ایټالیا د عمان په سفارت کې له امریکا سره د مذاکراتو لپاره د تهران غوښتنه نه‌ده منلې

په دغه کنفرانس کې ټرمپ یو ځل بیا د افغانستان په هکله غږېدلی او پر بایډن یې له دغه هېواده د امریکایي ځواکونو د باعزته وتلو د اسانتیا د نه‌برابرېدو له امله سخته نیوکه کړې ده.

هغه وايي، که امریکا اړ شي څو اټومي وسلو ته د ایران د لاس‌رسي مخنیوی وکړي، پر اټومي تاسېساتو د برید په ګډون به د دغه هېواد په تړاو «یوه ډېره سخته پرېکړه» وکړي.

ټرمپ په سپینه ماڼۍ کې وویل: «ایران باید د اټومي وسلو له خوبونو لاس واخلي. هغوی حق نه‌لري چې اټومي وسله ولري.»

ټرمپ وايي، چې اوکراین له امریکا څخه د راکټونو د پېرلو غوښتنه کړې، خو دغه هېواد باید له خپل ځانه یوه لوی هېواد سره جګړه نه وای پیل کړې.

هغه په ​​۲۰۱۴ کال کې پر کریمیا او بیا په ۲۰۲۲ کال کې پر ټول اوکراین د روسیې د یرغل په تړاو څه نه دي ویلي.

ټرمپ د اوکراین له‌خوا د وسلو د پېر په تړاو وویل: «هغه تل د توغندیو په لټه دی. ګوره، کله چې ته جګړه پیلوې، باید پوه شې چې ګټلای یې شې. ته باید له هغه چا سره چې تر تا ۲۰ځله قوي وي، باید جګړه پیل نه کړې او بیا هیله ولرې چې نور به درته راکټونه درکړي.»

هغه دا تور رد کړ، چې ګواکې د روسیې پلوی دی او زیاتوي چې ولادیمیر پوتین د روسیې او اوکراین په جګړه کې د خپل رول له امله «پرېښتې ته ورته نه دی».

هغه ټینګار وکړ، چې دا جګړه باید پای ته ورسېږي ځکه چې «د درېیو کسانو له امله په مېلیونونو خلک وژل شوي دي.

هغه بایډن، پوتین او زېلېنسکي ته اشاره کړې او په وینا یې، د دغې جګړې د پیل په مخنیوي کې پاتې راغلي دي.

ټرمپ زیاته کړه: «دا یوه داسې جګړه ده چې باید هېڅکله نه وای پیل شوې. بایډن کولای شول چې مخه یې ونیسي، زېلېنسکي کولای شول چې مخه یې ونیسي او پوتین باید هېڅکله نه وای پیل کړې. هرڅوک ملامت دي.»

که څه هم ټرمپ ژمنه کړې وه، چې پر ښکېلو خواوو د فشار له لارې به د اوکراین جګړه ژر پای ته ورسوي، خو د هغه د حکومت د تېرو څو اوونیو ډیپلوماتیکې هڅې ناکامې شوې دي.

روسیې سره له دې چې د جګړې د پای ته رسولو له نظریې ملاتړ کړی، خو د امریکا د ولسمشر د اوربند طرحه یې رد کړې ده.

د یادونې ده، چې نن د اوکراین پر سومي ښار د روسیې د راکټي بریدونو په ترڅ کې ۳۴ کسان ووژل شول او سلګونه نور ټپیان شول.

په همدې حال کې ټرمپ د جګړې د دوام لپاره پر روسیې نیوکه کول رد کړي، خو د دوشنبې برید یې یوه تېروتنه بللې ده.

د سوومي ښار سیمه‌ییزو چارواکو ویلي چې د دغه برید د مړو شمېر ۳۵ ته لوړ شوی او ۱۱۷ تنه ټپیان دي.

د روسیې د دفاع وزارت اوکراین تورن کړی چې ملکي وګړي د انساني ډال په توګه کاروي او پوځي مرکزونه او غونډې د ګڼ مېشتو ښارونو په منځ کې تنظیموي.

د اوکراین د بهرنیو چارو وزیر اندریي سیبیا ویلي چې د روسیې وروستي بریدونه ښيي چې پوتین د جګړې پای نه، بلکې دوام غواړي. روسیه بیا وايي چې غواړي د جګړې د رېښې لاملونه حل کړي او تلپاتې سوله تامین کړي.

د روسیې د بهرنیو چارو وزیر سرګي لاوروف ویلي، د سوومي په غونډه کې د اوکراین د پوځیانو ترڅنګ «لوېدیز شریکان» هم موجود وو، خو د هغوی هویت یا شواهد یې نه دي وړاندې کړي.

د اوکراین ولسمشر ولادیمیر زیلېنسکي دغه برید غندلی او له نړیوالو یې غوښتي چې د روسیې پر وړاندې سخت غبرګون وښيي.

هغه دا برید د شریرو انسانانو کار بللی.

د ولسمشر مشر سلاکار اندریي یرماک ویلي، چې روسیه هڅه کوي تر ممکنه حده ډېر ملکي کسان ووژني. د بهرنیو چارو وزیر سیبیا ویلي، کیېف دا جنګي جرم له خپلو نړیوالو شریکانو او ادارو سره شریک کړی.

د بریتانیا، جرمني او ایټالیا مشرانو برید غندلی.

ولسمشر ټرمپ ویلي: « دا یو وحشتناک عمل و. ما ته ویل شوي چې دا یوه تېروتنه وه»، خو نور وضاحت یې نه دی ورکړی.

د روسیې د ولسمشر ویاند دیمیتري پیسکوف د دې پوښتنې په ځواب کې چې ایا دا برید یوه تېروتنه وه، وویل: « موږ د جګړې د جریان په اړه تبصره نه کوو، دا د دفاع وزارت کار دی. موږ یوازې دا ویلی شو چې زموږ پوځ یوازې نظامي اهداف په نښه کوي».

د ملګرو ملتونو څارونکو ویلي، چې د جګړې په دریو کلونو کې لږ تر لږه ۱۲،۶۵۴ ملکي اوکراینیان وژل شوي او ۲۹،۳۹۲ ټپیان شوي دي.

د فرانسې ولسمشر ایمانویل ماکرون ویلي چې د اوربند د بیړني تطبیق اړتیا ده او د پولنډ د بهرنیو چارو وزیر ویلي چې پوتین د ټرمپ د نیتونو سپکاوی کوي.

مېرڅ، چې مسیحي دیموکراتانو اتحادیې مشري کوي، د جرمني په مشهور تلویزیوني بحث «کارن میوزگا» کې وویل، ښوونځي، روغتونونه او ښارونه د اوکراین، سوریې او افغانستان له جګړو تښتېدلو کډوالو له زیاتوالي سره مقابله نشي کولای.

هغه ژمنه وکړه چې د پناه غوښتونکو کلنی شمېر به له ۱۰۰ زرو ښکته راولي.

ده وویل، « زموږ دریځ دا دی چې دا شمېر باید په ښکاره ډول راکم شي. دا نور باید شپږ رقمي نه وي، ښارونه، ټولنې، ښوونځي، روغتونونه او بنسټیز جوړښتونه تر فشار لاندې دي».

د جرمني د رسمي شمېرو له مخې، د ۲۰۲۴ کال په اوږدو کې پناه غوښتونکو کې ۳۰ سلنه کموالی راغلی.

خو په تېرو ټاکنو کې د ښي افراطي کډوال ضد ګوند اې ایف ډي له دویم ځای ګټلو وروسته پر مېرڅ فشار زیات دی چې د کډوالو پر وړاندې لا سخت دریځ ونیسي.

له ټاکنو مخکې، څو بریدونو چې د پناه غوښتونکو او کډوالو له خوا شوي وو، د مهاجرت پر مساله کړکېچ زیات کړ.

ټیلیګراف تېره میاشت رپوټ ورکړ چې ممکن دغه بریدونه د روسیې له خوا تنظیم شوي وي، چې د اې ایف ډي ملاتړ زیات کړي.

فریدریښ مېرڅ، چې ۶۹ کلن پخوانی د بلاک‌راک اجرایوي رییس دی، د فبرورۍ په ټاکنو کې په اسانۍ بریالی شو او له سوسیال دموکراتانو (SPD) سره یې د ایتلافي حکومت تړون وکړ.

مېرڅ ویلي، د دغه ایتلاف له مخې به، جرمني له خپلو ځمکنيو پولو پناه غوښتونکي بېرته ستنوي، څو پر عامه خدماتو فشار کم شي او د کډوالو شمېر راټیټ شي.

خو د دغه تړون متن وايي چې دا کار باید د اروپايي اتحادیې له ګاونډیو هېوادونو، لکه اتریش، سره په همغږۍ وشي.

دغه ستر ایتلاف یا تور سور چې له سي ډي یو او اېس پي ډي ګوندونو جوړ دی، ژمن دی چې د ناقانونه کډوالو د ایستلو لپاره د « بېرته ستنولو عملیات» پیل کړي او د مهاجرت په سیاست کې یو «نوی مسیر» غوره کړي.

د اې ایف ډي مشرې الیسه وایدل دغه تړون « د تسلیمۍ سند » بللی او مېرڅ یې تورن کړی چې د ټاکنیز کمپاین ژمنې ماتوي.

تېره اونۍ ټیلیګراف ته دسي ډي یو یوه غړي، چې د ایتلاف په خبرو کې شامل و، وویل چې جرمني ښایي د اضطراري مادې «۷۲یمې مادې» له لارې پناه غوښتونکي له پولو بېرته وګرځوي.

ګونتر کرینګز وویل، « په تېرو لسو کلونو کې له څلورو میلیونو زیات پناه غوښتونکي او جګړه‌ځپلي جرمني ته راغلي، زموږ د مدغمولو وړتیا ختمه شوې، عامه نظم او داخلي امنیت سخت اغېزمن شوی».

هغه زیاته کړه چې د مخکیني صدراعظم اولاف شولڅ له خوا هم ۷۲یمه ماده د سرحدي تګ راتګ د کنټرول لپاره کارول شوې وه او دا ماده د هغو کسانو د عمومي رد لپاره هم کارېدلی شي چې قانوني ویزه نه لري.

دا اقدام داسې مهال دی، چې یو شمېر نور نړیوال پانګوال شرکتونه هم د خلیج په سیمه کې خپل موجودیت پراخوي.

د سیمې دولتونه هڅه کوي پر تېلو خپلې اقتصادي تکیې کمې کړي او پر نویو پانګوالو فرصتونو تمرکز وکړي.

د کې کې ار (Kohlberg Kravis Roberts & Co) شریک اجرایه رییسان جو بای او سکات نټل وايي، « موږ منځنی ختیځ د پانګونې لپاره یوه مخ پر ودې سیمه بولو؛ چیرې چې جوړښتي اصلاحات، پانګونې پلوه تګلارې او د نفوس مثبت بدلونونه د اقتصادي ودې چټکتیا لامل شوي».

دکولبیرګ سیمه‌ییزه پانګواله ډله به د جولین بارت دوې له خوا رهبري کېږي او هدف به یې د خلیج همکارۍ شورا هېوادونو کې پانګونې او د شراکت فرصتونه وي.

یاد شرکت دا مهال په دوبۍ او د سعودي عربستان په پلازمېنه ریاض کې دفترونه لري.

د رویټرز د رپوټ له مخې، کې کې ار پخوا ژمنه کړې چې له دوبۍ مېشت معلوماتي شرکت (Global Data Hub) سره به یو ځای ۵ میلیارده ډالره پانګونه وکړي، څو د معلوماتي مرکزونو بنسټ پراخ کړي.

پتریوس: له جګړې تر پانګونې

ډیویډ پتریوس، چې پخوا د امریکا د استخباراتي ادارې مشر و او همداراز د افغانستان او عراق جګړو د مهال لوړپوړی قوماندان پاتې شوی، اوس د کې کې ار نړیوال انسټیټیوټ رییس دی.

پتریوس په ۲۰۱۲ کال کې د شخصي ژوند له امله له سي ای اې استعفا ورکړه، خو اوس یو خورا با تجربه او نفوذي شخص ګڼل کېږي چې د منځني ختیځ له جیوپولیټیک سره ژوره اشنايي لري.

د کې کې ار ترڅنګ، نور شرکتونه هم دې سیمې ته وارد شوي، چې بلاک راک، پیرمیرا او جنرال اتلانتیک پکې شامل دي.

دا ټول اقدامات ښيي چې خلیج اوس یوازې د پانګوالو د پانګې جلبولو سیمه نه، بلکې د پانګونې مستقیم هدف ګرځېدلی.

کې کې ار هدف لري چې د راتلونکو پنځو کلونو په موده کې خپله شتمني تر یو تریلیون ډالرو پورې ورسوي.

دغه شرکت په بدیلې پانګونې، خصوصي ونډو، ثابت عاید، بنسټیزو زیربناوو، رېښتیني شتمنۍ او نورو برخو کې کار کوي. یاد شرکت پر۱۹۷۶میلادي کال په نیویارک کې د جروم کولبرګ، هنري کرېویس او جورج رابرټس له خوا تاسیس شوی او له ۵۰۰ میلیارد ډالرو ډېرې شتمنۍ لري.

پاکستاني رسنیو خبر ورکړی، چې دغه کس د تحریک انصاف ګوند او حکومت ترمنځ د اړیکو په ښه‌والي کې ځانګړی رول پرمخ وړي.

د پاکستانۍ ده نیوز ورځپاڼې د راپور له مخې، دغه خبرې د دې لپاره شوې چې د تحریک انصاف او واکمنو ادارو ترمنځ روان کړکېچ پای ته ورسېږي او د عمران خان خوشې کېدو ته هم زمینه برابره شي.

راپور کې راغلي، چې د مارچ میاشتې په درېیمه اوونۍ کې له عمران خان سره د یو شمېر پاکستاني توکمه امریکایانو یوې ډلې څو ځله د راولپنډۍ په اډیاله زندانه کې لیدلي دي.

ویل کېږي، دغه لیدنې له هغو کسانو سره شوې چې اوس د مذاکراتو په بهیر کې مهمه ونډه لري.

په دغو هڅو کې هغه کسان هم شامل دي، چې له عمران خان سره شخصي دوستانه اړیکې لري او د اوږدې مودې راهیسې یې مالي ملاتړ کوي.

په دې کسانو کې په امریکا کې د خوړو او جایدادونو مشهور کاروباري تنویر احمد، په امریکا کې د تحریک انصاف ګوند مېشت مخکښ غړی عاطف خان، سردار عبدالسمېع، ډاکټر عثمان ملک، ډاکټره سایره بلال او ډاکټر محمد منیر شامل دي.

پاکستانۍ رسنۍ زیاتوي، د نومبر میاشتې په دغه لیدنه کې عمران خان دا درک کړه چې له حکومت او پوځي ادارو سره روغې جوړې ته اړتیا شته.

هغه چمتووالی هم ښودلی، چې شته ستونزې د خبرو له لارې حل شي.

ویل کېږي عمران خان د سیاسي فشار راوستو لپاره هڅه کړې وه، چې په اسلام اباد کې به پراخ لاریونونه د ده خوشې کېدو ته زمینه برابره کړي. 

د خېبر پښتونخوا درې مهمو چارواکو هم عمران خان ته دا باور ورکړی و، چې تحریک انصاف به په اسلام اباد کې د لاریون په ترسره کولو سره د هغه خوشې کېدل حتمي کړي؛ خو داسې ونشول.

ویل کېږي، چې عمران پر دغو ژمنو د خپل باور له مخې هغه مهال له پاکستاني توکمه امریکایانو سره خپلې خبرې هم ځنډولې وې.