د چین ولسمشر په درې ورځني سفر روسیې ته ځي
د چین ولسمشر شي جینپینګ د روان کال د مې له ۷مې تر ۱۰مې پورې روسیې ته رسمي سفر کوي چې د نازي جرمني پر وړاندې د بري ۸۰مې کلیزې په نمانځغونډو کې برخه واخلي او له ولسمشر ولادیمیر پوتین سره خبرې اترې وکړي.
د چین ولسمشر شي جینپینګ د روان کال د مې له ۷مې تر ۱۰مې پورې روسیې ته رسمي سفر کوي چې د نازي جرمني پر وړاندې د بري ۸۰مې کلیزې په نمانځغونډو کې برخه واخلي او له ولسمشر ولادیمیر پوتین سره خبرې اترې وکړي.
کرملېن ویلي، دواړه مشران به د ستراتېژيکو همکاریو، نړیوالو او سیمهییزو موضوعاتو په اړه خبرې وکړي او څو تړونونه به هم لاسلیک شي.
د روسیې ولسمشر پوتین د مې نهمې د مراسمو په مناسبت له اوکراین سره د درې ورځني اوربند وړاندیز کړی، خو ولسمشر ولادیمیر زېلینسکي دا رد کړی او پر ځای یې د ۳۰ورځني اوربند غوښتنه کړې.
زېلنسکي خبرداری ورکړی چې د جګړې له امله بهرني مشران نشي کولای د مسکو مراسمو ته په خوندي ډول سفر وکړي.
همداراز زېلینسکي پر چین تور پورې کړی چې روسیې ته یې وسله او باروت ورکړي، چې دا چاره د نړیوالو اړیکو کړکېچ لا زیاتوي.
