د طالبانو د ریاست الوزرا اقتصادي معاونیت وايي په هرات کې د خصوصي سکټور له لوري د «هرات بام» تفریحي کمپلکس جوړولو طرحه تاییده شوه. دوی زیاتوي چې د دغې طرحې له مخې خصوصي سکټور د کمپلکس د جوړولو لپاره څه باندې یو میلیارد افغانۍ پانګونه کوي او نږدې څلور زره کسانو ته به کار پیدا شي.
د طالبانو د ریاست الوزرا اقتصادي مرستیال ملا عبدالغني برادر په مشرۍ نن د وري ۱۶مه د اقتصادي کمېسیون نوبتي غونډه کې د دې کمپلکس جوړولو طرحه وړاندې او تایید شوه.
د ځايي سرچینو د معلوماتو له مخې هرات بام اوس مهال تفریحي میدان دی چې د غرونو په لوړه کې قرار لري، چې ددې ولایت ځايي اوسېدونکي د ښار د نندارې لپاره او دغې سیمې ته د تفریح لپلرع ورځي.
دغه سیمه د هرات تخت صفر او د خواجه انصاري سرک ترمنځه موقعیت لري، چې اوس پکې د وختېري لپاره بېلابېلې ودانۍ جوړېږي.
افغانستان انټرنشنل د پاکستان حکومت له لوري د افغان کډوالو د جبري ایستلو موضوع څاري او په دې برخه کې د سیمه ییزو او نړۍوالو سازمانونو غبرګونونه را اخلي.
عرب نیوز رسنۍ له پاکستانه د افغان کډوالو د جبري ایستلو پر بهیر راپور خپور کړی او په دې اړه یې د یو شمیر کارپوهانو نظرونه را اخیستي، چې هغوی ویلي،دا مهال د طالبانو حکومت د ستنېدونکو کډوالو د سمبالښت وړتیا نه لري.
پاکستان دا مهال د درې میلیونه افغان کډوالو کوربه توب کوي، او ډېری یې هغه کسان دي چې له تیرو څو لسیزو جګړو له امله پاکستان ته کډه شوي او ځینې یې بیا پر افغانستان واک ته د طالبانو له رسیدو وروسته دغه هیواد ته کډوال شوي.
په دغه شمېر کې هغه افغانان هم شامل دي، چې په پاکستان کې زېږېدلي یا یې په ۲۰۲۱ کال کې د طالبانو له بیا واکمنېدو وروسته افغانستان پرېښی دی. خو اوس دا ټول وګړي له جبري ایستلو سره مخ دي.
د کراچۍ او جېکباباد د ساتنې مرکزونه او یو د «انتقال نقطه» په نوم د بینظیراباد په سکرنډ کې جوړ شوی چې ټول ټال د ۱۵۰۰ کسانو ځای پر ځای کیدو ظرفیت لري.
د کراچۍ د جنوبي څنډې د پولیسو مرستیال سید اسد رضا ویلي، چې تر دې دمه ۲۴۲ افغانان دغو مرکزونو ته لېږدول شوي دي.
د پاکستان د امنیتي ادارو د ګډو شمیرو له مخې، په کراچۍ کې ۱۶,۱۳۸ کسان د ACC کارت لرونکي پېژندل شوي، چې زیات یې په ختیځو او لوېدیځو سیمو کې ژوند کوي.