د افغانستان کرېکټ بورډ د پنځو زونونو ترمنځ د ميرویس نیکه درې ورځنيو سیاليو مهالوېش اعلان کړ. کرېکټ بورډ ویلي، چې دغه سيالۍ به د اپريل میاشتې په اتمه پيل او د همدې مياشتې تر ۲۶مې به دوام وکړي.
د افغانستان کرېکټ بورډ د شنبې په ورځ ویلی، چې په دې سياليو کې پنځه لوبډلې «سپين غر، بندامير، امو، میس عینک او بوست» برخه لري.
د معلوماتو له مخې، د زونونو ترمنځ دغه درې ورځنۍ سيالۍ د کندهار او هلمند په کرېکټ لوبغالو کې تر سره کیږي.
د سیاليو لومړۍ لوبه د اپريل مياشتي په ۸مه نېټه د سپين غر او بند امير لوبډلو ترمنځ د کندهار کرېکټ لوبغالي کې تر سره کېږي.
کرېکټ څارونکي دغه کورنۍ سيالۍ د کرېکټ د ودې او پرمختګ لپاره مهمې بولي او تمه ښوي، چې د افغانستان ملي لوبډلو ته به نوي لوبغاړي وړاندي کړي.
د نننۍ لوبې لپاره د افغانستان د لوبډلې په نوملړ کې د محبوب تسکین په لوبډلمشرۍ د عزیرخان، خالد احمدزي، فیصل خان، برکت ابراهیمزي، عزیز میاخېل، نظیف امیري، وحیدالله ځدراڼ، نصرت نورستاني، عبدالعزیز خان او د شاهین نومونه شامل دي.
د افغانستان د کرېکټ ۱۹کلنه لوبډله د نیپال پر وړاندې درې یو ورځنۍ لوبې لري، چې نن یې د دغه لوبلړۍ لومړۍ لوبه ده.
د افغانستان کرېکټ بورډ تېره ورځ د دغو لوبو لپاره د افغان لوبغاړو د تمرینونو ځینې عکسونه هم پر اېکس پاڼه خپاره کړي وو.
افغان لوبډله درې ورځې وړاندې د دغو لوبو لپاره نیپال ته رسېدلې وه.
تمه کېږي، چې له دغو لوبو وروسته به دغه افغان لوبډله د کرېکټ نړۍوالې شورا د ۱۹ کلنو نارینهو کرېکټ نړۍوال جام اسیا کوالیفایرز لوبو کې هم برخه واخلي.