پاکستان ۹۲۳ افغان کډوال نیولي او ۲۱۳ یې اېستلي دي

د طالبانو د بهرنیو چارو وزارت وايي، په ابوظبۍ کې د دغې ډلې سفارت په هلو ځلو د متحده عربي اماراتو له بېلابېلو بندخونو د دې بندیانو د خوشي کېدو هوکړه وشوه.

طالبانو دا نه دې ویلي، چې په متحده عربي اماراتو کې څومره افغانان بندیان دي.

د بهرنیو چارو وزارت د متحده عربي اماراتو له رییس شیخ محمد بن زاید ال نهیان مننه کړې او دا ګام یې د دواړو هېوادونو ترمنځ د دوه اړخیزو او دوستانه اړیکو د پالنې څرګندويي بولي.

طالبانو د متحده عربي اماراتو له زندانو د راخوشې کېدونکو افغانانو نوملړ خپور کړی، خو دایې نه دي ویلي، چې دا افغانانو په کوم جرم بندیان شوي او کله به له زندانه راخوشې شي.

په متحده عربي اماراتو کې ګڼ شمېر افغانان اوسیږي، چې یو برخه یې خپله سوداګرې کوي او ګڼ شمېر بیا کارګر دي.

میرمن جولي کوزیک په واشنګټن کې د پیسو نړیوال صندوق په دفتر کې د یوه خبرې کنفرانس پرمهال ویلي، چې د دغه ادارې اجراییه بورډ د ۲۰۲۳ کال د سپټمبر په ۲۵مه پاکستان ته د ۷ میلیارده ډالرو د پور تړون د ۳۷ میاشتو په اوږدو کې تایید کړی و.

نوموړي وویل، چې د ۲۰۲۴ کال د مارچ په ۲۵مه نېټه د دې پور د لومړي پړاو ارزونې لپاره وشو او همدارنګه د پیسو د نړیوال وجهي صندوق د اقلمي بدلون او اقتصادي بحرانونو پر وړاندې د مقاومت د زیاتیدو پرورګام یا (RSF) او د اوږد مهاله اقتصادي ستونزې د حل پروګرام یا (EFF) سره هم په همدې ورځ هوکړه وشوه.

د دغه تړون له مخې د ای ایم ایف اجرایه بورډ له رسمي تایید وروسته به پاکستان د پیسو نړیوال وجهي صندوق د اوږدمهاله اقتصادي ستونزې د حل پروګرام یا (EFF) له لاري یو میلیارد ډالر ترلاسه کړي او همدارنګه د نړیوال بانک اجرایه بورډ له خوا د پاکستان لپاره د اقلیمي بدلون او اقتصادي بحرانونو په وړاندې د مقاوت زیاتوالي پروګرام (RSF) له لارې به دغه هېواد ته ۱،۳ میلیارده ډالر ورکول شي.

طالبانو ويلي، چې ازبکستان ته د یوسف وفا په مشرۍ تللی پلاوی به د دغه هېواد له یو شمېر مسولينو سره وویني.

هڅه مو وکړه، چې د دې سفر په اړه په بلخکې د طالبانو له مطبوعاتي دفتر نور معلومات تر لاسه کړو؛ خو يې د معلوماتو له ورکولو څخه ډډه وکړه.

طالبانو د دغه سفر او اجنډا په اړه هم نور جزيات نه دي ورکړي.

یوه اونۍ وړاندي د افغانستان په چارو کې د ازبکستان د ځانګړي استازي عصمت الله ارګاشیف په مشرۍ ازبکستانی پلاوی په بلخ کې د طالبانو له سیمه ییزو چارواکو سره په لیدنه کې د دواړو هېوادونو ترمنځ د سوداګریزو، سیاسي او اقتصادي اړېکو پر پیاوړتیا خبري کړې وې.

تر دې مخکې طالبانو د تېر کال د وږي په مياشت کې اعلان کړى و، چې د ازبکستان حکومت د بلخ د والي يوسف وفا په غوښتنه د مزارشريف ښار کې د يوې لويې ديني مدرسې د جوړېدو چارې پيل کړې دي.

د دې پروژې لګښت شپږ میلیونه امریکايي ډالره اټکل شوی دی.

ازبکستان طالبان په رسمیت نه پیژني، خو دغه هیواد له طالبانو سره په سوداګریزو، اقتصادي او امنیتي برخو کې اړیکې لري.

خراسان ډایري د سیمه يزو امنیتي سرچینو په حواله راپور ورکړی، چې پاکستاني پوځیانو د جمعې په سهار وختې په دغه سیمه کې د تحریک طالبان پاکستان پر یوه پټنځی عملیات پیل کړل، خو د دواړو لوریو ترمنځ نښته پیل شوه، چې په پایله کې یې پنځلس پاکستاني سرتیرو ته مرګ ژوبله واوښته.

د سرچینو په خبره اوس هم په سیمه کې عملیات دوام لري او پکې ۸ پاکستاني طالبان هم وژل شوي دي.

د پاکستان پوځ او پاکستاني طالبانو تر اوسه د یادو عملیاتو او خپل لوريو ته د اوښتي مرګ ژوبلي په اړه څه نه دي ویلي.

ښاغلی خوروف د روسیې له دولتي اژانس ریا نووستي سره په یوه مرکه کې ویلي، چې پاکستان او افغانستان د روسیې مهم سیمه ییز ملګري دي، ځکه روسیه تل چمتو ده، چې د دواړو هېوادونو ترمنځ د رغنده خبرو اترو لپاره مرسته وکړي.

د روسیې سفیر په پاکستان کې نامني ته په اشاره د ترهګرۍ په وړاندې د مبارزې په برخه کې له دغه هېواد سره همکاري اړینه بولي او وايي، په دې برخه کې اړینې ګډې هڅې دوام لري.

پاکستان له ټي ټي پي او روسیه له داعش اندېښنه لري او په دې باور دي چې په افغانستان کې دا دواړه ډلې مرکزونه لری.

څو ورځې وړاندې ښاغلي خوروف له یوې پاکستاني رسنۍ سره په خبرو کې ویلي و، چې د ترهګرۍ پر ضد د افغان طالبانو هڅې کافي نه دي.

نوموړي ویلي و، چې داعش د روسیې ملي او سیمه ییز امنیت ته تر ټولو ستر ګواښ دی.

البرت خروف وویل:«مسکو وضعیت له نږدې څاري او له خپلو سیمه ییزو شریکانو سره په څلور اړخیز چوکاټ کې له ترهګرۍ سره د مبارزې په برخه کې همکاري کوي»

هغه له ترهګرۍ سره د افغانستان او پاکستان له مبارزې د مسکو پر ملاتړ ټینګار وکړ او ویې ویل، د ډله ییز امنیت تړون هېوادونه په سیمه کې د ترهګرۍ د له منځه وړلو لپاره په ګډه کار کوي.

په اسلام اباد کې د روسیې سفیر مخکې ویلي و چې مسکو چمتو دی چې د "مسکو فارمټ" له لارې د پاکستان او طالبانو ترمنځ د اختلافاتو د حل لپاره منځګړیتوب وکړي.