اسراییل لا هم غزې ته د بشري مرستو د لېږد کاروانونه نه پرېږدي
د ملګرو ملتونو د فلسطیني کډوالو د مرستو اداره وایي، شاوخوا ۳۰۰۰ مرستندویه بار وړونکې لارۍ د غزې پولو ته نږدې د اسراییلي ځواکونو له لوري درول شوي او د ننوتو اجازه نه ورکوي. د الجزیرې شبکې د راپور له مخې دا پرلپسې دویمه میاشت شوه، چې دغو بشري مرستو د لېږد مخه نیول شوې.
یادې شبکې همدا راز راپور ورکړی، چې د اسراییلي پوځ له لوري نن سهار هم په مرکزي او جنوبي غزه کې بریدونه شوي دي.
د المواسي په سیمه کې د اسراییلي ځواکونو د بې پېلوټه الوتکې د برید له کبله درې کسان وژل شوي دي.
همدا راز په خان یونس کې د برید پر مهال یو ټپي شوي ماشوم هم په روغتون کې ساه ورکړې ده.
