله اړیکه روښانه کړه او ویې ویل «ګوري او ما ۲۵ کاله مخکې ولیدل، اوس موږ همکاران یوو، موږ یو بل ته ډېر جدی یوو او له یو نیم کال راهیسې یوځای یوو.
عامر خان د خبري غونډې پر مهال د خپلې معشوقې په اړه نور جزییات ورنه کړل او ویې ویل چې ګوری زما په پروډکشن کې کار کوي، زه هره ورځ د هغې په اړه غږېږم.د خبرو په ترڅ کې عامر د ګوري لپاره د "کهبي کبهي میرا دل مې" سندرې څو کرښې هم واورولې.
عامر خان له خبریالانو سره د خبرو پر مهال وخندل او ویې ویل: "وګورئ، ما نه وی خبر کړي، ما پرون په ممبۍ کې په خپل کور کې د ګوري سره له شاه رخ خان او سلمان خان سره ولیدل."
د خبرو په پای کې عامر د خپل ۲۰۰۱ سوپرهیټ فلم 'لګان' ته اشاره وکړه او ویې ویل، «اخیر هم ماته زما ګوري را روسېده!»
عامر خان زیاته کړه، سره له دې چې ګوري د اوږدې مودې لپاره د عامر سره د لګان او دنګل غوندې فلمونه ډېر کم لیدلي، خو اوس اغلې ګوري د بالیووډ فلمونه ګوري.
دغه فلمي ستوري وویل چې په ۶۰ کلنۍ کې نه پوهېږم چې واده وکړم که نه، خو اولادونه مې ډېر خوښ دي، ډېر نېکمرغه یم چې له خپلو پخوانیو مېرمنو سره ښې اړیکې لرم.
د هندي رسنیو په وینا، گوري د عامر پروډکشن هاوس کې کار کوي، نوموړې په بنګلور کې اوسیږي، پخوا واده شوې وه او یو شپږ کلن زوی لري، په داسې حال کې چې د ګوري پلار ایرلینډی او مور یې تامل ده.
ياده دې وي چې عامر لومړى د فلم پروډيوسرې رينا دتا سره واده کړى و، چې دوه ماشومان يې جنيد او ايرا خان دي، دويمه مېرمن يې ډايريکټره کرن راو ده، چې عامر په ۲۰۰۵ کال کې واده وکړ او په ۲۰۲۱ کال کې سره جلا شول، عامر له کرن راو څخه يو زوى ازاد لري.