پاکستانۍ رسنۍ جیو نیوز د خپلو سرچینو له قوله راپور ورکړی، چې د پاکستان هوایي ځواک (د اپرېل په ۲۹مه او ۳۰مه نېټه) د هند هوایي ځواک هغه څلور رافایل الوتکې چې په توغندیو سمبال وې؛ په شا تمبولې دي.
په راپور کې راغلي، دغو هندي الوتکو هڅه کوله چې د پاکستان دننه ځینې سیمې په نښه کړي.
په راپور کې ادعا شوې، چې د پاکستان هوایي ځواک د هندي الوتکو د څار سېسټم لمنځه یوړ او له همدې کبله بېرته شاتګ ته اړې شوې.
تر دې دمه هند د دغو ادعاوو په تړاو څه نه دي ویلي؛ خو د دواړو هېوادونو رسنیو د یو بل پر ضد تبلېغاتي جګړه توده ساتلې ده او پاکستاني چارواکي هم هره ورځ د احتمالي برید په تړاو څرګندونې کوي.
