د بلوچستان په بولان کې ماین چاودنې پنځه پاکستاني سرتېري ووژل
د پاکستان د بلوچستان ایالت په بولان ولسوالۍ کې د سړک غاړې ماین چاودنه شوې، چې له امله یې پنځه پاکستاني سرتېري وژل شوي او پنځه نور ټپیان دي.
د پاکستان د بلوچستان ایالت په بولان ولسوالۍ کې د سړک غاړې ماین چاودنه شوې، چې له امله یې پنځه پاکستاني سرتېري وژل شوي او پنځه نور ټپیان دي.
رسمي سرچینو د سې شنبې په ورځ (د غویي ۱۶مه) ویلي، دا چاودنه هغه مهال وشوه چې امنیتي ځواکونو د سیمې د څارنې عملیات ترسره کول.
د پاکستان پوځ او امنیتي ادارو ددې چاودنې د څرنګتیا او مرګ ژوبلې په اړه تراوسه څه نه دي ویلي.
بلوچستان ایالت په دې وروستیو کې د بېلتون غوښتونکو د بریدونو او امنیتي ناکراریو شاهد دی.
د پاکستان دفاع وزیر خواجه اصف پرون ادعا وکړه، چې په دغه ایالت او خیبر پښتونخوا کې د جنګیالیو فعالیتونه له افغانستان نه د هند په ملاتړ کیږي.
پاکستاني رسنیو نن رپوټ ورکړی و، چې د هند استخباراتي اداره غواړي په بلوچستان کې ځانمرګي بریدونه پلان کړي.
په افغانستان کې واکمن طالبان، هند او پاکستاني طالبان د ډوله تورونه ردوي.
