روسي چارواکي: دا دویمه پر‌له‌پسې شپه ده چې اوکراین پر مسکو د ډرون بریدونو هڅه کوي

رویټرز د سې شنبې په ورځ (می ۶مه) راپور ورکړی، چې دا خبرې به د مې پر ۱۱مه د یکشنبې په ورځ، بیا پیل شي.

یوې ایرانۍ سرچینې چې د مذاکرې له ټيم سره نږدې ده، رویټرز ته ویلي چې خبرې به د دوو ورځو لپاره وي او ښايي یا د شنبې او یکشنبې یا د یکشنبې او دوشنبې ترمنځ ترسره شي.

یادې خبرې چې پخوا د مې درېیمې لپاره په روم کې پلان شوې وې، د منځګړي هېواد عمان له‌خوا د لوژستیکي دلایلو له امله وځنډول شوې. اوس د خبرو تمرکز مسقط ته اوښتی دی.

د امریکا مخکښ استازي سټیو وټکوف هم ویلي چې واشنګټن هڅه کوي دغه خبرې راتلونکې اونۍ بیا پیل کړي. دا څرګندونې یوه ورځ وروسته تر هغه کېږي چې د ایران د بهرنیو چارو وزارت له واشنګټن سره پر ډېپلوماټیک تعهد ټینګار وکړ.

له دې جلا، د روسیې ولسمشر ولادیمیر پوتین نن له ایراني ولسمشر مسعود پزشکیان سره د یادو خبرو پرمختګ ارزولی او ویلي یې دي چې مسکو چمتو دی د ایران او امریکا ترمنځ د یو عادلانه تړون لپاره منځګړیتوب وکړي.

ډونالډ ټرمپ، چې په ۲۰۱۵ کې له ایران سره د نړۍوال اټومي تړون نه وتلی و، ګواښ کړی چې که د ده له ادارې سره نوی تړون ونه‌شي، نو پر ایران به بمباري وکړي.

لویدیز هېوادونه شک لري چې ایران غواړي اټومي وسلې جوړې کړي، خو ایران ټینګار کوي چې د دوی اټومي پروګرام یوازې د ملکي اهدافو لپاره دی.

د جګړې له پیل راهیسې دواړو لوریو څو ځله اسیران تبادله کړي، خو تازه تبادله د شمېر له مخې د پام وړ ده.

اوکراین تر دې دمه په دې اړه رسمي څرګندونې نه دي کړې، خو د پخوانیو مواردو په څېر تمه ده چې کییف به هم خوشي شوي سرتېري د اتلانو په توګه وستايي.

د روسیې او اوکراین ترمنځ جګړې، چې له ۲۰۲۲ کال راهیسې روانه ده، تر اوسه زرګونه کسان وژلي او میلیونونه نور یې بې‌کوره کړي دي.

د اسیرانو تبادله له هغو محدودو برخو څخه ده چې ښايي دواړه لوري پرې موافقه وکړي.

سیمه‌ییزو پاکستاني رسنیو د پولیسو له قوله راپور ورکړی، چې دغه پېښه د یکشنبې په ورځ شوې ده، چې وسله‌والو کسانو د پولیسو پر افسر زین‌الدین ترین برید وکړ او هغه یې ځای پر ځای وواژه.

برید کوونکي تر برید وروسته له سیمې تښتېدلي دي.

زین‌الدین ترین د پولیسو یو فعال افسر و، چې په چمن کې یې دنده ترسره کوله او د درې ورځني رخصت لپاره خپل پلرني ټاټوبي پښین ته تللی و.

تر اوسه د دې پېښې مسوولیت کومې وسله‌والې ډلې نه‌دی منلی، خو پاکستانۍ رسنۍ وايي، چې پولیسو د پېښې په اړه پلټنې پیل کړې دي.

په ورته وخت کې د بلوچستان په مستونګ ولسوالۍ کې هم د نامعلومو وسله‌والو له خوا پر یوه موټر ډزې شوې چې له امله یې درې تنه وژل شوي دي.

پولیس وايي، دغه پیښه د کلي هزار خان په سیمه کې د تېري سړک پر سر شوې ده.

یاده اعلامیه، چې د طالبانو د «عمر میډیا» له لارې خپره شوې، ټینګار کوي چې جګړه یوازې د طالبانو نه، بلکې د سیمې د ټولو خلکو ده، ځکه د دوی په وینا،«هغه خاوره، عزت، کلتور او طبیعي سرچینې چې تر اشغال لاندې دي، د ټولو ګډ ملکیت دی».

د یادې ډلې ویاند محمد خراسانی وايي، « دا دښمن یوازې د مجاهدینو نه، بلکې د ټول ولس دښمن دی. دا هغه قوت دی چې زموږ پر خاوره یې زور راوړی، زموږ کلتور یې له منځه وړی، او زموږ ولس یې بې‌ځایه کړی دی».

خراساني وايي، د پخوا په څېر که علماء، مشران او ځوانان یو موټی شي، نو د دوی په وینا، دا « کرایه شوي پوځیان به ژر له سیمې وتښتي».

هغه ادعا کوي چې د تحریک تېرو ناکامیو یو لامل د عام ولس او «مجاهدینو» تر منځ واټن و، چې د دښمن له‌خوا جوړ شوی و، خو دا واټن باید نور ختم شي.

په اعلامیه کې ویل شوي چې ولس نور د هجرتونو توان نه لري، « خلک نور له کډوالۍ ستړي شوي، دوی اوس خپل کورونه بیا اباد کړي دي. که دښمن یو ځل بیا د دوی ایستل غواړي، نو باید ټول مشران او علماء دا هڅې شنډې کړي».

دا اعلامیه داسې مهال خپرېږي چې څو ورځې وړاندې د سویلي وزیرستان په مرکز واڼه کې په زرګونو خلکو د امن لاریون وکړ او له ښکیلو اړخونو یې وغوښتل، چې ددوی سیمې ته جګړه ور نه وړي.

د پاکستان حکومت تر دې دمه په رسمي ډول د دې اعلامیې په اړه غبرګون نه دی ښودلی.

د سې شنبې په ورځ، د سوسیال مسیحي دیموکرات اتحاد مشر فریدریښ میرڅ په سري رایه اچونه کې یوازې ۳۱۰ رایې ترلاسه کړې، چې له ضروري اکثریت ۳۱۶ رایو څخه شپږ رایې کمې دي.

د سوسیال مسیحي دیموکراتانو اتحادیه او سوسیال دیموکرات ګوند په پارلمان کې ټولې۳۲۸ څوکۍ لري، خو میرڅ بیا هم اړین اکثریت نه دی ترلاسه کړی.

د بوندسټاګ رییسې جېولیا کلوکنر اعلان وکړ: « فریدریښ میرڅ ۳۱۶ د رایو اکثریت نه دی ترلاسه کړی. هغه د جرمني د فدرالي جمهوریت د صدراعظم په توګه ونه ټاکل شو».

اوس د جرمني ایتلافي ګوندونه د راتلونکو ګامونو په اړه مشوره کوي. فریدریښ میرڅ او د ایس پي ډي شریک رییس لارز کلینګبایل د دوشنبې په ورځ پر دې ټینګار کړی و چې دوی به په لومړي دور کې د حکومت جوړوونکو ایتلافونو له خوا په قاطع اکثریت سره میرڅ د صدراعظم په توګه وټاکي، خو اوس د دې پریکړې لپاره مشورې روانې دي.

د جرمني د اساسي قانون له مخې، که ټاکل شوی شخص په لومړي دور کې ونه ټاکل شي، نو بوندسټاګ یا پارلمان باید په ۱۴ ورځو کې دویم انتخاباتي دور ترسره کړي. که په دویم دور کې هم ټاکل شوی صدراعظم ونه ټاکل شي، نو په درېیم انتخاباتي دور کې یوازې د حاضرو غړو د رایو اکثریت ته اړتیا ده.