په پاکستان کې دريو وسله والو ډلو د «اتحاد المجاهدین» په نوم ګډه وسله واله ډله اعلان کړه

پاکستاني رسنیو د شنبې په ورځ د دغه هېواد د ترهګرۍ ضد ادارې له قوله ویلي، چې اوسني نیول شوي کس هم په فرقه يي، هدفي او وسله والو وژنو کې لاس درلود.

نیول شوی کس سیدمحمد موسا رضوی نوميږي، خو په کامران مشهور دی.

په خبر کې ویل شوي، چې نیول شوی کس به تر پوښتنو وروسته اړوند ادارو ته وسپارل شي.

پاکستان د ایران د سپاه پاسداران بهرنۍ څانګه قدس پوځ پورې تړلی ملېشه ځواک زینبیون لېوا د "ترهګرو" ډلو په لېست کې شامله کړې ده.

د پاکستان د کورنیو چارو وزارت تېر کال ویلي، زینبیون لېوا د پاکستان سولې او امنیت ته زیان رسوونکو چارو کې لاس لري.

زینبیون لېوا په اسلام اباد کې د سني عالمانو شورا د مرستیال د وژلو په تور هم د دې ډلې یو کس نیولی دی.

د پاکستان د ترهګرۍ ضد ادارې نږدې کال مخکې هم په کراچۍ کې د زینبیون لېوا هغه ۷ غړي ونیول، چې په دغه ښار کې د ۱۷ کسانو د وژلو مسوول بلل کېږي.

سرچنیو ویلي، چې فوزیه کوفي د افغانستان لپاره د پاکستان ځانګړي استازي محمد صادق، د پاکستان د بهرنیو چارو پخوانۍ وزیرې حنا رباني کهر، د‌ پاکستان پارلمان د بهرنیو اړیکو کمېټې رییس او د یو شمېر سفارتونو له استازو سره لیدنې کتنې کړې دي.

د ولسي جرګې دغې پخوانۍ غړې په دغو ناستو کې د هغو خبریالانو، بشري حقونو فعالانو، ښځینه فعالانو، د پخواني پوځ نظامیانو او مدني فعالانو چې د طالبانو له ویرې دغه هېواد ته کډه شوي پر وضعیت خبرې کړي دي.

په دغو کتنو کې له پاکستانه غوښتل شوي، چې دغه افغانانو د ډېموکراټیکو ارزښتونو لپاره مبارزه کړې او اوس یې ژوند له ګواښونو سره مخ دی، چې باید خوندیتوب ته یې جدي پاملرنه وشي.

فوزیه کوفي او ورسره مل پلاوي له پاکستان غوښتي، چې په دغه هېواد کې د مېشتو افغانانو لپاره دې د ویزو بهیر د تمدید په برخه کې هم اسانتیاوې رامنځته کړي.

د معلوماتو له مخې پاکستان د تازه ورغلو افغانانو د ویزې د نوي‌ کولو حالت له شپږ میاشتو څخه یوې میاشتې ته راټیت کړی او له دې کبله یاد هېواد ته تللي تازه دمي افغانان له ګڼو ستونزو سره مخ دي.

پاکستان ته یاد سفر پر مهال د ښځو شوراګانو او یو شمېر ټولنو ګډ لیک هم خپور کړی دی او ویلي یې دي، چې له دغه سفر څخه یې هېڅ ډول سیاسي موخه نه درلوده.

په لیک کې کې ټینګار شوی، چې دغه سفر یوازې د افغانانو د بشري حقونو د خوندیتوب په موخه ترسره شوی دی.

د ښځو دغه پلاوي د ملګرو ملتونو له سازمان څخه هم غوښتي چې د بشري خوندیتوب له مخې دې په پاکستان کې د جمهوري نظام پخوانیو کارکوونکو او د ډېموکراټیکو ارزښتونو پالونکو قشرونو ته خونديتوب ورکړي.

په لیک کې زیاته شوې چې پاکستان اوس مهال د دغو افغانانو لپاره په لنډ مهاله توګه یو خوندي ځای دی.

د افغانستان انټرنشنل - پښتو په دې تړاو له فوزیه کوفي سره هم خبرې وکړې. او هغې وویل، چې د دغه سفر په تړاو ځانګړې خبرپاڼه خپروي او د ناستو ولاړو ځینې انځورونه به هم شریک کړي.

فوزیه کوفي داسې مهال اسلام اباد ته سفر کوي، چې پر هغې تور دی، چې ګنې طالبانو ته په نړۍوالو غونډو او ناستو ولاړو کې لابي کوي.

د پخواني جمهوري نظام تر پرځیدو وروسته فوزیه کوفي د ګوتو په شمار هغو افغان سیاستوالو کې راځي، چې پاکستان ته یې سفر کړی او د هغه هېواد له رسمي چارواکو سره د هېواد د وضعیت تر څنګ د افغان کډوالو په تړاو خبرې کړي دي.

د پښتون ژغورنې غورځنګ مشر په جرمني کې مېشتو افغانانو باندې غږ کړی، چې په دغه لاریون کې برخه واخلي او له پاکستان څخه په زور د ایستل کیدونکو افغانانو بهیر دې وغندي.

هغه زیاتوي: «نن مازدیګر له ۵ بجو تر ۷ بجو پورې د بر وطن افغانانو د ظالمانه ویستلو پر ضد لاریون کېږي.»

د منظور پښتین دغه غږ داسې مهال کیږي، چې له پاکستان څخه په زور د ایستل کیدونکو افغانانو لړۍ خورا چټکه شوې او د مارچ له لومړۍ نېټې راهیسې هره ورځ د زرګونه کسانو د ایستل کیدو خبرونه ترلاسه کېږي.

د یاد هېواد پولیسو د پنجاب په ګډون په بېلابېلو ایالتونو کې د افغان کډوالو په نیول کیدو پسې کور په کور عملیات پیل کړي دي.

همدا راز په هالنډ کې هم یو شمېر افغانانو خبر ورکړی، چې د راتلونکې دوشنبې په ورځ د (وري ۲۵مه) هم په دغه هېواد کې د پاکستان سفارت مخې ته د افغان کډوالو د ایستل کیدو په غبرګون کې لاریون کوي.

د بشري حقونو او کډوالو د ملاتړ ادارو له لوري هم د پاکستان دغه اقدام غندل شوی دی.

د بښنې نړۍوال سازمان په ګدون ګڼو بشري ادارو له پاکستان نه غوښتي چې ژر تر ژره دې په زوره د افغانانو د ایستل کیدو روانه لړۍ ودروي، خو ښکاري چې پاکستان دغو غوښتنو ته چندان ارزښت نه دی ورکړی او د خپلې تګلارې له مخې یې دا بهیر لا ګړندی کړی دی.

افغان کډوال داسې مهال له پاکستان نه ایستل کېږی، چې په افغانستان کې د دغو ستنیدونکو لپاره طالبان په کافي شان تدابیر نه لري.

په افغانستان کې د روان بشري کړکېچ د دوام په لړ کې ویره شته، چې د دغو ستنیدونکو له تګ سره سم به دغه ناورین لا پسې ډېر شي او د لوږې کچه به هم ورسره لوړه شي.

د دغو کډوالو تر ستنیدو دمخه د طالبانو په واکمنۍ کې د روزګار کچه په بې سارې توګه راکمه شوې او اندېښنې شته، چې دغه ستنیدونکي به هم د بې روزګارۍ له سختو څپو سره مخ شي.

د پاکستان حکومت د پښتونخوا د کانونو او طبیعي زیرمو لپاره نوی قانون وړاندیز کړی، خو عوامي نشنل ګوند د یاد قانون پر سر د پاکستان له حکومت سره کلک مخالفت ښودلی او وايي، د پښتونخوا کاني سرچینې یوازې د دغې صوبې د خلکو ملکیت دی.

میا افتخار حسین د جمعې په ورځ یوځل بیا د پاکستان پر مرکزي حکومت ږغ وکړ؛ چې د پښتونخوا د کانونو په اړه نوی وړاندیز شوی قانون لغوه کړي، کنه دوی به غیرقانوني لارو ته مخه کړو.

نوموړی وايي، عوامي نشنل ګوند د یاد قانون په وړاندې راتلونکې اونۍ کمېټه رابللې چې له قانوني لارې د پښتونخوا د کانونو په اړه د مرکزي حکومت له خوا وړاندیز شوي قانون مخنیوی وکړي.

نوموړی وايي:«دا قانون باید سمدلاسه بیرته واخیستل شي. عوامي نشنل ګوند به د دې قانون د مخنیوي لپاره ټول ممکنه ګامونه پورته کړي. موږ به هڅه وکړو چې دا قانون د پارلمان لخوا هم رد شي. که پارلمان خپل واک ونه کاروي، نو زموږ ګوند به خامخا محکمې ته مراجعه وکړي. عوامي نشنل ګوند به د دې قانون پر وړاندې عامي محکمې ته هم لاړ شي او په کلکه به یې مقاومت وکړي.»

نوموړی د پاکستان په نورو ګوندونو هم ږغ کوي، چې د حکومت له لوري د پښتونخوا او نورو صوبو د حقونو د لاندې کولو د مخنیوي په موخه دې له دغه ګوند سره یوځای خپل غږ پورته کړي.

نوموړی وايي، په پاکستان کې اساسي قانون په جمهوریت یرغمل شوی او د خلکو حقونه تر پښتو لاندې کوي.

دغه ګوند وايي، د پښتوخوا د کانونو لپاره نوي وړاندیز شوي قانون کې داسې مادې دي، چې په لوی لاس بهرنیو شرکتونو ته د پښتونخوا د کانونو د انحصارولو واک په لاس ورکول کیږي.

میا افتخار حسین د خبرې غونډي پر مهال ویلي، چې حکومت ته اجازه نه کوي، چې د پښتونخوا کاني سرچینې د نامنیو په بهانه او په پښتونخوا کې د تحریک انصاف ګوند له حکومت سره د معاملې له لارې د قانون تاییدول په هیڅ صورت ورته د منلو وړ نه دي.

د عوامي نشنل ګوند صوبايي مشر میا افخار حسین ویلي، که په یاده صوبه کې د ترهګرۍ پر وړاندې مبارزه کولی شي، نو د خپلو حقونو لپاره هم په کلکه مبارزه کولی شي.

د پاکستان امنیتي ادارو د پاسپورټونو د ترلاسه کولو لپاره د نویو قانوني شرایطو د مراحلو پر ژر تر ژره بشپړېدو ټينګار کړی.

جيونيوز د جمعې په ورځ ویلي، چې د پاکستان د کورنیو چارو وزير محسن نقوي، د کډوالو او پاسپورټونو ادارو مشرانو ترمنځ ګډه ناسته کړې او ويلي يې دي، چې د دغو ۵۳ زره پاکستانیانو پاسپورټونه یې ناچله کړي دي.

محسن نقوي ويلي، چې د پاسپورټونو د ترلاسه کولو لپاره به نوي شرایط د غيري قانوني کډوالۍ مخه ونيسي.

نوموړي زياته کړې: «د هغو کسانو پاسپورټونه به بلاک شي چې شړل شوي وي او په دې اړه به سل په سلو کې عملي اقدام کيږي.»

په خبر کې ويل شوي، چې امنيتي ادارو دا پرېکړه نړيوالې ټولنې ته د یو مثبت پيغام د وړاندي کولو په مانا بللې ده.

یو شمېر پاکستاني رسنيو لیکلي، چې په تېرو څو مياشتو کې په زرګونه پاکستانیان د سعودي عربستان، متحده عربي امارات، عمان او یو شمېر نورو خلیج هېوادونو څخه اېستل شوي.

د راپورونو له مخي، سعودي چارواکو ډېری پاکستاني وګړي د سوالګرۍ، نشه يي توکو د قاچاق، بې قانونه اوسېدو، له دندې د تېښتې، د قراردادي تړون د سر غړونې له کبله په تور لیست کې شامل شوي او له دغه هېواد ایستل شوي.